Category: Infocom

Infocom pinned «CTRL Z` Պետրոս Ղազարյանի հետ | Episode 0 Ctrl Z-ի զրոյական թողարկման հյուրն է լրագրող Պետրոս Ղազարյանը, որի հետ Ինֆոքոմի Z սերնդի լրագրողները զրուցում են երիտասարդների քաղաքական հետաքրքրվածության, հարցազրուցավարի կարևոր հմտությունների, նոր սերնդի սոցիալական…»

💵 Ուզում ենք ունենալ անարատ, որևէ կողմնակի ազդեցությունից զերծ պաշտոնյա. Փաշինյանը՝ անդրադառնալով պաշտոնյաների պարգևավճարներին
🗣 «2025 թվականին մենք պետական ապարատի ծախսերի, այդ թվում՝ աշխատավարձերի և այլ ծախսերի ֆոնդը կրճատել ենք 6,5 միլիարդ դրամով։ Սա արվել է այն տրամաբանությամբ, որ պետական համակարգը ինքնուրույն գտնի անարդյունավետ ծախսերը, ավելորդ հաստիքներն ու միավորները, որոնց վրա պետական միջոցներ են ծախսվում։ Ծախսերի կրճատումից հետո ներդրվել է կատարողականի վրա հիմնված վարձատրության պիլոտային համակարգ, որը փորձարկման փուլում է և ապագայում նախատեսվում է այն օրենսդրորեն ամրագրել»։
📣 Ըստ Փաշինյանի՝ առհասարակ այս որոշման նպատակը պետական ինստիտուտների ուժեղացումն է և որակյալ կադրերի արտահոսքը կանխելը։ |1lurer.am|

📣 Դավիթ Խաչատրյանը դադարեցնում է լիազորությունները Աշխատանքի և սոցիալական հարցերի նախարարի տեղակալի պաշտոնում։ Այս մասին ֆեյսբուքյան գրառմամբ հայտնել է Խաչատրյանը։

🌡️ Օդի ջերմաստիճանը հունվարի 22-ի գիշերը կնվազի ևս 3-6 աստիճանով, հունվարի 23-24-ին գիշերային ժամերին աստիճանաբար կբարձրանա 8-10 աստիճանով։
❄️ Երևանում հունվարի 23-ին սպասվում է ձյուն։ Հանրապետության առանձին շրջաններում ձյուն կտեղա նաև հունվարի 24-ի գիշերը։ Լեռնային շրջաններում սպասվում է բուք, ցածր հորիզոնական տեսանելիություն։
[«Հիդրոօդերևութաբանության  և  մոնիթորինգի  կենտրոն»]

CTRL Z` Պետրոս Ղազարյանի հետ | Episode 0
Ctrl Z-ի զրոյական թողարկման հյուրն է լրագրող Պետրոս Ղազարյանը, որի հետ Ինֆոքոմի Z սերնդի լրագրողները զրուցում են երիտասարդների քաղաքական հետաքրքրվածության, հարցազրուցավարի կարևոր հմտությունների, նոր սերնդի սոցիալական հարթակների, քրինջվելու, Հանրային հեռուստաընկերությունում ստեղծագործական ազատության, Սերժ Սարգսյանի թիկնապահից ստացած հուշաթերթի, իշխանություններին լոյալության, հյուրերի ցանկում ընդդիմադիրների փոքր քանակի, հարցազրույցի չհրավիրվողների և հարցազրույցից խուսափողների, հյուրերի վերաբերյալ հեգնական գրառումների, եկեղեցու, անհարմար լռության, լրագրողական էթիկայի և այլնի մասին։

📣 Որոնվում է 1986 թվականին ծնված Լաուրա Ոսկանյանը։
‼️ Նրա գտնվելու վայրի վերաբերյալ տեղեկություններ ունեցողներին խնդրում ենք դիմել Համայնքային ոստիկանության Էրեբունու բաժին կամ մոտակա բաժին կամ զանգահարել 1-02։
[ՀՀ ոստիկանություն]

🗣 Ախթալայի լեռնահարստացման կոմբինատի հանքի աշխատողները՝ հորատանցողները, 6 օր է՝ գործադուլ են անում և պահանջում աշխատավարձերի բարձրացում։ Այս մասին ՍիվիլՆեթի հետ զրուցում հայտնել են գործադուլավորները, որոնք ցանկացել են անանուն մնալ։
💬 Զրուցակցի խոսքով՝ իրենք իրենց պահանջը հունվարի 10-ին բանավոր հայտնել էին ղեկավարությանը և մինչև հունվարի 15-ը ժամանակ տվել։ Ղեկավարությունից իրենց հայտնել են, որ չեն կարող բարձրացնել աշխատավարձը. «Պղնձի այն կոնցենտրատը, որ մենք հանձնում ենք, գինը 2019-ին 6,700 դոլար է եղել, հիմա դարձել է 12,700, այսինքն կրկնակի թանկացել է, բայց մեզ համար ոչ մի փոփոխություն չկա»։
📌 Արդեն որոշ աշխատողների ծանուցագրեր են ուղարկել, որ անհարգելի բացակայելու դեպքում կհեռացնեն աշխատանքից։
💬 ՍիվիլՆեթը փորձել է կապ հաստատել Կոմբինատի հետ, բայց երբ հայտնել են, որ լրագրող է, անջատել են: |civilnet.am|
🔗 Կարդալ ավելին

❌ Պաշտոնից ազատվել է Շվեյցարիայի Հայոց թեմի առաջնորդական տեղապահ Հոգեշնորհ Տ. Գուսան ծայրագույն վարդապետ Ալճանյանը։
✅ Այս մասին հայտնել են Մայր Աթոռից՝ նշելով, որ Տ․ Պարթև եպիսկոպոս Բարսեղյանը, ազատվելով Գեղարքունյաց թեմի առաջնորդի պաշտոնից, նշանակվել է Շվեյցարիայի Հայոց թեմի առաջնորդ։
✅ Քրեակատարողական հիմնարկների հոգևոր տեսուչ Հոգեշնորհ Տ. Իսահակ վարդապետ Պողոսյանը համատեղության կարգով նշանակվել է Գեղարքունյաց թեմի առաջնորդական տեղապահ:
📌 Հիշեցնենք, որ Ալճանյանը միացել էր Նիկոլ Փաշինյանի՝ «եկեղեցու բարենորոգման» հայտարարությանն ու ճանապարհային քարտեզին։