Category: Infocom

🇩🇪🇦🇿 Օլաֆ Շոլցն ու Իլհամ Ալիևը Բեռլինում հանդիպում են ունեցել։ Հրավիրված ասուլիսում Շոլցը նշել է, որ քննարկվել է նաև Հայաստանի և Ադրբեջանի միջև հարաբերությունների կարգավորման գործընթացը։ Գերմանիայի կանցլերը նշել է․
🗣 «Հակամարտությունը պետք է լուծվի միայն խաղաղ ճանապարհով։ Լավ է, որ երկու երկրների ղեկավարները երկխոսության մեջ են։ Ինձ հետ Ձեր վերջին հանդիպման ժամանակ ասել էիք, որ բոլոր հարցերը լուծվելու են քննարկման միջոցով։ Ակնկալում եմ, որ երկու կողմերն էլ կցուցաբերեն անհրաժեշտ կառուցողականություն։
📌 Գերմանիան պատրաստ է աջակցել երկու երկրներին անհրաժեշտ փոխզիջումներ գտնելու հարցում։ Մենք գոհ ենք սահմանազատման նախնական պայմանավորվածությունից։ Ես խրախուսում եմ համարձակ քայլն այս ուղղությամբ»,- ասել է Շոլցը։ |factor.am|

🪧 Կիրանցում բնակիչների ակցիան շարունակվում է։
🗣 Բնակիչներից ոմանք իրենց հետ բերել են քարտեզներ, կադաստրի թղթեր, սեփականության վկայականներ՝ ներկայացնելու վարչապետ Նիկոլ Փաշինյանին, ԱԺ նախագահ Ալեն Սիմոնյանին: Նրանք նշում են, որ սահմանազատման արդյունքում Ադրբեջանին են անցնելու իրենց տներից, հողամասերից, վարելահողերից հատվածներ, որոշ դեպքերում՝ դրանք ամբողջությամբ։

⏱ Ժամը 13։00-ի դրությամբ Երևանում փակ ճանապարհներ չկան, իսկ Երևան-Էջմիածին ճանապարհի երթևեկությունը վերականգնվել է:
[ՀՀ ՆԳՆ ոստիկանություն]

⚖️ 2020 թ․ նոյեմբերի 10-ին Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է։ Նրանցից մեկի նկատմամբ որպես խափանման միջոց է կիրառվել կալանքը, իսկ մյուսի նկատմամբ՝ բացակայելու արգելքը:

📌 Եղբայրները, հաղթահարելով ոստիկանական պատնեշը, մոտեցել են ՀՀ կառավարության շենքի մուտքի դռանը, նրանցից մեկը ոտքերով մի քանի անգամ հարվածել է ՀՀ կառավարության շենքի մուտքի դռանը, ինչի հետևանքով այն նախ վնասվել, ապա՝ բացվել է: Դրանից հետո մուտք են գործել ՀՀ կառավարության թիվ 1 շենք, որտեղ շարունակել են ջարդելով, գույք ոչնչացնելով և վնասելով զուգորդված զանգվածային անկարգությունները։ Արդյունքում՝ ջարդվել են կառավարության անդամների և աշխատակազմի մի շարք աշխատասենյակների դռները, առանձնապես խոշոր չափերով վնասվել և ոչնչացվել է ՀՀ գործադիր իշխանության բնականոն գործունեության ապահովման համար անհրաժեշտ պետական և մասնավոր գույքը։ Այդ ամենով խաթարվել է ՀՀ կառավարության գործունեությունը, վտանգվել հասարակական անվտանգությունը:
[ՔԿ հաղորդագրությունը]

🚙 Երթևեկության անվտանգությամբ պայմանավորված՝ Սևան-Երևան ավտոճանապարհին ստուգվել են բոլոր ավտոմեքենաների փաստաթղթերը. ՆԳՆ ոստիկանություն
👮🏻‍♂️ «Ե՛վ մարդատար, և՛ բեռնատար մեքենաները ստուգվել են և շարունակել իրենց ճանապարհը։ Տեսանյութում երևացող բոլոր մեքենաները ինձ թվում է՝ հիմա հասել են Երևան»,- Factor.am-ին հայտնել են ՀՀ ՆԳՆ ոստիկանությունից։
🚚 Լրատվամիջոցներում տեսանյութեր են տարածվել՝ գրառմամբ, որ Սևան-Երևան ավտոմայրուղու վրա պարեկները կանգնեցնում են բոլոր բեռնատար մեքենաները՝ արգելելով մուտք գործել Երևան։