Category: Infocom

❗Նյու Յորքում մեկնարկել է ՄԱԿ-ի Անվտանգության խորհրդի նիստը։
🇬🇧 Նիստը նախագահում է Մեծ Բրիտանիան։ Արտակարգ նիստի անցկացումը պահանջել են Ռուսաստանը եւ Չինաստանը՝ Ֆրանսիայի, Բահրեյնի եւ Կոլումբիայի հետ միասին այն բանից հետո, երբ ԱՄՆ եւ Իսրայելը համատեղ ռազմական գործողություն են սկսել Իրանի դեմ։

‼️ Reuters-ը, հղում անելով իսրայելցի ավագ պաշտոնյայի, նշում է, որ կան ապացույցներ, որ Իրանի հոգեւոր առաջնորդ Ալի Խամենեին մահացել է։
🗣 Պաշտոնյան Reuters-ին ասել է, որ հայտնաբերվել է նրա մարմինը։
🔸 Իրանից դեռեւս պաշտոնական հաստատում չկա։

🇺🇸 🗣 Դոնալդ Թրամփը բանակցություններ է վարել Սաուդյան Արաբիայի, Կատարի, Արաբական Միացյալ Էմիրությունների առաջնորդների եւ ՆԱՏՕ-ի գլխավոր քարտուղար Մարկ Ռյուտեի հետ։ Այս մասին հայտնում է Սպիտակ տան խոսնակ Քերոլայն Լեւիթը։

🇮🇷 Իրանի վրա այսօրվա հարձակումների հետևանքով մինչ այս պահը զոհվել է 201 մարդ, վիրավորների թիվը հասնում է 747-ի։ Այս մասին հայտնել է Իրանի Կարմիր Մահիկի խոսնակը։

🇦🇪 Դուբայի Պալմ Ջումեյրա կղզում գտնվող շենքերից մեկում տեղի է ունեցել «միջադեպ», որի հետևանքով չորս մարդ վիրավորվել է, հայտնում է BBC-ն՝ վկայակոչելով Էմիրությունների պաշտոնական աղբյուրները։
📢 «Դուբայի քաղաքացպաշտպանությունը հաստատում է, որ առաջացած հրդեհը վերահսկողության տակ է»,- ասվում է հայտարարության մեջ։
📌 Ականատեսներից մեկը AFP-ին հայտնել է, որ կղզու հյուրանոցներից մեկից խիտ սև ծուխ է բարձրանում։ Սոցիալական ցանցերում տարածվել են նաև տեսանյութեր, որոնք ցույց են տալիս, թե ինչպես է ԱԹՍ-ն հարվածում Դուբայի հյուրանոցին։
🔸 BBC-ի փաստերի ստուգման ծառայությունը ստուգել է մի քանի տեսանյութեր։ Դրանցից մեկում երևում է պայթյուն կղզում գտնվող հինգաստղանի Fairmont հյուրանոցում։

‼️ Եվրոպական միության ծովային Aspides առաքելության պաշտոնյան հայտնել է, որ նավերը Իրանի Իսլամական հեղափոխության պահապանների կորպուսի կողմից ռադիոկապով ստանում են հաղորդումներ, որոնցում ասվում է՝ «ոչ մի նավի թույլատրված չէ անցնել Հորմուզի նեղուցով», հաղորդում է Reuters-ը։
📌 Հորմուզի նեղուցը աշխարհի ամենակարևոր նավթային արտահանման ուղին է, որը Ծոցի խոշոր նավթարտահանող երկրներին՝ Սաուդյան Արաբիային, Իրանին, Իրաքին և Արաբական Միացյալ Էմիրություններին, կապում է Օմանի ծոցի և Արաբական ծովի հետ։

🗣 Իրանի արտգործնախարար Աբաս Արաղչին NBC-ի եթերում հայտարարել է, որ Իրանի գերագույն հոգևոր առաջնորդ Ալի Խամենեին ողջ է՝ «որքանով իրեն հայտնի է»։
🔸 Նա նշել է, որ իրանցի երկու հրամանատարներ սպանվել են, բայց բարձրաստիճան պաշտոնյաները ողջ են։
📌 Ավելի ուշ Reuters-ը և Al-Jazeera-ն, հղում անելով իրանական հեռուստաընկերությանը, հայտնել են, որ շուտով Խամենեին հանդես կգա ուղերձով։

❗ ԱՄՆ ռազմաբազաների վրա մեր հարվածները պաշտպանական գործողություն են. Իրանի արտգործնախարար
🗣 Իրանի արտաքին գործերի նախարար Սեյեդ Աբբաս Արաղչին NBC-ին տված հարցազրույցում հայտարարել է, որ կապի մեջ է եղել Ծոցի երկրների իր գործընկերների հետ և պարզաբանել, որ Իրանը նրանց վրա հարձակվելու մտադրություն չունի, որ
և որ տարածաշրջանում ԱՄՆ ռազմաբազաների դեմ իրականացվող հարվածները պաշտպանական գործողություն են։
🔸 «Մենք չէինք կարող պարզապես նստել և դիտել տեղի ունեցողը»,- ասել է նա, փոխանցում է Irna-ն։

🇮🇷🇹🇷 Իրանի ԱԳ նախարար Աբբաս Արաղչին հեռախոսազրույց է ունեցել Թուրքիայի գործընկեր Հաքան Ֆիդանի հետ:
🔸 Արաղչին ընդգծել է, որ ԱՄՆ-ի և Իսրայելի գործողություններն ուղղված են ոչ միայն Իրանի ժողովրդի, այլև տարածաշրջանի բոլոր երկրների և մուսուլմանների դեմ, ուստի բոլոր մուսուլմանական երկրները «պետք է կատարեն իրենց պատմական պատասխանատվությունը»՝ չեզոքացնելու տարածաշրջանն ապակայունացնելու ծրագիրը: |1lurer.am|