Category: Infocom

Դատական դեպարտամենտը 1 եւ 2 տարուց ավելի գործեր քննող դատավորների ցանկ է հավաքագրում
👩🏻‍⚖️🧑🏻‍⚖️ Վերջին ամիսներին Դատական դեպարտամենտը գրություններ է ուղարկել ՀՀ դատարանների նախագահներին՝ խնդրելով տրամադրել դատավորների վարույթում եղած այն գործերի ցանկը, որոնց քննության տեւողությունը գերազանցում է Բարձրագույն դատական խորհրդի սահմանած ուղենիշային ժամկետները:
⏳ Առանձնակի բարդության քրեական գործերի քննության առավելագույն ժամկետը 24 ամիս է, առանձնակի բարդության վարչական գործերինը՝ 18 ամիս, քաղաքացիական գործերինը՝ 13-18 ամիս։
📃 «Ինֆոքոմ»-ի տրամադրության տակ է հայտնվել դատարանների նախագահներից մեկին ուղղված գրությունը, որում նկարագրված է վերոնշյալ պահանջը։

🇦🇲🇦🇿 ՀՀ որևէ պաշտոնատար անձ Բաքվում անցկացվող COP29 միջոցառմանը մասնակցելու համար ոչ մի անգամ չի ներկայացվել, չի գրանցվել: Այս մասին ԱԺ-ում հայտարարեց ԱԳ նախարար Արարատ Միրզոյանը։
📌«Չեմ բացառում, որ քաղաքացիական հասարակության ինչ-որ կազմակերպություններ այդպիսի բան արած լինեն։ Սակայն, նման տեղեկություն էլ ինձ հայտնի չէ»,- ասաց Միրզոյանը։
Ավելի վաղ Ադրբեջանի ԱԳ նախարար Ջեյհուն Բայրամովը հայտարարել է, որ «չնայած այն հանգամանքին, որ Հայաստանը համաժողովին մասնակցելու համար գրանցել է իր մի քանի ներկայացուցիչների, նրանց մասնակցությունը COP29-ին Ադրբեջանում չեն տեսնում»։

🇷🇺 ՌԴ ԱԳՆ պաշտոնական ներկայացուցիչ Մարիա Զախարովան հայտարարել է՝ 2023թ. հունիսին Հայաստանը, Ադրբեջանը և Ռուսաստանը մոտ էին տարածաշրջանային երթուղիների ապաշրջափակմանը, սակայն Արևմուտքի ճնշման արդյունքում Երևանը սառեցրել է իր մասնակցությունը բոլոր եռակողմ աշխատանքային խմբերում և ձևաչափերում։
🗣 «ԱՄՆ-ն, ԵՄ-ն, որոնք փորձում էին միջնորդի դեր ստանձնել, նոր բան չառաջարկեցին, այլ ընդամենը վերարտադրեցին ռուսականը՝ միաժամանակ աղավաղելով դրանց էությունը՝ հույս ունենալով իրենց վերագրել խաղաղ գործընթացը։ Մինչդեռ իրական նպատակն ակնհայտ է՝ նրանք ցանկանում են վերահսկել տարածաշրջանը, Ռուսաստանին դուրս մղել այնտեղից, միաժամանակ նաև Իրանին դուրս մղել, Թուրքիային»,- պնդել է ռուսաստանցի պաշտոնյան՝ կարծիք հայտնելով, թե Արևմուտքը «թքած ունի» Հարավային Կովկասի ու տարածաշրջանի ժողովուրդների ճակատագրի վրա։ |azatutyun.am|

❗️ Փաշինյանը ԱԺ-ում հայտնեց Կազանում տեղի ունեցած «կարևորագույն իրադարձության մասին», ինչը, նրա խոսքով, «շատ նման է նրան, որ տարածաշրջանային կոմինիկացիաների բացման հարցում կարող ենք ունենալ լուծում, որը կարող է փոխադարձ և լիարժեքորեն ընդունելի լինել»։
🗣 «Մենք այս առաջարկը արդեն նաև գրավոր ձևով փոխանցել ենք Ադրբեջանին»։
❗️ Փաշինյանը հայտնեց նաև, որ ադրբեջանական կողմին են փոխանցվել խաղաղության պայմանագրի մնացած 2 [չհամաձայնեցված] հոդվածների վերաբերյալ ՀՀ առաջարկները։

🚘⚡️ Էլեկտրական մեքենաների համար երկու տարվա սահմանափակումը չի կիրառվի․ Փաշինյան

📌 Հիշեցնենք, որ նոյեմբերի 11-ին Պետական եկամուտների կոմիտեն հայտարարել էր, որ 2025-ի ընթացքում առանց մաքսատուրքի կարող են ներմուծվել միայն 2022-ի դեկտեմբերի 31-ից հետո թողարկման տարեթիվ ունեցող էլեկտրական շարժիչով մեքենաները:
🔸 «Եկել եմ այն որոշման, որ մենք այդ երկու տարվա սահմանափակումը չենք կիրառի։ Կարծում եմ, որ մեր պետական մարմինները ճիշտ չեն կոմունիկացրել հարցը, և միայն այդ պատճառով մենք պետք է այդ որոշումը կայացնենք՝ դրա հետ համաձայն չլինելով»։
🔸 Փաշինյանը նշեց, որ 5000 մեքենայի քվոտա կտրամադրվի քաղաքացիներին, 3000-ը՝ դիլերներին, այսինքն՝ այն պաշտոնական ներկայացուցիչներին, որոնք իրենց հետ բերում են նաև ծառայություններ․ «Հակառակ դեպքում մենք էլեկտրամոբիլներ կունենանք, դրանց սպասարկող ենթակառուցվածքներ չենք ունենա»,- հայտնեց Փաշինյանը։ |civilnet.am|

🗣 ՀՀ քաղաքացին իր զավակին հրաժարեցնում է ՀՀ քաղաքացիությունից, որ վերջինս բանակում չծառայի. այս հանգամանքից ելնելով՝ պետք է լյուստրացիայի պրոցես սկսենք առաջին հերթին պետական կառավարման համակարգում․ Սուրեն Պապիկյան
🔸 «Այս հարցով դիմել եմ նաև ՀՀ վարչապետին։ Իմ կարծիքով՝ պետական պաշտոնյան պետք է իրեն թույլ չտա, որ ոչ միայն իր զավակը, այլ իր մերձավոր հարազատների զավակները հրաժարվեն ՀՀ քաղաքացիությունից»,- ընդգծեց Պապիկյանը ԱԺ-ում։
🔸 Նախարարը շեշտեց, որ նման դեպքերի ցավալի ցուցանիշներ են արձանագրվել, և դրա դեմ պետք է պայքարել․ «Մենք պետք է ինքներս մեզ հետ առերեսվենք և ինձ համար բավականին վատ տենդենցի դեմն առնենք։ Այս երևույթը նոր չէ, չգիտեմ քանի տարվա պատմություն ու խորք ունի, բայց սա մի երևույթ է, որի դեմ պետք է պայքարել»։

🇦🇲🇦🇿 Խաղաղության պայմանագրի շուրջ ավելի համագործակցաբար ենք աշխատում. ՀՀ ԱԳ նախարար Արարատ Միրզոյան

🗣 «Այստեղ դեռևս մնացել են մեկ-երկու ձևակերպումներ, հոդվածներ, որոնց շուրջ աշխատանքները շարունակվում են ավելի ինտենսիվ, քան նախորդ շրջանում։ Ես կասեի՝ նույնիսկ ավելի համագործակցաբար, ավելի կառուցողական մթնոլորտում»,- պետբյուջեի նախագծի քննարկման ժամանակ ասաց Միրզոյանը՝ հավելելով, որ Հայաստանն ու Ադրբեջանը «իսկապես շատ մոտ են նրան, որ կունենան վերջնական համաձայնեցված խաղաղության պայմանագրի տեքստ»։
🛣 Նա նաև նշեց, որ բանակցությունները բավականին ակտիվ ընթանում են նաև հաղորդակցության ուղիների, մասնավորապես՝ երկաթուղու վերականգնման ուղղությամբ։|civilnet.am|

🗣 Հայաստանի շուրջ 200 քառակուսի կիլոմետր օկուպացված տարածքի հարցը ռազմական ճանապարհով լուծելու խնդիր դրված չէ․ ՀՀ պաշտպանության նախարար
❗️ «Սահմանազատման գործընթացը հնարավորություն է տալիս այդ հարցը լուծել խաղաղ, բանակցային ճանապարհով, առավել ևս այս քաղաքական խնդրի ներքո ՀՀ բանակը, բացի ՀՀ տարածքային ամբողջականությունն արտաքին հարձակումից պաշտպանելուց, այլ խնդիր չունի և չի ունենալու»,- ասաց Պապիկյանը ԱԺ-ում 2025 թվականի պետբյուջեի նախագծի քննարկման ժամանակ:

🇮🇷🇷🇺 Ռուսաստանն ու Իրանը Հարավային Կովկասում տարբերվող շահեր ունեն. New York Times-ին տված հարցազրույցում ասել է ՀՀ-ում Իրանի դեսպան Մեհդի Սոբհանին, մանրամասնելով․ «Մենք որոշ տարաձայնություններ ունենք, և որոշ համընդհանուր շահեր։ Դա չի նշանակում, որ մենք դաշնակից ենք»։
🗣 «Մենք չենք կարող ընդունել միջազգային սահմանների փոփոխություն», — ամերիկյան պարբերականին տված եզակի հարցազրույցում ասել է դեսպանը` միաժամանակ, խուսափելով հստակեցնել՝ ինչ կանի Թեհրանը, եթե Ադրբեջանը հարձակվի․ «Դա տեղի չի ունենա», — ասել է դեսպանը։
🇪🇺 Հայաստանում ԵՄ դիտորդական առաքելության ղեկավար Մարկուս Ռիտերը ասել է, որ «իրանցիները հայերի լավագույն բարեկամներն են այս տարածաշրջանում»։ Ինչպես նշում է պարբերականը, Ռիտերը ասել է, որ ադրբեջանցիներն ու ռուսները վրդովվում են եվրոպական ներկայությունից, մինչդեռ Իրանը, թվում է, թե ընդունում է այն։|azatutyun.am|