Category: Infocom

🇦🇲🇱🇺 Նիկոլ Փաշինյանը հանդիպում է ունեցել Լյուքսեմբուրգի վարչապետ Լյուկ Ֆրիդենի հետ:
🤝 Զրուցակիցները բարձր են գնահատել Հայաստան-Լյուսքեմբուգ քաղաքական երկխոսությունը և կարևորել տարբեր ուղղություններով փոխգործակցության զարգացումը:
📌 Փաշինյանը և Ֆրիդենն անդրադարձել են Հայաստան-ԵՄ հարաբերություններին և դրանց հետագա խորացմանն ու ամրապնդմանը վերաբերող հարցերի: [ՀՀ կառավարություն]

🇦🇲🇬🇧 ՀՀ ԱԳ նախարար Արարատ Միրզոյանը հանդիպում է ունեցել Միացյալ Թագավորության արտաքին, համագործակցության և զարգացման հարցերով պետքարտուղար Դեյվիդ Լամմիի հետ։
🤝 Քննարկվել են երկկողմ օրակարգի հարցեր։ Անդրադարձ է կատարվել ՀՀ-ՄԹ քաղաքական երկխոսության և փոխադարձ հետաքրքրություն ներկայացնող ոլորտներում հարաբերությունների խորացման հնարավորություններին՝ նախորդ տարի նոյեմբերին մեկնարկած ռազմավարական երկխոսությանը համահունչ:
[ՀՀ ԱԳՆ]

🇺🇸🇹🇷 Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Դոնալդ Թրամփի հետ։
🤝 Զրույցի ընթացքում Էրդողանը ևս մեկ անգամ դատապարտել է Թրամփի դեմ իրականացված մահափորձը, իր տխրությունը հայտնել հարձակման կապակցությամբ և մաղթել նրան շուտափույթ ապաքինում։

🇦🇲🇪🇺 Սուրեն Պապիկյանն ու ՀՀ-ում ԵՄ դեսպան Վասիլիս Մարագոսը քննարկել են Հայաստան-ԵՄ գործընկերության համատեքստում պաշտպանության բնագավառում համագործակցությանը, ինչպես նաև տարածաշրջանային անվտանգությանն առնչվող հարցեր:
🗣 Դեսպանի խնդրանքով պաշտպանության նախարար Սուրեն Պապիկյանը ներկայացրել է ՀՀ զինված ուժերում իրականացվող բարեփոխումների ընթացքը։

🔸 Սեպտեմբերի 21-ին Հայաստանի պատմության թանգարանում կցուցադրվեն Անահիտ աստվածուհու բրոնզե արձանի գլուխն ու ձեռքը։ Ցուցադրությունը տևելու է 6 ամիս։

🇦🇲🇺🇸 ԱՄՆ պետքարտուղարի տեղակալը հաստատել է տեղեկությունը, որ որոշում կա, որ ամերիկյան բանակի ներկայացուցիչ կաշխատի ՀՀ պաշտպանության նախարարությունում։
🗣 «Սա ևս մատնանշում է հայ-ամերիկյան հարաբերություններում նոր՝ ռազմավարական գործընկերության փուլ թևակոխելու պատմական փաստը»,- ասել է Ըզրա Զեյան «Հետք»-ին տված հարցազրույցում։
💬 Ինչ վերաբերում է հարցին, թե կարո՞ղ է ՀԱՊԿ-ին ՀՀ անդամակցության դադարեցումը խթանել հայ-ամերիկյան ռազմական համագործակցությունը, Զեյան ասել է․ «ՀԱՊԿ-ին Հայաստանի անդամակցության հարցը որոշում է բացառապես Հայաստանի կառավարությունը։ Մենք հարգում ենք այդ որոշումը։ Նշեմ, որ մեր համագործակցությունը պաշտպանական և քաղաքացիական անվտանգության հարցերում շարունակում է խորանալ, իսկ Հայաստանը մնում է ՀԱՊԿ-ի անդամ։ Երրորդ և վերջին դիտարկումս․ չկա որևէ փաստարկ, որ Ռուսաստանի ռազմական ներկայությունը նպաստում է Հարավային Կովկասում տարածաշրջանային խաղաղության և կայունության ապահովմանը»։ |hetq.am|

🇺🇸🦠 ԱՄՆ նախագահ Ջո Բայդենը վարակվել է կորոնավիրուսով։ Նա չեղարկել է ելույթը Լաս Վեգասում նախատեսված նախընտրական միջոցառմանը:
🗣 Սպիտակ տունը հայտնել է, որ Բայդենը պատվաստված է և ունի թույլ արտահայտված ախտանշաններ։

📢 «Հետք»-ը հուլիսի 16-ին հանդես է եկել «Սերգեյ Բագրատյանի կնոջ հիմնադրած ՍՊԸ-ն ընդլայնել է ավազի ապօրինի արդյունահանման բիզնեսը» վերտառությամբ հրապարակմամբ, որտեղ, ըստ ՀՀ ՔԿ-ի մեկնաբանության փաստական տվյալները ներկայացվել են միակողմանի՝ անհարկի շահարկելով ՀՀ քննչական կոմիտեի նախագահ Արգիշտի Քյարամյանի անունը։ Քննչական կոմիտեի հայտարարության մեջ նշվում է նաև, թե «Հետքը» նախքան հրապարակումը չի դիմել ՀՀ ՔԿ՝ ունեցած տեղեկատվությունը թարմացնելու, պարզաբանման ենթակա հարցերի պատասխաններն ստանալու համար։
⚖️ «ՀՀ քննչական կոմիտեում քննվող քրեական վարույթի շրջանակներում ձեռնարկվել են անհրաժեշտ բոլոր միջոցները ինչպես «Ա…» ՍՊԸ-ի կողմից հնարավոր ապօրինի ձեռնարկատիրությամբ զբաղվելու, հողը փչացնելու, ընդերքի պահպանման կամ օգտագործման պահանջները խախտելու հանգամանքները պարզելու, պետությանը պատճառված վնասը հաշվարկելու և վերականգնելու, այնպես էլ՝ ՍՊԸ-ի կողմից ավազի հնարավոր ապօրինի արդյունահանումը, ընդերքօգտագործումը կանխելու ուղղությամբ։
❗️ 2023 թ. նոյեմբերի 21-ին, որոշում է կայացվել դատահողաշինարարատեխնիկական, դատաէկոլոգիական, դատանյութագիտական, դատաապրանքագիտական և դատահաշվապահական համալիր փորձաքննություն նշանակելու մասին, որի եզրակացությունը դեռևս չի ստացվել։ Նախաքննությունը շարունակվում է»,- ասված է ՔԿ հայտարարության մեջ։