Category: Infocom

👮🎶 Նոյեմբերի 2-ից հայտնաբերվել է 167 տրանսպորտային միջոց, որտեղ տեղադրված են եղել նվագարկիչների լրացուցիչ ուժեղացուցիչներ կամ բարձրախոսներ, ստանդարտին չհամապատասխանող խլացուցիչներ։
🚔 Իրավախախտ վարորդները ենթարկվել են վարչական պատասխանատվության՝ նվազագույն աշխատավարձի տասնապատիկի չափով տուգանք և նորմերին չհամապատասխանող խլացուցիչների, բարձրախոսների և լրացուցիչ ուժեղացուցիչների բռնագրավում՝ տուգանային 2 միավորի կիրառմամբ:
[ՆԳՆ ոստիկանություն]

‼️ Բաքվի բանտերում պահվող հայ գերիների հարցը բարձրաձայնվել է Ադրբեջանում, սակայն հստակ որևէ թվային տվյալներ, անուններ չեն ստացվել։
🗣 Այս մասին ասուլիսի ժամանակ ասաց Բաքու այցելած հայկական պատվիրակության անդամ Նաիրա Սուլթանյանը՝ հավելելով, որ այդ հարցը բարձրաձայնել են նաև Ադրբեջանի նախագահի օգնական Հիքմեթ Հաջիևի հետ հանդիպման ժամանակ։
💬 «Ո՛չ հայկական, ո՛չ ադրբեջանական կողմից մեզ վրա որևէ սահմանափակում չի եղել, որ այս հարցը չբարձրաձայնենք։ Միջազգային ատյաններում ու կառույցներում էլ այս հարցը բարձրաձայնել ենք ու շարունակում ենք բարձրաձայնել, և Կարմիր խաչի բացակայության հանգամանքով պայմանավորված՝ ևս մի ալիք նամակներ են գնացել»,- հայտարարել է Սուլթանյանը՝ նշելով, որ թե՛ ՀՀ իշխանությունները, թե՛ Հաջիևը վստահեցրել են, որ գերիների հարցով ակտիվ բանակցային գործընթաց է ընթանում: |pastinfo.am|

🇮🇱 Իսրայելական ուժերի կողմից Բեյրութի բնակարաններից մեկի թիրախավորման հետևանքով զոհվել է «Հեզբոլլահ» շարժման ամենաակնառու ռազմական հրամանատարներից Հայթամ Ալի Տաբտաբային։ Տեղեկությունը հաստատել է «Հեզբոլլահը»:
💬 Ըստ իսրայելական կողմի՝ նա «ղեկավարում էր «Հեզբոլլահի» կարողությունների զարգացման և վերազինման աշխատանքները»:
📌 Իսրայելի կողմից շուրջ մեկ տարի առաջ ձեռք բերված հրադադարի խախտման հետևանքով Բեյրութի հարավային արվարձաններում 5 մարդ է զոհվել, 28-ը՝ վիրավորվել՝ ըստ Լիբանանի առողջապահության նախարարության տվյալների: |armenpress.am|

🇺🇸🇺🇦 Ժնևում ԱՄՆ-Ուկրաինա բանակցությունների արդյունքում կողմերը պատրաստել են «խաղաղության թարմացված և լրամշակված աշխատանքային փաստաթուղթ»։
📣 Սպիտակ տունը հայտարարությամբ նշել է, որ խաղաղության պլանի նոր տարբերակը ներառում է «անվտանգության ուժեղացված երաշխիքներ», իսկ ուկրաինական պատվիրակությունը հայտարարել է, որ այն «արտացոլում է Կիևի ազգային շահերը»։
📑 Reuters-ի երկու աղբյուրների փոխանցմամբ՝ Ուկրաինայի նախագահ Վլադիմիր Զելենսկին այս շաբաթ կարող է ժամանել ԱՄՆ ու Թրամփի հետ քննարկել խաղաղության պլանի այնպիսի «զգայուն հարցեր», ինչպիսին Ուկրաինայի տարածքային ամբողջականության հարցն է։ |hetq.am|

▪️ 99 տարեկանում մահացել է օլիմպիական չեմպիոն և մոսկովյան «Սպարտակի» պատմության լավագույն ռմբարկու Նիկիտա Սիմոնյանը:
Այդ մասին «Матч ТВ»-ին հայտնել է ՌԴ ֆուտբոլի վետերանների միության նախագահ Ալեքսանդր Միրզոյանը։

❗️Նոյեմբերի 23-ին` տեղական ժամանակով ժամը 17:35-ին Գառնի գյուղից 4 կմ հյուսիս-արևելք, օջախի 10 կմ խորությամբ 1.2 մագնիտուդով գրանցվել է երկրաշարժ:
📌 Էպիկենտրոնային գոտում ստորգետնյա ցնցման ուժգնությունը կազմել է 1-2 բալ:
🔸 Երկրաշարժը զգացվել է Կոտայքի մարզի Գառնի, Գողթ և Գեղարդ գյուղերում՝ 1-2 բալ ուժգնությամբ։
[ՆԳՆ փրկարար ծառայություն]

❗️Արմավիրի ՔԿՀ-ում դատապարտյալ է մահացել։
📌 Նոյեմբերի 23-ին` ժամը 11։10-ի սահմաններում, ՀՀ արդարադատության նախարարության «Արմավիր» քրեակատարողական հիմնարկի բժշկական մասնաշենքում գտնվող, 1954թ. ծնված դատապարտյալի առողջական վիճակի վատթարացման պատճառով կանչվել է շտապօգնություն։ Արձանագրվել է դատապարտյալի կենսաբանական մահը։
[ՀՀ ԱՆ քրեակատարողական ծառայություն] |factor.am|

🗳 Թիվ 14 Ընտրատարածքային ընտրական հանձնաժողովը նոյեմբերի 23-ի արտահերթ նիստում ամփոփվել է Վաղարշապատ համայնքի ավագանու ընտրությունների վերջնական արդյունքները․ ԿԸՀ
📌 Այսպիսով, մանդատները բաշխվում են հետեւյալ կերպ՝
🔸 «ՔԱՂԱՔԱՑԻԱԿԱՆ ՊԱՅՄԱՆԱԳԻՐ» ԿՈՒՍԱԿՑՈՒԹՅՈՒՆ՝19 մանդատ (15298 քվե)
🔸 «ՀԱՂԹԱՆԱԿ» ԿՈՒՍԱԿՑՈՒԹՅՈՒՆՆԵՐԻ ԴԱՇԻՆՔ՝ 12 մանդատ (10051 քվե)
🔸 «ՄԱՅՐ ՀԱՅԱՍՏԱՆ» ԱԶԳԱՅԻՆ-ԴԵՄՈԿՐԱՏԱԿԱՆ ԿՈՒՍԱԿՑՈՒԹՅՈՒՆ՝ 2 մանդատ (1692 քվե):