Category: Infocom

🚗 Մ6 միջպետական մայրուղու 58-րդ կիլոմետրի վնասված հատվածը` Հաղպատից դեպի Ալավերդի, արդեն անցանելի է:
[«Ճանապարհային դեպարտամենտ» հիմնադրամ]

ԳԱԱ բարեփոխումները, բուհերի հետ համագործակցությունն ու ինտեգրումը. զրույց ԳԱԱ նախագահի տեղակալի հետ
ԳԱԱ նախագահի՝ գիտության և տեխնոլոգիաների գծով տեղակալ Վարդան Սահակյանը խոսում է՝
🔸Գիտությունների ազգային ակադեմիայում բարեփոխումների անհրաժեշտությունից և ապագա դերից
🔸գիտության կազմակերպման տարբեր ձևեր ունենալու կարևորությունից,
🔸 բուհերի հետ համագործակցության տարբերակներից,
🔸ակադեմիական քաղաքի կլաստերներից դուրս՝ ԳԱԱ կազմում գիտական կազմակերպություններ ունենալու անհրաժեշտությունից

🇦🇲🇷🇺 Հայաստանում քաղաքական գործընթացները մենք դիտարկում ենք որպես այդ երկրի ներքին գործը։
🗣Մեր կողմից մենք նպատակ ունենք զարգացնել այն շատ բարեկամական, լիարյուն կապերը Հայաստանի ժողովրդի հետ, որոնք, ի թիվս այլ բաների, դրսևորվում են, ինչպես այսօր ասացի, իրական, եղբայրական օգնության տեսքով, որը մենք տրամադրում ենք ակնթարթորեն, երբ հարևան պետությունը դժվարության մեջ է հայտնվում։ [ՌԴ ԱԳՆ պաշտոնական ներկայացուցիչ Մարիա Զախարովա] |azatutyun.am|

🇦🇲🇪🇺 Հայաստանում ԵՄ Առաքելության ղեկավար Մարկուս Ռիտերը երեկ Գորիսում հանդիպել է առաքելության աշխատակիցներին: Այս մասին գրառում է կատարված առաքելության X-ի միկրոբլոգում։
📌 Թիմն այցելել է նաև Հայաստանի և Ադրբեջանի սահմանին գտնվող Սև լիճ: Մինչ օրս առաքելությունն անցկացրել է ավելի քան 2300 պարեկություն Հայաստանում։

🚙 Ճանապարհաշինարարական աշխատանքներով պայմանավորված՝ մայիսի 30-ից մինչև հունիսի 20-ը՝ ժամը 21:00-ից մինչև 07:00-ն, փակ է լինելու Թոթովենց-Թոթովենց 2-րդ հատված փողոցների խաչմերուկից մինչև Թոթովենց 2-րդ հատված-Ստեփանյան փողոցների հատման խաչմերուկ հատվածը։
[Երևանի քաղաքապետարան]

📱 Ֆեյսբուքյան հարթակում մեկը մյուսի հետեւից պտտվում են գովազդի տակ դրված կեղծ լուրեր ռուսաստանաբնակ դերասան Գարիկ Մարտիրոսյանի նկարով։ «Սկանդալ, որը ցնցել է ողջ երկիրը․ Գարիկ Մարտիրոսյանի արած մի արտահայտությունը կործանել է նրա կարիերան», «Գարիկ Մարտիրոսյանին սպառնում է ծանր քրեական պատիժ», «Գարիկ Մարտիրոսյանը չգիտեր, որ հարցազրույցի այդ հատվածը չի կտրվելու» եւ այստեսակ «շոկ, շտապ, հրատապ» բնույթի վերնագրերով հղումներ են դրված Մարտիրոսյանի նկարների վրա։
💸 Այդ հղումները տանում են հայտնի լրատվամիջոցի կայքին նմանակող կեղծ կայքեր, որտեղ, իբրեւ, տեղադրված է Գարիկ Մարտիրոսյանի եւ հաղորդավար Գոռ Գրիգորյանի հարցազրույցը։ Հորինված այդ հարցազրույցում Գարիկ Մարտիրոսյանը իբր վստահեցնում է, որ հնարավոր է միլիոններ աշխատել ինտերնետի միջոցով՝ բազմոցից վեր չկենալով։

Ֆինանսական թակարդ՝ Գարիկ Մարտիրոսյանի հետ հորինված հարցազրույցի միջոցով

🛣 Ախթալայի և հարակից 6 գյուղերի հետ կապող հետիոտնային կամուրջը տեղադրվել է։ Տարբեր բնակավայրերից առաջին բնակիչներն արդեն անցնում են Դեբեդ գետի մյուս կողմ։
📌Կամուրջը, որ կապ էր ապահովում 7 բնակավայրերի հետ՝ Ճոճկան, Շամլուղ, Ախթալա, Քարկոփ, Մեծ Այրում, Փոքր Այրում և Բենդիկ, հեղեղների հետևանքով մասնակի փլուզվել էր: |azatutyun.am|

🇹🇷 Տարածաշրջանում իսկապես մշտական խաղաղության հաստատման պատմական դուռ է բացվել: Կարծում ենք՝ սա չպետք է վատնել։ Հայաստանը օտար ուժերի և սփյուռքի գերությունից ազատվելու դեպքում ավելի կմոտենա խաղաղությանը։
🗣 Հայ ժողովուրդը պետք է տեսնի և հասկանա, որ իր ապագան ոչ թե դրսից տեղի-անտեղի խոսողների կամ սադրողների հետ է, այլ այն հարևանների, ում հետ դարեր շարունակ ապրել և ապրելու է, և դրա համար անհրաժեշտ քայլեր խիզախությամբ անի։
[Թուրքիայի նախագահ Ռեջեփ Թայիփ Էրդողան]