Category: Infocom

🇦🇲🇹🇷 ՀՀ ԱԳ նախարար Արարատ Միրզոյանը մարտի 1-ին աշխատանքային այցով կմեկնի Անթալիա՝ մասնակցելու Անթալիայի դիվանագիտական ֆորումին: [ՀՀ ԱԳՆ]

🇦🇲🇬🇪 ՀՀ պաշտպանության նախարար Սուրեն Պապիկյանն այսօր հեռախոսազրույց է ունեցել Վրաստանի փոխվարչապետ, պաշտպանության նախարար Իրակլի Չիկովանիի հետ։
🗣 «Քննարկել ենք պաշտպանության ոլորտում համագործակցության օրակարգային հարցերն ու առաջիկա անելիքները, կարծիքներ ենք փոխանակել անվտանգային հարցերի շուրջ։ Երկուստեք վերահաստատել ենք մեր պատրաստակամությունը`հարաբերությունների շարունակական զարգացման վերաբերյալ»,- գրել է Պապիկյանը։

💣 ՔՊ գրասենյակի մոտ հայտնաբերվածը պայթուցիկի «մուլյաժ» է, այն վտանգ չի ներկայացնում․ ոստիկանապետ Արամ Հովհաննիսյան
📌 Այսօր ոստիկանությունը Գյուլբենկյան 30/3 հասցեում պայթուցիկ սարքի առկայության մասին ահազանգ էր ստացել։ |factor.am|

🇦🇲🇦🇿 Հայաստանի և Ադրբեջանի ԱԳ նախարարների պատվիրակությունների հանդիպումը տեղի կունենա փետրվարի 28-29-ը Բեռլինում՝ համաձայն Մյունխենում կայացած եռակողմ հանդիպման ժամանակ ձեռք բերված պայմանավորվածության:
[ՀՀ ԱԳՆ]

❗️ Հետագայում Կոնդ թաղամասն ամբողջ ծավալով գնալու է օտարման՝ նոր քաղաքաշինական ծրագիր իրականացնելու համար: Շինությունների ու հողամասերի օրինականացման նախաձեռնության նպատակն է եղել, որ կոնդեցիները կարողանան իրենց իրավունքներն առավելագույնս պաշտպանել՝ հաշվի առնելով, որ տասնամյակներով իրենց սեփականությունը չէր հանդիսացել։
[Երևանի քաղաքապետ Տիգրան Ավինյան] |tert.am|

🇺🇦 Ուկրաինայի նախագահ Վլադիմիր Զելենսկին հայտնել է, որ Ռուսաստանի հետ լայնամասշտաբ պատերազմի սկզբից ի վեր զոհվել է 31 հազար ուկրաինացի զինվորական։ Նա, սակայն, չի նշել վիրավորների ու անհետ կորածների թիվը։
🗣 Փետրվարի 25-ին կայացած մամուլի ասուլիսին Ուկրաինայի նախագահն ասել է նաև, որ պատերազմում ռուսական կողմի զոհերի թիվը 180 հազար է, վիրավորներինը՝ կես միլիոն:

🗣 Փետրվարի 26-27-ը ԱԳ նախարար Արարատ Միրզոյանն աշխատանքային այցով գտնվելու է Ժնևում: Միրզոյանը ելույթով հանդես կգա ՄԱԿ մարդու իրավունքների խորհրդի 55-րդ նիստի և Զինաթափման համաժողովի բարձրաստիճան հատվածներում:
📌 Կայանալու են նաև հանդիպումներ բարձրաստիճան գործընկերների հետ:
[ՀՀ ԱԳՆ]