Category: Infocom

🔍 Ապրիլի 26-ի երեկոյան Կիրանցի կամուրջի հատվածով դեպի Բերքաբեր ընթացող առանց պետհամարանիշի մեքենայում նստած անձը գնդապետ Սերգեյ Հովսեփի Պետրոսյանն է, որը ՀՀ զինված ուժերի գլխավոր շտաբի ռազմատեղագրական ծառայության պետն է։
📌 Հիշեցնենք, որ Կիրանցում ճանապարհը փակած քաղաքացիները արգելափակել էին առանց պետհամարանիշի մեքենան՝ թույլ չտալով շարունակել ճանապարհը, ինչն էլ տեղում ոստիկանների և քաղաքացիների միջև բախումների պատճառ էր դարձել։ Հավաքվածներից որոշները կասկած էին հայտնել, թե մեքենայում ադրբեջանցիներ են, որոշներն էլ նշում էին, թե հայ քարտեզագիրներն են:
🖼 ՍիվիլՆեթի փաստերի ստուգման թիմը տեսանյութից առանձնացված էկրանակադրի հետադարձ որոնում է կատարել համացանցում։ Pimeyes.com հավելվածը, որը դեմքերի ճանաչման և համացանցում հետադարձ որոնման համակարգ է, մի շարք արդյունքներ է գեներացրել, ըստ որոնց՝ տվյալ դեմքով անձի լուսանկարներ առկա են եղել ՀՀ ՊՆ, ՀՀ նախագահի, ինչպես նաև մի շարք հայաստանյան լրատվական կայքերում։|civilnet.am|

🌡 Օդի ջերմաստիճանը մայիսի 2-4-ի ցերեկը աստիճանաբար կնվազի 7-10, գիշերը՝ 2-4 աստիճանով։
⛈ Ապրիլի 30-ին և մայիսի 1-ին երեկոյան ժամերին հնարավոր է կարճատև անձրև և ամպրոպ, 2-ին կեսօրից հետո, 3-4-ին ժամանակ առ ժամանակ կլինի անձրև և ամպրոպ, ամպրոպի ժամանակ քամու ուժգնացում 17-20 մ/վ արագությամբ։
[Հիդրոօդերևութաբանության և մոնիթորինգի կենտրոն]

🛤️ Կիրանցում ճանապարհը շարունակում է փակ մնալ։
📢ԱԺԲ-ն միացել է ակցիայի մասնակիցներին։

🇦🇲🇶🇦 ՀՀ ԱԳ նախարար Արարատ Միրզոյանը հանդիպում է ունեցել Կատարի Պետության խորհրդատվական խորհրդի նախագահ Հասան բին Աբդալլահ Ալ-Ղանիմի հետ: Երկուստեք ընդգծվել է Հայաստանի և Կատարի միջև զարգացող քաղաքական երկխոսության կարևորությունը, որին էական խթան են հաղորդում բարձր մակարդակի փոխայցելությունները։
🔸Անդրադառնալով Հարավային Կովկասում հարատև խաղաղության հասնելուն ուղղված ջանքերին՝ նախարար Միրզոյանը ներկայացրել է հարևանների հետ հարաբերությունների կարգավորման ուղղությամբ իրականացվող քայլերը, այդ թվում՝ Հայաստանի ու Ադրբեջանի միջև խաղաղության պայմանագրի նախագծում պահպանվող առանցքային հարցերի շուրջ ՀՀ դիրքորոշումը։ [ՀՀ ԱԳՆ]

🗣 Գլխավոր դատախազ Աննա Վարդապետյանը ԱԺ-ում ներկայացրեց, թե ապօրինի ծագում ունեցող գույքի բռնագանձման վերաբերյալ հայցադիմումներով ինչ է պահանջում բռնագանձել դատախազությունը․
🔸 ՀՀ երկրորդ նախագահ Ռոբերտ Քոչարյանից և նրան փոխկապակցված 7 անձանցից բռնագանձել  25 միավոր անշարժ գույք, 5 տրանսպորտային միջոց, մասնակցություն՝ հայաստանյան և արտասահմանյան 16 իրավաբանական անձերում, ավելի քան 4 միլիոն ԱՄՆ դոլարի ավանդներ և արժեթղթեր, 10 միլիարդ դրամին համարժեք փոխառությունների պահանջի իրավունք, ավելի քան 35 միլիարդ դրամ։
🔸 ՊԵԿ նախկին նախագահ, ֆինանսների նախկին նախարար Գագիկ Խաչատրյանից ու նրան փոխկապակցված անձանցից բռնագանձել շուրջ 200 միավոր անշարժ գույք, 13 տրանսպորտային միջոց, մասնակցություն հայաստանյան ու արտասահմանյան 29 իրավաբանական անձում, ավելի քան 1,4 մլն դոլարի ավանդ և արժեթուղթ, ավելի քան 23 մլն դոլարին համարժեք փոխառությունների պահանջի իրավունք, ավելի քան 23 մլրդ դրամ։
🔸 ԲՀԿ առաջնորդ Գագիկ Ծառուկյանից ու նրան փոխկապակցված անձանցից բռնագանձել 79 անշարժ գույք, 42 տրանսպորտային միջոց, չնույնականացված 8 տրանսպորտային միջոցների ձեռքբերման արժեք՝ 349 միլիոն դրամ, 10 անշարժ գույքի շուկայական արժեք, ավելի քան 63,3 միլիարդ դրամին համարժեք փոխառությունների պահանջի իրավունք, 12 ֆիզիկական ու իրավաբանական անձանց տրամադրված փոխառությունների գումարի չափ ավելի քան 16,8 միլիարդ դրամին համարժեք ու ավելի քան 86 միլիարդ 480 միլիոն դրամի բռնագանձման պահանջ։

🐒 Մայիսի 1-ից դեպի Կենդանաբանական այգի կգործարկվի անվճար երթուղի, որը կգործի շաբաթ-կիրակի և տոնական օրերին:
📌 Երևանի քաղաքապետարանի գործակարգավարական խորհրդակցության ժամանակ զեկուզվել է, որ օրվա առաջին ավտոբուսը կշարժվի 11:00-ին «Երիտասարդական» մետրոյի դիմաց գտնվող կանգառից:

Նոյեմբերյանում ապրիլի 23-ին կատարված խմբակային խուլիգանության 6 մասնակցի նկատմամբ հանրային քրեական հետապնդում է հարուցվել, նրանցից 3-ը կալանավորվել է. ՔԿ
🚶‍♂️ Բազմաթիվ անձինք տևական ժամանակ արգելափակել են միջպետական ճանապարհահատվածը՝ խաթարելով երթևեկության բնականոն ընթացքը։ Դրա հետ կապված մեկ այլ անձի հետ նշված տարածք է եկել 54-ամյա Յ. Հ.-ն։  Յ. Հ.-ի և ճանապարհն արգելափակած Ք. Ա.-ի միջև վեճ է սկսվել ճանապարհը բացելու հարցի շուրջ։ Ք. Ա.-ն, նրա որդին եւ այլ անձինք թույլ են տվել խուլիգանական արարքներ, որոնց ընթացքում Ք.Ա.-ն հարվածել է Յ. Հ.-ին և ստիպել հեռանալ այդտեղից:
🔸Այնուհետեւ ճանապարհը փակած քաղաքացիներին «ՈւԱԶ» մակնիշի ավտոմեքենայով մոտեցել է Ռ․ Ս․-ն՝ փորձելով անցնել այդ հատվածով, սակայն հավաքվածները թույլ չեն տվել առաջ ընթանալ, իսկ Ք․ Ա․-ն հարակից տարածքից վերցրել է փայտ և հարվածել հիշյալ ավտոմեքենային՝ ստիպելով վերջինիս հետընթաց կատարելով հեռանալ այդտեղից։ [ՔԿ ]