Category: Infocom

⚖️ Դատախազությունը պահանջում է ՍԴ նախկին նախագահ, ՍԴ դատավոր Հրայր Թովմասյանին դատապարտել ազատազրկման՝ 7 տարի ժամկետով։ Այս տեղեկությունը NEWS.am-ին հետ զրույցում հաստատեցին ՀՀ գլխավոր դատախազությունից։
🔸 Հիշեցնենք, որ Թովմասյանը մեղադրվում է ՀՀ ՔՕ 308-րդ հոդվածի հատկանիշներով՝ պաշտոնեական լիազորությունները չարաշահելու մեջ։

🏋🏻 89 կգ քաշային կարգի ծանրամարտիկ Անդրանիկ Կարապետյանը ավարտեց իր ելույթը Փարիզի օլիմպիական խաղերում։ Նա գրավեց 7-րդ հորիզոնականը։

🇦🇲🇪🇺 ՀՀ-ԵՄ բանակցությունները որևէ կապ չունեն անդամության թեկնածության հնարավորությունների հետ․ ԵՄ արտաքին հարաբերությունների խոսնակ Պետեր Ստանո
🗣 «Սա իրականում որևէ կապ չունի պոտենցիալ անդամության թեկնածության գործընթացի հետ: Բանակցությունները ԵՄ-Հայաստան գործընկերության օրակարգի շուրջ արտացոլում են երկու կողմի փոխադարձ ցանկությունն ու կամքը՝ ավելին անելու միասին, սակայն հիմնված ներկայիս հարաբերությունների վրա: Իսկ ներկայիս հարաբերությունները սահմանված են Համապարփակ և ընդլայնված գործընկերության համաձայնագրով», — նշել է նա «Ազատության» հետ հարցազրույցում:
🔸 Ստանոյի խոսքով՝ դրանք երկու տարբեր բաներ են․ «Կրկին շեշտեմ՝ սա որևէ կապ չունի Եվրամիության պոտենցիալ անդամության կամ թեկնածության հայտի հետ, քանի որ հիմնված է արդեն գործող, ընթացքի մեջ գտնվող հարաբերությունների վրա»։|azatutyun.am|

🇮🇷 Իրանը կողմ է տարածաշրջանի հաղորդակցության ուղիների ապաշրջափակմանը, սակայն դա պետք է տեղի ունենա Հայաստանի ինքնիշխանության ներքո։
🗣 Բնական է, եթե տեղի է ունենում ապաշրջափակում, դրա արդյունքում երթևեկությունը մեծանում, բայց պետք է փոխադարձ համաձայնություն լինի այդ մասով։ Եթե փոխադարձ համաձայնություն կա, նշանակում է ավելի ենք մոտենում խաղաղությանը։ Սա տարածաշրջանի երկրների օգտին է։
[ՀՀ-ում Իրանի դեսպանի Մեհդի Սոբհանի]|civilnet.am|

🇷🇺🇺🇦 Meduza-ի հաղորդմամբ` այս գիշեր Telegram-յան ալիքներում սկսել են հայտնվել կործանված ռուսական ռազմական ավտոշարասյան տեսանյութեր, որոնց, ըստ հեղինակների, հարվածել է Ուկրաինայի ԶՈՒ-ն։ Երևում են ոչնչացված 14 բեռնատարներ, տեսանյութից պարզ է դառնում նաև, որ կան զոհեր։
🗣 Meduza-ն նշում է, որ տեսանյութը նկարահանվել է Ռիլսկ քաղաքի ծայրամասում գտնվող Օկտյաբրսկոյե գյուղի մոտ մայրուղու վրա, իսկ ավտոշարասյան ոչնչացման վայրից մինչև Ուկրաինայի ԶՈՒ մոտակա հայտնի դիրքերը մոտ 30 կիլոմետր է, մինչև Ուկրաինայի հետ սահմանը՝ 35 կիլոմետր։
📷 Կադրը՝ տարածվող տեսանյութից

📢 Ալեքսանդր Սարգսյանն ու ընտանիքի անդամները հրավիրվել են Դատախազություն։
📌 Հրապարակային ծանուցումների պաշտոնական կայքից տեղեկանում ենք, որ ՀՀ երրորդ նախագահ Սերժ Սարգսյանի եղբայր Ալեքսանդր Սարգսյանը, նրա որդիները՝ Հայկ եւ Նարեկ Սարգսյանները, կինը՝ Ավրիգա Սարգսյանը, եւ նրանց հետ փոխկապակցված անձ Սոնա Սարգսյանը օգոստոսի 13-ին հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն Սարգսյանին պատկանող գույքի առնչությամբ իրականացվող ուսումնասիրության շրջանակում։