Category: Infocom

⛪️ Համայնքի ղեկավարի կողմից որևէ միտումնավոր խոչընդոտում կամ սուբյեկտիվ մոտեցում առկա չէ․ Վաղարշապատի համայնքապետարանը արձագանքել է Մայր Աթոռի հայտարարությանը
📌 Համայնքապետարանից նշել են, որ նախկինում Մայր Աթոռին տրամադրված տարածքները փոխանցվել են հստակ ենթակառուցվածքային ծրագրերի իրականացման նպատակով, սակայն դրանք գտնվում են խիստ անմխիթար և անբարեկարգ վիճակում, նախատեսված համայնքի համար կենսական նշանակություն ունեցող նախաձեռնությունները մինչ օրս կյանքի չեն կոչվել։
🗣 «Ստեղծված իրավիճակը համայնքապետարանին հիմք է տալիս եզրակացնելու, որ Մայր Աթոռ Սուրբ Էջմիածնի կողմից առավելապես դիտարկվում է տարածքների փաստացի սեփականացման տարբերակը, այլ ոչ թե դրանց նպատակային օգտագործումը համայնքի զարգացման համար»,- նշված է հայտարարության մեջ։

🔍 Երևանի քաղաքապետարանը ուսումնասիրություն է կատարում Երևանի Մալաթիա-Սեբաստիա վարչական շրջանի թիվ 94 մսուր-մանկապարտեզում՝ տնօրեն Փառանձեմ Միրիբյանի կատարած գործողություններին պատշաճ արձագանք տալու համար։
🗣 Այս մասին «Sputnik Արմենիա»-ի հետ զրույցում ասել է Երևանի քաղաքապետարանի աշխատակազմի հանրակրթության վարչության պետ Մարգարիտ Խաչատրյանը։

👨‍⚖️ 18-ամյա Դավիթ Մինասյանը 2 ամսով կալանավորվեց։ Նա ձերբակալվել էր կիրակի Սուրբ Աննա եկեղեցումմիջադեպից հետո:
📌 Միջադեպի առթիվ հարուցված քրեական վարույթով 3 անձի նկատմամբ հարուցված է հանրային քրեական հետապնդում:

🇦🇲 Տասնամյակների պատմություն ունեցած հակամարտության ընթացքում ձևավորվել են մի շարք թշնամական, ոչ հավաստի նարատիվներ, որոնք, ցավալիորեն, Ադրբեջանում դեռ շարունակվում են օգտագործվել նաև պետական մակարդակով:
💬 Այս մասին հայտնում է ՀՀ ԱԳՆ խոսնակ Անի Բադալյանը՝ ի պատասխան Ադրբեջանի ԱԳՆ հայտարարության:
🔻 «Հուսով ենք, որ Հայաստանի և Ադրբեջանի միջև հաստատված խաղաղությունը ոչ միայն կծառայի երկու պետությունների և հասարակությունների միջև կայուն խաղաղ համակեցության և բարիդրացիական հարաբերությունների ձևավորմանը, այլև վերջ կդնի մտացածին թեզերի գոյությանն ու կբացառի ատելության խոսքը:
🔻 Հիշեցնենք, որ Հայաստանի և Ադրբեջանի ղեկավարներն այս մասին նաև պայմանավորվածություն են ձեռք բերել Վաշինգտոնում, որտեղ 2025թ. օգոստոսի 8-ին ստորագրված հռչակագրի 5-րդ կետում հստակ խոսվում է երկու ժողովուրդների միջև թշնամանքի էջը փակելու և մարդկային անասելի տառապանքներ պատճառած հակամարտությունից հետո երկու ժողովուրդների համար բարիդրացիական հարաբերություններ սկսելու հնարավորության մասին»,- նշել է Բադալյանը:

🇮🇷🇹🇷 Իրանի ԱԳ նախարար Աբբաս Արաղչին Թուրքիայի ԱԳ նախարար Հաքան Ֆիդանի հետ հեռախոսազրույցի ընթացքում ասել է, որ Իրանից Թուրքիայի ուղղությամբ հրթիռների արձակման մասին լուրերը լիովին անհիմն են։
🗣 Նա չի բացառել տարածաշրջանի խաղաղության թշնամիների կողմից նմանօրինակ գործողությունների կրկնությունը։
🔸 «Իրանը հավատարիմ է բարիդրացիության սկզբունքին և Թուրքիայի ինքնիշխանության ու տարածքային ամբողջականության հարգմանը, ինչպես նաև պատրաստ է համագործակցել նման դեպքերի հետաքննության հարցում»,- նշել է Արաղչին։ |news.am|