Category: Infocom

🇦🇲🇺🇸 Մենք հարգում ենք Հայաստանի՝ որպես անկախ երկրի ցանկությունը շարունակելու իր ընտրած անվտանգային հարաբերությունները, և մենք աջակցում ենք տարածաշրջանի բոլոր երկրների ինքնիշխանությանը և տարածքային ամբողջականությանը։
💬 Ռուսաստանը վստահելի կամ բարեխիղճ դաշնակից կամ գործընկեր չէ Հարավային Կովկասում կամ այլուր: Մենք բազմիցս տեսել ենք, որ Ռուսաստանին չեն մտահոգում Հայաստանի շահերը։
[ԱՄՆ պետքարտուղարությունը՝ ՀԱՊԿ-ում ՀՀ անդամակցության շուրջ Փաշինյանի վերջին հայտարարությունների ու պաշտպանության ոլորտում Երևանի ձեռնարկած քայլերի մասին] |amerikadzayn.com|

🤸 Արթուր Դավթյանը եզրափակիչում է։
🇦🇲 Գերմանիայում անցկացվող սպորտային մարմնամարզության աշխարհի գավաթի խաղարկության երկրորդ փուլում Հայաստանի հավաքականի առաջատար, Օլիմպիական խաղերի բրոնզե մեդալակիր, Եվրոպայի կրկնակի և աշխարհի չեմպիոն Արթուր Դավթյանը դուրս եկավ հենացատկի մրցման եզրափակիչ։ |armeniasputnik.am|

📍Կոռուպցիայի կանխարգելման հանձնաժողովի անդամների թափուր պաշտոնները զբաղեցնելու համար հայտարարված մրցույթը չի կայացել։ Մրցույթին մասնակցելու հավակնություն է ներկայացրել երկու անձ։ Նրանցից մեկը Նվարդ Վարդանյանն է՝ Արդարադատության նախարարության գլխավոր քարտուղարի նախկին տեղակալը, մյուսը՝ Սարգիս Միրզոյանը։ Նա 2020-2023 թթ ընթացքում աշխատել է ԿԿՀ–ում՝ որպես մարդկային ռեսուրսների կառավարիչ–փորձագետ։
🧑🏻‍💼Մրցութային խորհուրդը ուսումնասիրել է Վարդանյանի հայտը եւ հաստատել այն, իսկ Միրզոյանի հայտը մերժվել է, քանի որ, ըստ Խորհրդի, նա չի ունեցել օրենքով պահանջվող աշխատանքային ստաժը։
📝Արդյունքում հավակնորդների թիվը պակաս է եղել թափուր տեղերի քանակից։ Վերջինս օրենքով սահմանված հիմք է մրցույթը չկայացած համարելու եւ նոր մրցույթ հայտարարելու համար։
📎 Կարդալ ավելին

🇦🇲🇬🇪 ՀՀ վարչապետը Վրաստանի վարչապետին հրավիրել է Հայաստան։
🤝 Հեռախոսազրույցում Փաշինյանն ու Իրակլի Կոբախիձեն պատրաստակամություն են հայտնել սերտորեն համագործակցել։ Զրուցակիցները կարևորել են երկկողմ հարաբերությունների հետագա զարգացումն ու խորացումը և պատրաստակամություն հայտնել սերտորեն համագործակցել այս ուղղությամբ:
[ՀՀ կառավարություն]

⚖️ 2023թ. փետրվարի 20-ին Երևանի տարբեր հասցեներից հայտնաբերվել և ձերբակալվել են Թուրքիայի քաղաքացիներ Ի.Ք-ն, Է.Յ.-ն և ՀՀ քաղաքացի Ա.Մ.-ն:
📌 Պարզվել է, որ Ի.Ք.-ն և Է.Յ-ն, խախտելով «Պետական սահմանի մասին» ՀՀ օրենքի 11-րդ հոդվածի և «ՀՀ պետական սահմանի ռեժիմ սահմանելու մասին» ՀՀ Կառավարության 2011թ․ մայիսի 12-ի թիվ 702-Ն որոշման պահանջները, «Բագրատաշեն» անցակետով կեղծ փաստաթղթերի օգտագործմամբ, ապօրինի հատել են ՀՀ պետական սահմանը և մուտք գործել ՀՀ, իսկ ՀՀ քաղաքացի Ա.Մ-ն առերևույթ օժանդակել է Է. Յ.-ի կողմից կեղծ փաստաթուղթ օգտագործելուն և ՀՀ պետական սահմանն ապօրինի հատելուն:
[ՔԿ]

▪️ Սուրեն Պապիկյանը և Ֆրանսիայի ԶՈՒ նախարար Սեբաստիան Լըկորնյուն այցելել են Հայոց ցեղասպանության զոհերի հուշահամալիր, հարգանքի տուրք մատուցել զոհերի հիշատակին։
Նախարարները ծաղկեպսակ են դրել հուշակոթողին և ծաղիկներ խոնարհել Հայոց ցեղասպանության զոհերի հիշատակը հավերժացնող անմար կրակի մոտ:
[ՀՀ ՊՆ]