Category: Infocom

🇦🇲🇦🇿🇺🇸 Հայաստանի և Ադրբեջանի միջև խաղաղ պայմանավորվածությունների ձեռքբերման բացառիկ հնարավորություն կա։
❗️Երկրների միջև խաղաղ պայմանավորվածություններն իրագործելու բացառիկ հնարավորություն կա, ինչը կդադարեցնի տասնյակ տարիներ շարունակվող հակամարտությունը, և, կարծում եմ, տարածաշրջանում հսկայական հնարավորություններ կստեղծի տնտեսական կապերի, տնտեսական աճի, Արևելքի և Արևմուտքի, հարավի և հյուսիսի երկրների միջև կապերի հաստատման տեսանկյունից: Ադրբեջանը պետք է վճռորոշ դեր խաղա դրանում:
📌 Մենք ակտիվորեն հետամուտ ենք եղել դիվանագիտական ճանապարհով՝ փորձելով Ադրբեջանին և Հայաստանին մոտեցնել խաղաղության համաձայնագրերին։ [ԱՄՆ պետքարտուղար Էնթոնի Բլինկեն] |tert.am|

❗️ՀՀ ԱԳ նախարար Արարատ Միրզոյանը հանդիպում է ունեցել Սևծովյան տնտեսական համագործակցության կազմակերպության գլխավոր քարտուղար Լազար Կոմենսկուի հետ:
 
🤝Զրուցակիցները քննարկել են ՍԾՏՀԿ հետ ՀՀ համագործակցությանը, կազմակերպությունում ՀՀ նախագահության առաջնահերթությունները, ինչպես նաև տարածաշրջանային տնտեսական համագործակցությանն առնչվող հարցեր:
[ՀՀ ԱԳՆ]

🤝 Վարչապետ Նիկոլ Փաշինյանն ընդունել է Սևծովյան տնտեսական համագործակցության կազմակերպության գլխավոր քարտուղար Լազար Կոմանեսկուին:
🔸Նիկոլ Փաշինյանը կարևորել է կազմակերպության դերը տարածաշրջանային փոխգործակցության ընդլայնման գործում և հավելել, որ ՀՀ կառավարությունը շահագրգիռ է տրանսպորտի, էներգետիկայի, հեռահաղորդակցության և այլ ուղղություններով կապերի ընդլայնմամբ:
📌 Զրուցակիցները մտքեր են փոխանակել ՀՀ կառավարության «Խաղաղության խաչմերուկ» նախագծի, Հայաստանում իրականացվող Հյուսիս-հարավ ավտոմայրուղու կառուցման ընթացքի, տարածաշրջանային տնտեսական համագործակցությանն առնչվող հարցերի շուրջ:
[ՀՀ կառավարություն]

🇦🇿🇮🇱 Ուրբաթ օրը հեռախոսազրույց էր տեղի ունեցել Ադրբեջանի և Իսրայելի արտգործնախարարների միջև: Նրանք քննարկել են տարածաշրջանային իրավիճակը։ Ինչպես փոխանցում է ԱՊԱ–ն, այս մասին այսօր հաղորդել է Ադրբեջանի ԱԳՆ մամլո ծառայությունը։
🔸 Ջեյհուն Բայրամովն ու Իսրայել Կացը քննարկել են երկու երկրների միջև համագործակցության հեռանկարները, միջազգային և տարածաշրջանային խնդիրները, Գազայի շուրջ ստեղծված իրավիճակը։
❗️Ըստ հաղորդագրության՝ Ադրբեջանի դիվանագիտության ղեկավարն իսրայելցի պաշտոնակցին մանրամասն ներկայացրել է նաև հայ — ադբեջանական բանակցային գործընթացի շուրջ զարգացումները։ |tert.am|

🚗 Հուլիսի 4-ից Պուշկինի փողոցի՝ Մաշտոցի պողոտայի խաչմերուկից դեպի Տերյան փողոց ուղղությամբ երթևեկելի մասի ձախ կողմում կարգելվի մեքենաների կանգառը:
📌 Հուլիսի 5-ից կարգելվի հետադարձը Հր. Քոչարի – Գյուլբենկյան, Հր. Քոչարի – Վաղարշյան, Հր. Քոչարի – Փափազյան փողոցների խաչմերուկներում՝ Քոչարի փողոցի երկու կողմերում՝ երկու ուղղությամբ, Վաղարշյան – Խաչատրյան փողոցների և Կոմիտասի պողոտա – Վաղարշյան փողոց խաչմերուկներում՝ Վաղարշյան փողոցում: [Երևանի քաղաքապետարան]

❗️ՀՀ վարչապետ Նիկոլ Փաշինյանը որոշում է ստորագրել, ըստ որի՝ Ավետ Պողոսյանը հուլիսի 3-ից կազատվի բարձր տեխնոլոգիական արդյունաբերության նախարարի տեղակալի պաշտոնից:

🇦🇿 Իլհամ Ալիևը հայտարարել է, որ իր կարծիքով խաղաղության համաձայնագրի տեքստի վրա աշխատանքը, թեկուզ դրա հիմնական սկզբունքներով, կարող է ավարտվել մի քանի ամսից։

🗣 «2020 թվականի պատերազմից առաջ միջնորդների պլանն էր համաձայնության գալ հիմնական սկզբունքների շուրջ, որոնք կոչվում են Մադրիդյան սկզբունքներ։ Դրանք պետք է նախաստորագրվեին, իսկ հետո պետք էր տեքստը կազմել։ Մենք կարծում ենք, որ դա կարող է տարբերակ լինել՝ համաձայնության գալ հիմնական սկզբունքների շուրջ, նախաստորագրել դրանք, ապա աշխատել տեքստի վրա»։
🔸 Իլհամ Ալիևը նշել է, որ սա տեղի կունենա, եթե Հայաստանը բարեփոխի իր Սահմանադրությունը։

🇦🇲🇹🇷 Հայաստանի և Թուրքիայի միջև հարաբերությունների կարգավորման հարցերով հատուկ ներկայացուցիչների հանդիպման ժամկետի վերաբերյալ պայմանավորվածություն ձեռք բերելուց հետո հանրությունը պատշաճ ժամկետում կիրազեկվի:
📌 Տեղեկատվություն էր տարածվում, թե հուլիսի 2-ին նախատեսվում է Հայաստանի և Թուրքիայի ներկայացուցիչների հանդիպում Մարգարայում:
[ՀՀ ԱԳՆ խոսնակ]

🇦🇲🇦🇿 Սահմանազատման հանձնաժողովները միմյանց են փոխանցել կանոնակարգի նախագծերը․ փոխվարչապետ Մհեր Գրիգորյանի գրասենյակ
🔸 «Համապատասխան պայմանավորվածությունների համաձայն՝ Հանձնաժողովներն իրականացնում են համատեղ գործունեության մասին կանոնակարգի նախագծի համաձայնեցման աշխատանքներ:
🔸 Հանձնաժողովներն աշխատանքային կարգով միմյանց են փոխանցել Կանոնակարգի նախագծերը և անցկացրել են մի շարք քննարկումներ:
🔸 Բանակցությունները շարունակվում են կառուցողական հունով: Նախատեսվում է առաջիկայում ավարտել համաձայնեցման գործընթացը»:

❗️ «Ժողովրդավարության հայկական ֆորումի» ժամանակ ներկայացվել է «Freedom House»-ի «Ինչու Լեռնային Ղարաբաղում հայեր չկան» զեկույցը։
💬 «Փաստահավաք առաքելության հետ սահմանակից համայնքների բնակիչների հետ ունեցած հարցազրույցները ցույց են տալիս, Ադրբեջանի զինծառայողների կողմից խաղաղ բնակիչների նկատմամբ հետեւողական գործողություններ են իրականացվել, օրինաչափություններ են նկատվել, որոնք նորից ուղղված են եղել խաղաղ բնակիչների նկատմամբ հարձակումների եւ այլն․ «Բլոկադայի ժամանակ արձանագրվել են դեպքեր, երբ մեծահասակները հրաժարվել են սննդից՝ երեխաների համար խնայելու համար։
📌 Օրինակ՝ Վանքի բնակիչներից մեկը փաստահավաք առաքելությանը հայտնել է, որ 2 ամիս շարունակ հաց չեն կերել՝ երեխաներին թողնելու համար։ Իրավիճակը հատկապես ծանր էր խոցելի խմբերում գտնվողների համար՝ տարեցնել, հղիներ, հաշմանդամություն ունեցողներ, երեխաներ, առողջական խնդիրներ ունեցող անձինք»,- նշել է Իրավունքի զարգացման և պաշտպանության հիմնադրամի տնօրեն Գենյա Պետրոսյանը