Category: Infocom

👨‍⚖️ «Հայրենիք» կուսակցության քարտուղար Խաչիկ Գալստյանի խափանման միջոց կալանավորումը փոխվել է տնային կալանքի:
🗣 Այդ մասին հայտնել է փաստաբան Արսեն Բաբայանը:
📌 Գալստյանը կալանավորվել էր Վաղարշապատում ավագանու ընտրություններին «Հայրենիք» կուսակցության պատասխանատու անձանց կողմից իրենց օգտին քվեարկելու դիմաց ընտրակաշառք տալու և նույն համայնքի բնակիչների կողմից ընտրակաշառք ստանալու դեպքերի առթիվ Հակակոռուպցիոն կոմիտեում նախաձեռնված քրեական վարույթի շրջանակում։

‼️ Կառավարության միջամտության արդյունքում ջրամատակարարման ժամանակացույցի փոփոխություն չի լինի։ Այս մասին հայտարարել է ՏԿԵ նախարար Դավիթ Խուդաթյանը։
🗣️ «Խնդիրը գնահատվել է նաև կառավարության կողմից, կազմակերպվել է խորհրդակցություն և որոշվել է կասեցնել ժամանակացույցի գործողությունը։
💧 Խնդիր է ձևակերպվել առաջիկա երկու շաբաթվա ընթացքում Ջրային կոմիտեի, Հանրային ծառայությունները կարգավորող հանձնաժողովի և «Վեոլիա Ջուր» ընկերության կողմից իրականացնելու լրացուցիչ ուսումնասիրություններ, որից հետո կհրապարակվի 2024–2025 թթ. բարելավված ջրամատակարարման ժամանակացույց»,- գրել է նախարարը։

🇪🇺🇦🇲 ՀՀ ԱԳՆ-ն չի հերքում, որ Հայաստանի արտաքին գործերի նախարարի կողմից փետրվարի 13-ին Բրյուսել նամակ է հասցեագրվել, որով Արարատ Միրզոյանը խնդրել է «արագ արձագանքման խումբ» ուղարկել Երևան։
🗣️ Նախարարի մամլո խոսնակ Անի Բադալյանը հիշեցրեց նախորդ տարվա դեկտեմբերի 15-ի իր մեկնաբանությունը այդ թվում ընտրական գործընթացներում հիբրիդային սպառնալիքներին դիմակայելու վերաբերյալ՝ նշելով, որ այն լիովին վերաբերելի է նաև այս պահին:
📌 Դեկտեմբերի 15-ին ՀՀ ԱԳ նախարարի խոսնակ Անի Բադալյանը հայտարարել էր, որ Հայաստանի և ԵՄ-ի միջև տարբեր ուղղություններով, այդ թվում՝ հիբրիդային սպառնալիքներին դիմակայելու ոլորտում համագործակցությունը շարունակական է և նոր չի սկսվել։ |pastinfo.am|

📣 Էկոնոմիկայի նախարար Գևորգ Պապոյանի համոզմամբ՝ թոշակի բարձրացումը «ընտրկաշառք» որակելը սխալ է:
🗣 «Սխալ մեկնաբանություն է, էն պարզ պատճառով, որովհետև պատճառը մեկն է՝ տնտեսական աճը շատ բարձր է, եթե լինի եկող տարի էլ էլի բարձր, էլի ենք ավելացնելու», — ասել է Պապոյանը «Ազատությանը» տված հարցազրույցում։
💵 Պապոյանը հայտնել է, որ նախնական, իր գնահատականով, տարեկան մոտավորապես լրացուցիչ 75 միլիարդ դրամ է պետք կենսաթոշակները բարձրացնելու համար։
📌 Նախարարը, պատասխանելով հարցին, թե որտեղից է վերցվելու այդ գումարը, նշել է․ «Ունենք պահուստային միջոցներ և ունենք ավելի բարձր տնտեսական աճ, քան պլանավորված է, այսինքն` մեր բարձր տնտեսական աճը մեզ թույլ է տալիս դա անել, այսինքն մենք էդ տնտեսական աճը ամբողջությամբ վերադարձնում ենք ժողովրդին, կարելի է այսպես պայմանական ասած։ Ինչքան բարձր լինի տնտեսական աճը, այնքան կենսաթոշակները ավելի արագ կաճեն»։

⚖️ ԱՄՆ-ում ՀՀ դեսպան Նարեկ Մկրտչյանի եղբայրը ապօրինի զենք պահելու վերաբերյալ քրեական գործով դատապարտվել է 1 տարվա ազատազրկման․ պատիժը պայմանականորեն չի կիրառվի։
⌛️ Դատարանի որոշման համաձայն՝ կսահմանվի փորձաշրջան՝ 1 տարի ժամկետով: Փորձաշրջանի ընթացքում մեղադրյալ Մկրտիչ Արշակի Մկրտչյանի վարքի նկատմամբ վերահսկողությունը հանձնարարվել է Պրոբացիայի ծառայության տարածքային մարմնին։

💧 «Վեոլիա ջուր»-ը պարզաբանում է՝ տարվա ընթացքում, հատկապես ամռան ամիսներին, ջրամատակարարման ժամանակացույցը կարող է փոփոխվել՝ պայմանավորված տասնյակ հազարավոր նոր սպառողների ավելացումով, եղանակային գործոններով, ջրաղբյուրների ջրատվության շուրջ 24% նվազմամբ և կառուցապատումների արդյունքում նոր ջրասպառողների թվի կտրուկ աճով։

📣 Ջրամատակարարման ժամանակացույցի փոփոխությունը նպատակ ունի նաև կանխել գիշերային ժամերին ջրի կորուստները, ինչը նպաստում է ցերեկային ժամերին սպառողներին կանոնավոր ջրամատակարարմամբ ապահովելուն:
📌 Նշվում է նաև, որ ներդրումային ծավալների եռապատկումը միտված է ջրի ֆիզիկական կորուստների կրճատմանը և առաջիկա տարիներին մատակարարվող ջրի ծավալների ավելացմանը, իսկ մինչ ներդրումային ծրագրերի ավարտը ընկերությունն ունի կանոնակարգված պարտավորություն՝ տարվա մեջ առնվազն երկու անգամ հայտարարելու ջրամատակարարման գրաֆիկների սեզոնային տատանումների մասին։