Category: Infocom

⚖️ Գլխավոր դատախազությունը Հակակոռուպցիոն դատարան հայցադիմումով պահանջում է նախկին ոստիկանապետ Վալերիյ Օսիպյանից եւ կնոջից բռնագանձել՝
🔸 3 անշարժ գույք Երևանում,
🔸 1 ավտոմեքենա,
🔸 մոտ 48 մլն դրամ՝ որպես ապօրինի դրամական միջոցների մնացորդ,
🔸 մոտ 43 մլն դրամ, որը չի հիմնավորվում անձի օրինական եկամուտներով, ունի ապօրինի ծագում և փոխանցվել է բարեխիղճ ձեռք բերողի, կամ հնարավոր չէ նույնականացնել և բռնագանձել: |hetq.am|

‼️ Ադրբեջանը փակել է Իրանին հարակից օդային սահմանը՝ Նախիջևանի օդանավակայանում տեղի ունեցած միջադեպից հետո։
🇦🇿🇮🇷 Ամբողջությամբ դադարեցվել է նաեւ բեռնատարների (ներառյալ տարանցիկ տրանսպորտային միջոցների) տեղաշարժը Ադրբեջանի և Իրանի միջև պետական սահմանի բոլոր անցակետերով։ |armenpress.am|

🇦🇿🇮🇱 Ադրբեջանի և Իսրայելի արտգործնախարարները հեռախոսազրույց են ունեցել:
🗣 Իսրայելի ԱԳ նախարար Գեդեոն Սաարը դատապարտել է «Ադրբեջանի դեմ Իրանի կանխամտածված և բացահայտ ագրեսիան՝ նշելով, որ դա բացարձակապես անընդունելի է»։ |1lurer.am|

🇮🇷🇦🇿 Իրանի և Ադրբեջանի ԱԳ նախարարները հեռախոսազրույց են ունեցել։
📣 Արաղչին Ջեյհուն Բայրամովի հետ զրույցում հերքել է Իրանի՝ Ադրբեջանի ուղղությամբ որևէ արկ արձակելու մասին տեղեկությունը։ Իրանցի պաշտոնյան նշել է, որ Իրանի զինված ուժերը այս կապակցությամբ անհրաժեշտ հետաքննություն են իրականացնում։
🗣 «Արաղչին անդրադարձել է նման հարձակումներում Իսրայելի ռեժիմի դերին՝ հասարակական կարծիքը շեղելու և Իրանի հարևանների հետ հարաբերությունները խաթարելու նպատակով։ Արաղչին ասել է, որ վերջին օրերին նման այլ օրինակներ են նկատվել», — հայտնել է Իրանի ԱԳՆ-ն։

🇦🇿 Մեր զորքերը մարտական պատրաստության վիճակի են բերվել. Իլհամ Ալիև
📣 Նրա խոսքով՝ պաշտպանության նախարարությունը, պետական սահմանապահ ծառայությունը, հատուկ նշանակության ուժերի մյուս բոլոր ստորաբաժանումները «պետք է պատրաստ լինեն ցանկացած գործողության իրականացման»։
🗣 Ալիևը նաև քննադատել է Իրանի պետական լրատվամիջոցներին։ Դրանք, ըստ նրա, հակաքարոզչություն էին իրականացնում՝ փորձելով փոխել Իրանում ապրող ադրբեջանցիների վերաբերմունքը Ադրբեջանի հանդեպ։ |azatutyun.am|