Category: Infocom

‼️ ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել:
🗣 «Ուզում եմ առաջ ընկնել պաշտոնանկությունների շրջանառվող շարքից: Այլևս հրաժարվում եմ Բարձրագույն դատական խորհրդի թե՛ նախագահությունից և թե՛ անդամությունից: Առերևույթ ամեն ինչ պարզ է, իսկ խորքային պատճառները չեմ ուզում ասել: Ինչ էլ ասեմ, հազար ու մի ձև են մեկնաբանելու և շատ կեղծ վարկածներ են առաջ քաշելու: Նման փորձ արդեն ունեցել եմ:
🔸 Դրա փոխարեն թույլ տվեք անհամեստորեն ասել, որ դատական համակարգը դուրս եմ բերել խայտառակ ճգնաժամից: …
🔸 Մեր ճգնաժամային կառավարմանը սատարելու և, իհարկե, այս շատ ծանր, բայց կարևոր պաշտոնն ինձ վստահելու համար շնորհակալ եմ օրենսդիր ու գործադիր թևերին՝ վարչապետի գլխավորությամբ, ինչպես նաև ԲԴԽ նախկին ու ներկա անդամներին»,- գրել է Անդրեասյանը:

{ՉՀԱՍՏԱՏՎԱԾ}
❗️Մի քանի լրատվամիջոցներ, հղում անելով իրենց աղբյուրներին, հայտնում են, որ զբաղեցրած պաշտոններից կազատվեն ՀՀ ՆԳ նախարար Վահե Ղազարյանը, ՏԿԵ նախարար Գնել Սանոսյանը, ՔԿ նախագահ Արգիշտի Քյարամյանը, ՊԵԿ նախագահ Ռուստամ Բադասյանը։

⚽️ Հայաստանի ֆուտբոլի հավաքականը Ռիգայում ՈՒԵՖԱ Ազգերի լիգայում հաղթեց Լատվիային 2։1 հաշվով։

🇦🇿🇺🇸 Ադրբեջանի նախագահ Իլհամ Ալիևն ԱՄՆ կոնգրեսականների պատվիրակության հետ հանդիպմանը պնդել է, որ Հայաստանը վարում է «ռազմականացման և սպառազինությունների մրցավազքի քաղաքականություն», որը վտանգ է ներկայացնում տարածաշրջանային խաղաղության և անվտանգության համար։
📌 Նա հավելել է, որ խաղաղության պայմանագիր ստորագրելու համար կարևոր է Հայաստանի Սահմանադրության մեջ վերջ դնել Ադրբեջանի դեմ տարածքային պահանջներին: |tert.am|

🇨🇳 Նոյեմբերի 16-ին Չինաստանի արեւելյան Ցզյանսու նահանգում դանակով զինված ուսանողը հարձակվել է քոլեջի ուսանողների վրա։ 8 մարդ զոհվել է, ևս 17-ը վիրավորվել են:
🔸 Ըստ ոստիկանության՝ 21-ամյա հարձակվողն այս տարի պետք է ավարտեր քոլեջը, սակայն չի կարողացել հանձնել ավարտական ​​քննությունները։ Նրան իրավապահ մարմինները բերման են ենթարկել հանցագործության վայրից: |factor.am|

🛣 Նոյեմբերի 17-ին ահազանգ է ստացվել, որ Աղվանի-Տաթև ավտոճանապարհին բեռնատարները մերկասառույցի պատճառով չեն կարողանում շարունակել ընթացքը:
🔸 Փրկարարներն Աղվանի-Տաթև ավտոճանապարհի 1-ին կմ-ին իրականացրել են մերկասառույցի մշակման աշխատանքներ. խցանումից դուրս է եկել 103 տրանսպորտային միջոց. ավտոճանապարհը երկկողմանի երթևեկելի է:
[ՆԳՆ փրկարար ծառայություն]

🎓 ԿԳՄՍ նախարար Ժաննա Անդրեասյանը շնորհավորական ուղերձ է հղել ուսանողների միջազգային օրվա կապակցությամբ։
🗣 «Այսօր ՀՀ-ում բարձրագույն կրթության ոլորտում իրականացվող պետական քաղաքականությունը միտված է միջազգային լավագույն չափանիշներին համապատասխան կրթական միջավայր ապահովելուն, հետազոտական ենթակառուցվածքների հասանելիությանը, կրթական ծրագրերի բովանդակության բարելավմանը, որակի չափանիշների բարձրացմանը, ինչպես նաև ուսանողի սոցիալական, մշակութային, մարզական և ժամանցային միջավայրի ստեղծմանը: […] Օրենքը [Բարձրագույն կրթության և գիտության մասին] նախատեսում է ուսանողների աջակցության նոր հնարավորություններ և մոտեցումներ՝ ամրապնդելով պետության քաղաքականությունը, որ ոչ մի լավ սովորող ուսանող պետք է դուրս չմնա համակարգից սոցիալական և ֆինանսական խնդիրների պատճառով։
🔸 Բարեփոխումների համատեքստում չեմ կարող չանդրադառնալ «Ակադեմիական քաղաք» ծրագրին, որը թվարկյալ բոլոր նպատակների հանգուցակետն է։ Այսօր մեր ջանքերն ուղղել ենք մի ծավալուն նախագծի, որն ապահովելու է մեր ուսանողների, պրոֆեսորադասախոսական կազմի, հետազոտողների ու գիտական միջավայրի ներկայացուցիչների համար առավելագույն պայմաններ՝ լավագույնս դրսևորելու սեփական ներուժն ու դա ծառայեցնելու ՀՀ անխափան զարգացմանը» , — նշված է Ժաննա Անդրեասյանի ուղերձում։

🇺🇸🇨🇳 ԱՄՆ նախագահ Ջո Բայդենը և Չինաստանի նախագահ Սի Ծինփինը պայմանավորվել են, որ միջուկային զենքի կիրառման վերաբերյալ որոշումները պետք է ընդունեն մարդիկ և ոչ թե արհեստական բանականությունը (AI), ասվում է Սպիտակ տան հայտարարության մեջ։
🗣 «Երկու առաջնորդները վերահաստատել են միջուկային զենքի կիրառման որոշման նկատմամբ մարդկային վերահսկողության պահպանման անհրաժեշտությունը», — ասվում է Սպիտակ տան հայտարարության մեջ: |azatutyun.am|

🇺🇦🇷🇺 Նոյեմբերի 17-ի առավոտյան ռուսական զորքերը լայնածավալ օդային հարձակում են իրականացրել Ուկրաինայի վրա՝ օգտագործելով անօդաչու սարքեր և հրթիռներ, հայտնել են Ուկրաինայի ԶՈՒ ռազմաօդային ուժերը։
📌 Արձանագրվել են ՌԴ անօդաչու թռչող սարքերի, «Կալիբր» հրթիռների արձակումներ Սև ծովից, բալիստիկ հրթիռների արձակումներ Թեոդոսիայից, Վորոնեժից, ինչպես նաև «Կինժալ» հրթիռներ՝ Տամբովից։ Կիևում աշխատում է հակաօդային պաշտպանության համակարգը: |tert.am|

🇮🇱 Իսրայելի Կեսարիա քաղաքում շաբաթ օրը երկու ռումբ է արձակվել երկրի վարչապետ Բենիամին Նեթանյահուի տան ուղղությամբ և ընկել այգում, հայտնում է ոստիկանությունը։
📌 Ո՛չ Նեթանյահուն, ո՛չ նրա ընտանիքը այնտեղ չեն եղել, և ավերածություններ չեն գրանցվել։
🗣 «Իսրայելի վարչապետին, ում սպառնում են Իրանը և նրա վստահորդները, որոնք փորձում են սպանել նրան, չի կարող ենթարկվել նույն սպառնալիքներին տանը»,- ասել է Իսրայելի պաշտպանության նախարար Իսրայել Կացը: |azatutyun.am|