Category: Infocom

🇦🇿🇷🇺 Բաքվում մեկնարկել է Պուտին-Ալիև հանդիպումը։
🇦🇲 ՌԴ նախագահը Ալիևի հետ զրույցում հայտնել է, որ պատրաստվում է Նիկոլ Փաշինյանին պատմել Ալիևի հետ բանակցությունների արդյունքների մասին։
🗣 «Ռուսաստանի Դաշնությունը պատրաստ է մասնակցել Բաքվի և Երևանի հարաբերությունների կարգավորմանը այնքանով, որքանով կպահանջեն երկու կողմերը»,- հավելել է նա։

🇦🇿🇷🇺 Ադրբեջանի դեսպան Փոլադ Բյուլբյուլօղլուն հայտնել է, որ քննարկման փուլում է Ռուսաստանի՝ Ադրբեջանում հյուպատոսություն բացելու հարցը։ Այդ մասին նա ասել է TACC-ին տված հարցազրույցում։
‼️ TACC-ը, հղում անելով Ադրբեջանի դեսպանին, սկզբում գրել էր, որ հյուպատոսությունը նախատեսվում է բացել Ստեփանակերտում կամ Արցախի մեկ այլ քաղաքում։ Ավելի ուշ Բյուլբյուլօղլուն հայտարարել է, որ TACC-ը խեղաթյուրել է իր խոսքերը՝ պնդելով, որ ինքը տեղանքի վերաբերյալ որևէ հայտարարություն չի արել, ինչից հետո TACC-ը խմբագրել է հոդվածը։
📌 Ավելի վաղ էլ ՌԴ Դաշնային խորհրդի միջազգային հարաբերությունների հանձնաժողովի ղեկավար Գրիգորի Կարասինը հայտարարել էր, որ շուտով կարող են սկսվել Ստեփանակերտում ՌԴ գլխավոր հյուպատոսության բացման նախապատրաստական աշխատանքները: |hetq.am|

📌 Օգոստոսի 31-ին և սեպտեմբերի 1-ին Երևանի քաղաքապետարանը նախաձեռնել է բացօթյա համերգային ծրագրեր, որի ընթացքում Հայաստանի պետական սիմֆոնիկ նվագախումբը Սերգեյ Սմբատյանի ղեկավարությամբ Ազատության հրապարակում կներկայացնի «Սիմֆոնիկ Մանսուրյան» և «Սիմֆոնիկ Ցիմմեր» խորագրերով համերգաշարը:

❌ Ադրբեջանի ՊՆ հաղորդագրությունը, թե իբր օգոստոսի 18-ին՝ ժամը 23։50-ի սահմաններում, ՀՀ ԶՈՒ ստորաբաժանումները կրակ են բացել սահմանագոտու արևելյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։
🔸 Հիշեցնենք, որ Հայաստանի Հանրապետության վարչապետի աշխատակազմն առաջարկել էր հրադադարի ռեժիմի խախտման դեպքերի և/կամ այդ մասին տեղեկությունների հետաքննության Հայաստան-Ադրբեջան համատեղ մեխանիզմ ստեղծել:
[ՀՀ ՊՆ]

🇺🇦 Ուկրաինայի զինված ուժերը բուֆերային գոտի են ստեղծում Կուրսկի շրջանում: Այս մասին տեսաուղերձում հայտնել է Վլադիմիր Զելենսկին՝ նշելով, որ նպատակն է կանխել ռուսական հետագա հարձակումները: Նա նաև դիմել է դաշնակիցներին՝ արագացնելու ուկրաինական բանակի համար ռազմական տեխնիկայի մատակարարումը։ |1lurer.am|

🚕 Yandex Go-ն կփոխհատուցի օգտատերերին ուղևորությունների արժեքը՝ ապրիլի 24-ին իրականացված ակցիայի շրջանակներում. Մրցակցության պաշտպանության հանձնաժողով
📣 «Ապրիլի 24-ին Ծիծեռնակաբերդի բարձունք ուղևորություններ կատարած օգտատերերը, որոնց երթի արժեքը կազմել է 1 դրամից ավել, կարող են դիմել Yandex Go-ի սպասարկման ծառայություն՝ փոխհատուցում ստանալու հնարավորությունը պարզելու համար»,- հայտնում են հանձնաժողովից։

‼️ Նոր Հաճնի կամուրջը հիմնանորոգվում է. օգոստոսի 20-ից մինչև հոկտեմբերի 6-ը կամրջով երթևեկությունը ժամանակավորապես կդադարեցվի։
🚙 Մինչև հոկտեմբերի 6-ն առանց կցորդի ավտոմոբիլները Նոր Հաճնի կամուրջը կարող են շրջանցել Աբովյան-Արզնի-/Հ-6/-Նոր Գեղի ճանապարհով,
🚚 իսկ կցորդով ավտոմոբիլները՝ Տ-6-54, /Հ-5/-Կարենիս-Չարենցավան-Նոր Գեղի-Արգել-Արզական-Հրազդան ավտոճանապարհներով։
[ՏԿԵՆ]

🇷🇺🇦🇿 Վլադիմիր Պուտինը Բաքվում է. նա պետական ​​այցով Բաքվում կլինի օգոստոսի 18-19-ը։
🗣️ Ինչպես հայտնում է «ՏԱՍՍ»-ը, ՌԴ նախագահը Իլհամ Ալիևի հետ բանակցությունների ընթացքում կքննարկի երկկողմ համագործակցության վիճակն ու հեռանկարները, ինչպես նաև միջազգային և տարածաշրջանային օրակարգի ընթացիկ հարցեր։
📌 Ժամանումից հետո Պուտինն ու Ալիևը ոչ պաշտոնական ընթրիք են ունեցել։
🎥 Կադրերը՝ ոչ պաշտոնական ընթրիքից