Category: Infocom

🚗 Մայրաքաղաքում տրանսպորտային հոսքերի անցանելիությունն ավելացնելու նպատակով հուլիսի 16-ից երթևեկության կազմակերպման փոփոխություն կկատարվի Ագաթանգեղոսի — Գր. Լուսավորչի փողոցների խաչմերուկում:
❗️Ագաթանգեղոսի փողոցից կարգելվի հետադարձը՝ երկու երթևեկելի գոտիներից կթույլատրվի «միայն աջ» դեպի Գր. Լուսավորչի փողոց ուղղությամբ և երեք երթևեկելի գոտիներից «միայն ուղիղ» դեպի Արշակունյաց պողոտա: Գր. Լուսավորչի փողոցի երկրորդ երթևեկելի գոտուց նախկին «միայն աջ» երթևեկության փոխարեն երթևեկությունը կթույլատրվի  «միայն ձախ»  ուղղությամբ:
[Երևանի քաղաքապետարան]

🇪🇪 Էստոնիայի վարչապետ Կայա Կալլասը հրաժարական է տվել՝ կապված նոր աշխատանքի անցնելու հետ: Նա կստանձնի Եվրամիության արտաքին գործերի և անվտանգության քաղաքականության հարցերով բարձր ներկայացուցչի պաշտոնը՝ փոխարինելով Ժոզեպ Բորելին։
🔸 Վարչապետի հետ հրաժարական է տվել նաև Էստոնիայի ամբողջ կառավարությունը։ |1lurer.am|

📌 «Տավուշը հանուն հայրենիքի» շարժումը կակտիվանա սեպտեմբերի սկզբին։ Այս մասին Սուրբ Աննա եկեղեցու բակում լրագրողների հետ զրույցում ասաց Բագրատ Սրբազանը։
🗣 «Համակարգող խորհուրդի նիստ ենք ունեցել, գործողությունների որոշակի ուղղվածություն կա։ Այս պահին վարչապետի թեկնածուի փոփոխության հարց չկա», — ասաց շարժման առաջնորդը։

❗️Հուլիսի 15-ին՝ ժամը 13։35-ի սահմաններում, Տավուշի մարզի Բերդավան համայնքի մոտակայքում բախվել են «ԿամԱԶ» և «ԳԱԶել» մակնիշի մեքենաներ։
🔸8 անձ դիմել է բժշկական կենտրոն, որոնք առաջին օգնություն ստանալուց հետո դուրս են գրվել։
[ՀՀ ՆԳՆ]
Հիշեցնենք, որ ավելի վաղ Պաշտպանության նախարարությունը հայտնել էր, որ ճանապարհատրանսպորտային պատահարի հետևանքով որևէ զինծառայող չի հոսպիտալացվել:

🔸 Վարչապետ Նիկոլ Փաշինյանը հուլիսի 15-ից օգոստոսի 12-ը արձակուրդում է լինելու։ Արձակուրդը կընդհատվի այս շաբաթ Լոնդոնում կայանալիք Եվրոպական քաղաքական համայնքի չորրորդ գագաթնաժողովով:
[Վարչապետի մամուլի քարտուղար Նազելի Բաղդասարյան]

❗️ Ճանապարհատրանսպորտային պատահարի հետևանքով որևէ զինծառայող չի հոսպիտալացվել. ՊՆ
📌 «Սոցցանցերում տեղեկություններ են շրջանառվում Տավուշում զինվորական բեռնատարի և ուղևորատար միկրոավտոբուսի վթարի ու վիրավորների վերաբերյալ: Մի շարք ԶԼՄ-ներ տվյալ տեղեկությունը շրջանառում են զինվորական վթարված մեքենաների լուսանկարներով և 6 վիրավորների մասին հայտնող վերնագրերով՝ փորձելով տպավորություն ստեղծել, թե զինծառայողներ են վիրավորում ստացել»,- հայտնում են ՊՆ-ից։

🇦🇲🇷🇺 Հուլիսի 13-ին ՀՀ-ում ձերբակալվել է ՌԴ իրավապահների կողմից հետախուզման մեջ գտնվող ՌԴ քաղաքացի Նատալյա Տ.-ն, ապա ազատ արձակել՝ ՀՀ-ից հեռանալու արգելանքով: Նատալյա Տ.-ն, ըստ ՀՀ ՆԳՆ-ի, հուլիսի 1-ից հետախուզվում էր ակնհայտ սուտ տեղեկատվության տարածելու մեղադրանքով:
🗞 Meduza-ի փոխանցմամբ՝ Նատալյա Տ.-ն 65 տարեկան է, ՌԴ-ում ռուսաց լեզվի և գրականության ուսուցչուհի։ Ըստ աղբյուրի քրեական հետապնդման պատճառ է դարձել այն, որ ուսուցչուհին «Բարության դաս» դասաժամի ընթացքում դպրոցականներին պատմել է Բուչայում ռուսական բանակի հանցագործությունների մասին, մի քանի տեսանյութ ցուցադրել ուկրաինական լրատվամիջոցներից և Ռուսաստանի ներխուժումն Ուկրաինա անվանել միջազգային իրավունքի խախտում։ Դասն անցկացվել է 2022 թվականին։
👮‍♂️ ՆԳՆ-ն փոխանցում է, որ ՌԴ քաղաքացուն հայտնաբերելու մասին հայտնվել է ՌԴ իրավապահներին։|factor.am|

‼️ 4-5 բալ ուժգնությամբ երկրաշարժ է տեղի ունեցել Քաջարան քաղաքից 14 կմ հյուսիս։
🔸 3․5 մագնիտուդով երկրաշարժը գրանցվել է այսօր՝ 10:52-ին:
🇦🇲 Երկրաշարժը զգացվել է Սյունիքի մարզի Ագարակ, Մեղրի, Քաջարան և Կապան քաղաքներում 4 բալ ուժգնությամբ։ [ՆԳՆ ՓԾ]