Category: Infocom

🚌 Թիվ 16 երթուղու վարորդը ծեծի է ենթարկվել ուղևորներից մեկի կողմից։
📌 «Դեպքը տեղի է ունեցել այսօր ժամը 10:00-ի սահմաններում Թամանցիների փողոցում` վերջնակետում հաց ուտելիս։
📣 Վարորդը ստացել է մարմնական վնասվածքներ և Շտապօգնության ծառայության մեքենայով տեղափոխվել է բուժհաստատություններից մեկը։ Վարորդը դիմել է Ոստիկանություն», — այս մասին հայտնել է «Երևան Ավտոբուս» ՓԲԸ խոսնակ Գեղամ Ասատրյանը։

❄️ Այսօր կեսօրից հետո և հունվարի 10-ին Հայաստանը գտնվելու է Միջերկրական ծովից ներթափանցած ցիկլոնի ազդեցության գոտում, առանձին շրջաններում սպասվում է ձյուն, լեռնային առանձին մարզերում քամու ուժգնացում՝ 17-20 մ/վրկ, բուք, ցածր հորիզոնական տեսանելիություն։
🌤 Օդի ջերմաստիճանը առաջիկա 5 օրերին էապես չի փոխվի։
[ՇՄՆ]

🛬 Հալեպ-Երևան այսօր նախատեսված չվերթը չեղարկվել է: Այս մասին տեղեկանում ենք «Զվարթնոց» օդանավակայանի կայքից:
📌 Նշենք, որ Հալեպում տեղի ժամանակով 03:00-ից հրադադար է հաստատվել, այդ մասին հաղորդել է Սիրիայի ՊՆ-ն:

🏥 Գյումրու քաղաքապետ Վարդան Ղուկասյանի վիճակը վատացել է, նա հիվանդանոց է տեղափոխվել։
Գյումրու համայնքապետ Վարդան Ղուկասյանը հիվանդանոցում է: Այս մասին հայտնել է նրա փաստաբան Արամայիս Հայրապետյանը։
«Դատաբժշկական փորձաքննություն կա նշանակված դատարանի որոշմամբ, հետազոտություններ պետք է անցնի։ Առողջական վիճակը բարվոք է, կյանքին վտանգ չի սպառնում, բայց ամբողջական պատկերը կիմանանք բոլոր հետազոտություններից հետո»,-ասաց նա` հավելելով, որ Ղուկասյանը «Հանրապետական» հիվանդանոցում է։|armeniasputnik.am|

❗️🇺🇸 ՀՀ-ում ԱՄՆ դեսպանատունն այժմ կիրառում է վիզայի հանդիպումների նշանակման նոր համակարգ։
📣 Ոչ ներգաղթային և ներգաղթային վիզաների հարցազրույցների ամրագրումը պետք է կատարվի բացառապես այս նոր համակարգի միջոցով, որն այժմ ամբողջությամբ գործում է հետևյալ հղումով՝ USTravelDocs.com։
📌 Եթե արդեն ունեք նշանակված հանդիպում, ապա կարող եք ներկայանալ ձեր հարցազրույցին ըստ նշանակման․ որևէ փոփոխություն անհրաժեշտություն չկա։
[ՀՀ-ում ԱՄՆ դեսպանատուն]

🚘 Փաշինյանին սպասարկող ծառայողական մեքենայի համարանիշերը կփոխվեն. որոշումն ընդունվեց կառավարության այսօրվա նիստում։
📌 Ներկայում Փաշինյանին սպասարկող մեքենայի համարանիշը բաղկացած է ՀՀ եռագույնից և 001 ՍՍ հինգ նշաններից։ ՆԳՆ-ն ուսումնասիրել է Շվեդիայի և Իսլանդիայի փորձը, եզրակացրել, որ «պետական բարձրաստիճան պաշտոնատար անձանց սպասարկող տրանսպորտային միջոցների դեպքում շատ հաճախ գործում է ստանդարտից հստակ տարբերվող կանոն»։ Նոր փոփոխությամբ համարանիշը բաղկացած կլինի եռագույնից և 1 թվից։
📣 Վարչապետը, անդրադառնալով որոշմանը, լրագրողների հետ ճեպազրույցում ասաց. «Համարանիշի փոփոխությունը տեղի է ունեցել հետևյալ տրամաբանությամբ, որ որոշակի ինդիկացիա է եղել, որ գործող համարանիշի վրա գրվող ՍՍ տառը արձանագրվել է որպես Սերժ Սարգսյանի անվանատառեր: Մենք կարծում ենք, որ այդ համարանիշը չպետք է որևէ մեկի անվանատառը կրի, այսինքն՝ հիմա ես էլ չպիտի գրեմ «NP 001»»: |azatutyun.am|
📸 Լուսանկարում՝ նոր համարանիշի պատկերը, որը ներկայացված է Կառավարության որոշման նախագծում

💡 Նիկոլ Փաշինյանը Ամանորի գիշերը մի շարք բնակավայրերում հոսանքազրկումների պատճառը համարում է նախորդ շրջանում ՀԷՑ-ի սեփականատերերի կողմից ներդրումային պարտավորությունները չկատարելն ու սխալ կառավարումը:
🗣 «[Վերջին] 6 ամսվա ընթացքի պրոցեսները եթե տեղի չունենային, հոսանքազրկված բնակավայրերի թիվը կլիներ 3 անգամ ավելի, և ես հիմա շատ լուրջ կասկածներ ունեմ, որ այդ ամենն արվում էր Հայաստանում քաղաքական դժգոհություններ գեներացնելու համար՝ թաքնված լինելով Հայաստանի առանցքային ենթակառուցվածքներից մեկի թիկունքում: […]
📌 Ռոմանոս Պետրոսյանի, իր գործընկերների և մեր մյուս գործընկերների գործունեության արդյունքում պարզվեց, որ ՀՀ-ում չկա գոնե մի ընտանիք, որից ՀԷՑ-ը նախորդող շրջանում փող չի գողացել»,- ճեպազրույցի ժամանակ ասաց Փաշինյանը: |armenpress.am|

✅ Կառավարությունը հաստատեց 2026թ. վարժական հավաքների ժամկետները՝
🔻 2026թ. փետրվարի 3-ից ապրիլի 10-ը ներառյալ.
🔻 2026թ. մարտի 31-ից հունիսի 19-ը ներառյալ.
🔻 2026թ. ապրիլի 15-ից հուլիսի 15-ը ներառյալ.
🔻 2026թ. հունիսի 9-ից օգոստոսի 14-ը ներառյալ.
🔻 2026թ. օգոստոսի 4-ից հոկտեմբերի 9-ը ներառյալ.
🔻 2026թ. սեպտեմբերի 15-ից դեկտեմբերի 15-ը ներառյալ.
🔻 2026թ. սեպտեմբերի 29-ից նոյեմբերի 20-ը ներառյալ:

🇦🇲🇦🇿 Էկոնոմիկայի նախարարությունը հաստատում է Ադրբեջանից նավթամթերքի երկրորդ խմբաքանակի ներմուծման մասին ադրբեջանական լրատվամիջոցների տարածած տեղեկությունը։
🗣 Նախարարության մամուլի խոսնակ Լիլիթ Շաբոյանը «Արմենպրես»-ի հետ զրույցում միայն հաստատել է տեղեկությունը՝ այլ մանրամասներ չհաղորդելով։ |armenpress.am|