Category: Infocom

📣 Շենգավիթ վարչական շրջանի ղեկավար Անդրանիկ Մինասյանը հոկտեմբերի 10-ից դադարեցնելու է իր աշխատանքային գործունեությունը:
📌 Այս մասին Մինասյանը հայտնել է ֆեյսբուքյան իր էջում։

🇫🇷 BFM TV-ի կառավարական անանուն աղբյուրների փոխանցմամբ հրաժարական է տվել Ֆրանսիայի վարչապետ Սեբաստիան Լըկորնյուն: Նա այս պաշտոնին նշանակվել էր սեպտեմբերի 10-ին՝ 26 օր առաջ:
📌 Նշենք, որ այսօր առավոտյան հայտնի է դարձել, որ մոտ մեկ ամիս վարչապետի պաշտոնը զբաղեցնելուց հետո Լըկորնյուն նախարարներ է նշանակել: Միևնույն ժամանակ, ընդդմիադիր ուժերը սպառնացել են կառավարության արագ փոփոխություն անել, եթե այն չհրաժարվի Էմանուել Մակրոնի նախկին քաղաքականությունից:

Արցախում կատարվածը, միջազգային իրավունքն ու ցեղասպանագիտությունը | Հանրագիտ
🎙 Հայոց ցեղասպանության թանգարան-ինստիտուտի կրտսեր գիտաշխատող Սվետա Չախմախչյանը «Հանրագիտ» պոդքաստում խոսում է՝
🔸 Հայոց ցեղասպանության թանգարան-ինստիտուտին միանալու և միջազգային իրավունքի տեսանկյունից ցեղասպանագիտական հետազոտություններ իրականացնելու,
🔸 Արցախում կատարվածը նկարագրելու համար իրավական ճիշտ տերմիններ գործածելու կարևորության,
🔸 «էթնիկ զգում» տերմինի սահմանափակումների,
🔸 սովի, բլոկադայի և այլ իրողությունների՝ ցեղասպանական գործողությունների համապատասխանելու մասին:

🇨🇿 Չեխիայում հրապարակվել են հոկտեմբերի 4-ին տեղի ունեցած խորհրդարանական ընտրությունների արդյունքները։

📌 Միլիարդատեր Անդրեյ Բաբիշիի ANO քաղաքական շարժումը հաղթել է 2025 թվականի Չեխիայի խորհրդարանական ընտրություններում։ 
🔸 Ընտրություններին մասնակցել է չեխ ընտրողների 68.95%-ը, ANO-ն ստացել է ձայների 34.51%-ը (80 մանդատ)։ |armenpress.am|

❗️Լոռու մարզի Տաշիր քաղաքում հոկտեմբերի 4-ին դանակահարման հետևանքով մահացել է 18-ամյա Տիգրան Դ․-ն։
📌 Դեպքի առթիվ Քննչական կոմիտեն հարուցել է քրեական վարույթ՝ ՀՀ քրեական օրենսգրքի սպանության հոդվածով։ Մեկ անձ ձերբակալվել է, հայտնել է Քննչական կոմիտեի մամուլի խոսնակ Կիմա Ավդալյանը։
🔸 Տեղեկությունը հոկտեմբերի 4-ին հայտնել էր «Նորություններ Արցախից» ֆեյսբուքյան էջը։ Ըստ էջի՝ ժամը 16։00-ի սահմաններում Տաշիրի ոստիկանության բաժին օպերատիվ տեղեկություն է ստացվել, որ դանակահարված երիտասարդը քաղաքացիական ավտոմեքենայով տեղափոխվել է Տաշիր բժշկական կենտրոն։ Վիրավորը, ցավոք, գիտակցության չգալով, մահացել է։
📌 Ինչպես հայտնում է ՍիվիլՆեթը, Տիգրանի նախկին դասախոս Աշոտ Ավանեսյանը պատմել է, որ երիտասարդը Խնուշինակ համայնքից էր և տեղափոխվելուց հետո ընտանիքով բնակվում էր Սարչապետում, սակայն դանակահարությունը, իր տեղեկություններով, տեղի է ունեցել հարևան Տաշիր քաղաքում։ |civilnet.am|

❗️Վերջին օրերին տեղեկություն էր տարածվում, թե «Վրաստան-Թուրքիա սահմանային անցակետում մի քանի տասնյակ հազարի հասնող կեղծ անձնագրեր և փաստաթղթեր են հայտնաբերվել, որոնք պետք է օգտագործվեին ընտրություններում»։ 
📌 Ինչպես հայտնում է «Արմենպրեսը», ՆԳ նախարարի մամուլի քարտուղար Նարեկ Սարգսյանը հերքել է տարածված տեղեկությունը․
🗣 «Մշտապես կապի մեջ ենք Վրաստանի իրավապահ գործընկերների հետ, որևէ նման դեպք չի արձանագրվել։ Լուրը բացահայտ ապատեղեկատվություն է և իրականության հետ որևէ աղերս չունի», — ասել է մամուլի քարտուղարը։