Category: Infocom

Երեկոյան հոթ դոգ #7 Գիտության վատ լուսաբանումը, առնետները, ալցհայմերի «հայտնաբերված բուժումը»
Գիտության վատ լուսաբանումը, առնետները, ալցհայմերի «հայտնաբերված բուժումը», «գրանտ ուտող» գիտնականները, գլխի, աչքի ցավն ու ցավի տեղը գտնող խելացի դեղերը, գիտական լրագրությունն ու գիտության լուսաբանումը, 5G-ն, հայի գենը, պատվաստումն ու Բիլ Գեյթսը, աշխատանքին սիրողական մոտենալը։
Երեկոյան այս մասին են հոթդոգում Քրիստիանն ու Ռոմանը, վիրուսաբան Հովակիմ Զաքարյանն ու «Ինֆոքոմի» լրագրող Լյուսի Մանվելյանը։

🔸 ԱԱԾ-ն այսօր վաղ առավոտյան բերման է ենթարկել դաշնակցական Գարիկ Սարգսյանին, «Ազատությանը» փոխանցել է նրա որդին՝ Արամ Սարգսյանը:
🗣 «Առավոտյան 7-ի կողմերը ավտոմատներով մտել են մեր տուն, բոլորիս պառկացրել գետնին, այսինքն՝ վերաբերվել են այնպես, ինչպես կվարվեին ամենավտանգավոր հանցագործի հետ: Ինձ հարվածել են, գոռում էի, ասում, որ նախարարության աշխատակից եմ, լրագրող, բայց այդ պահին մեկը ոտքով հարվածեց դեմքիս, ասեց՝ «սուս մնա», մայրս էր շատ վախեցել»,- պատմել է Արամ Սարգսյանը:

🇷🇺 Զախարովան հայտարարում է՝ քիչ հավանական է, որ «Զվարթնոց» օդանավակայանից ռուս սահմանապահներին դուրս բերելու նախաձեռնությունը համապատասխանի Հայաստանի և նրա քաղաքացիների անվտանգային շահին, «հատկապես հաշվի առնելով այն խնդիրները, որ ռուս և հայ սահմանապահները երկար տարիներ արդյունավետ աշխատում են ուս ուսի տված»։
📌 Միաժամանակ նա նշել է, որ նշված հայտարարությունը հայկական կողմից արվել է «պաշտոնական Երևանի մի շարք ոչ բարեկամական քայլերի և հայտարարությունների ֆոնին»։
🗣 «Ինչպես հասկանում ենք, համապատասխան ծանուցումն ուղարկվել է գերատեսչական գծով։ Մենք դիվանագիտական ​​ուղիներով ոչինչ չենք ստացել։ Մենք ելնում ենք նրանից, որ բոլոր որոշումները կկայացվեն միջգերատեսչական ուսումնասիրությունների արդյունքների հիման վրա»։|news.am|

🇦🇲🇦🇹 Սուրեն Պապիկյանը ՀՀ-ում Ավստրիայի դեսպան Թոմաս Մյուլմանի և ռազմական կցորդ Թոմաս Ահամերի հետ քննարկել է պաշտպանության բնագավառում համագործակցության զարգացման հեռանկարներին, ինչպես նաև տարածաշրջանային անվտանգությանն առնչվող հարցեր:
[ՀՀ ՊՆ]

‼️ ՀԷՑ-ը 20 միլիոն դրամով տուգանվել է։
Պարզվել է, որ մի շարք դեպքերում խախտվել են սպառման համակարգերն էլեկտրացանցին միացման ժամկետները, որն ուղղակիորեն հանգեցրել է մի խումբ սպառողների իրավունքների կամ օրինական շահերի խախտման։ [ՀԾԿՀ]

🇦🇲🇺🇸 Արարատ Միրզոյանն ընդունել է ԱՄՆ Կովկասյան բանակցությունների հարցերով ավագ խորհրդական Լուիս Բոնոյին։
🔸 Նախարարը ներկայացրել է վերջին զարգացումները՝ ընդգծելով ՀՀ դիրքորոշումներն առանցքային հարցերի շուրջ:
🔸 Տարածաշրջանային կապուղիների ապաշրջափակման համատեքստում Արարատ Միրզոյանը վերահաստատել է գործընթացը հանրաճանաչ սկզբունքների՝ ինքնիշխանության, իրավազորության, փոխադարձության ու հավասարության հիման վրա կյանքի կոչելու հարցում ՀՀ հետևողական մոտեցումը։
[ՀՀ ԱԳՆ]

🇦🇲🎶 «Jako»․ «Լադանիվա» խմբի «Եվրատեսիլ 2024»-ի երգն ու տեսահոլովակն արդեն հրապարակվել են։