Category: Infocom

🇺🇸 ⚖️ ԱՄՆ արդարադատության նախարարությունը հետաքննում է հինգ խոշոր հեռուստաալիքների կողմից հակամենաշնորհային օրենսդրության հնարավոր խախտումը այն բանից հետո, երբ դրանք ժամանակավորապես հրաժարվել են ապահովել նախագահ Դոնալդ Թրամփի՝ Սպիտակ տանը անցկացվող միջոցառումների համատեղ լուսաբանումը:
🔹 Հետաքննությունը վերաբերում է NBC, ABC, CBS, CNN և Fox News հեռուստաալիքներին, որոնք մտնում են Սպիտակ տան հեռուստալրագրողների շրջանակի մեջ։
📌 Արդարադատության նախարարության հակամենաշնորհային բաժնի ներկայացուցիչ Էմիլի Քովինգթոնը հայտարարել է, որ գերատեսչությունը ստուգում է, թե արդյոք հեռուստաալիքները չեն խախտել Շերմանի օրենքը, որն արգելում է, մասնավորապես, մրցակիցների միջև որոշակի տեսակի համաձայնությունները։ |news.am|

🇺🇸 ԱՄՆ նախագահ Դոնալդ Թրամփը հայտարարել է, որ մոտ ժամանակներս կորոշի՝ արդյոք Վաշինգտոնը կմիանա Եմենի հութիների դեմ հարվածներին Սաուդյան Արաբիայում Ռիադի միջազգային օդանավակայանի գրոհից հետո, հաղորդել է Reuters-ը։
🗣 «Հնարավոր է։ Մենք կքննարկենք այդ հարցը։ Մենք հենց նոր իմացանք վերջին գրոհի մասին, ուստի որոշում կընդունենք։ Մենք գործում ենք շատ արագ»,- Սպիտակ տանը լրագրողներին ասել է Թրամփը։ |news.am|

📣 Թրամփը հայտարարում է՝ Ուկրաինայում նոր նախագահ ունենալու ժամանակն է:
🗣 Լրագրողների հետ զրույցում ԱՄՆ նախագահն ասել է. «Ես առաջարկում եմ նրանց նոր առաջնորդ ընտրել, ով կարող է գործարք կնքել»՝ հավելելով, որ «ինչ-ինչ պատճառներով [Զելենսկին] երբեք դա չի անում»։ |azatutyun.am|

Ամուլսարի «էպոպեան»․ երբ իշխանության հաջողությունը չափվում է բողոքի բացակայությամբ․ «Քաղաքացու ձայնը»
🔻 Եթե իշխանությունը հանրային մասնակցության հաջողությունը գնահատում է նրանով, որ այլևս բողոքի ակցիաներ չկան, ապա վտանգ կա, որ մասնակցությունը կսկսի դիտարկվել ոչ թե որպես որոշումների կայացման անբաժանելի մաս, այլ որպես կառավարելի խնդիր։
🔻 Բողոքի բացակայությունը կարող է ունենալ տարբեր պատճառներ՝ դիրքորոշումների փոփոխությունից մինչև հիասթափություն, կազմակերպական ռեսուրսների սպառում կամ պայքարի այլ ձևերի անցում։ Առանց համապատասխան ուսումնասիրության՝ հնարավոր չէ պնդել, թե դրանցից որն է որոշիչ եղել Ամուլսարի դեպքում։
🔻 Նույնքան անհիմն է, սակայն, բողոքի բացակայությունն ինքնաբերաբար մեկնաբանել որպես հանրային համաձայնություն։
Հատկապես երբ 2025 թվականին ևս բնապահպանական և իրավապաշտպան կազմակերպությունները շարունակել են բարձրաձայնել նախագծի վերաբերյալ մտահոգությունները։
Այս հանգամանքը ցույց է տալիս, որ առնվազն կազմակերպված քաղաքացիական հասարակության մի հատվածի համար Ամուլսարի հարցը փակված չէր։

COP17-ին ընդառաջ Ամուլսարի հանքավայրի բացումը պատահական չէր․ «Էկոլուր» ՀԿ ղեկավար, բնապահպան Ինգա Զարաֆյան

🔸 Հանքավայրի շահագործման գործընթացին դեմ քաղհասարակությունը պատրաստվում է տարբեր կերպ արտահայտել իր դիրքորոշումը․ կլինեն և՛ հայտարարություններ, և՛ 4-5 միջոցառումներ, որտեղ կքննարկվի Ամուլսարի հարցը։
🔸 Քաղհասարակությունը ձեռքերը ծալած չի նստի, այդ թեման շատ արդիական է, որովհետև Ամուլսարը մեր երկրի հանքարդյունաբերական ոլորտի քաղաքականության այցեքարտն է։ Այս գործընթացում առկա բոլոր բացերը, բոլոր թերությունները խոսում են այն մասին, որ մեր քաղաքականությունն այստեղ շատ թույլ է և չի իրականացվում նույնիսկ COP-ի կոնվենցիաների պահանջները։ Մինչդեռ [Բեռնի] կոնվենցիայի պահանջները պետք է ավելի բարձր լինեն, որովհետև միջազգային պարտավորություններ են»,- ասել է Զարաֆյանը։ |panorama.am|

💬 «Լիդիան Արմենիա»-ի հիմնադիրը Հայկ Ալոյանը պատմել է, թե ինչպես են կարողացել հաջողել Ամուլսարի ազդակիր համայնքների հետ հարաբերություններում։
🗣 «Կարծում եմ՝ ժամանակը բուժում է։ Հետևողական քայլերի, տեղեկատվության փոխանակման և համայնքների հետ աշխատանքի շնորհիվ մենք հասանք նրան, որ այսօր համայնքները մեր գործընկերներն են»,- հայտարարել է նա։
📌 Ալոյանի խոսքով՝ ինքը չի վերլուծել բնապահպանների ակցիաների հարցը և հիմա չի կարող հստակ գնահատական տալ, թեև չի բացառում, որ նախագծի դեմ պայքարում կարող էր լինել նաև արհեստական տարր։ |news.am|