Category: Infocom

❗ ՀՀ տարածքում կան փակ ավտոճանապարհներ
📌 Փակ են «Ամբերդ» օդերևութաբանական կայանից Ամբերդ ամրոց և Քարի լիճ տանող ճանապարհները, Վարդենյաց լեռնանցքը, Բերդ-Ճամբարակ (բուք), Լանջառ-Լուսաշող (բուք) և Բուժական-Արագյուղ ավտոճանապարհները:
🔸 Արթիկ-Մարալիկ և Արթիկ-Պեմզաշեն, Վանաձոր-Դիլիջան, Երասխ-Զանգակատուն ճանապարհներին բուք է։
🧊 Մի շարք ավտոճանապարհներին առկա է մերկասառույց։
🔸 Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար։
[ՆԳՆ փրկարար ծառայություն]

🇺🇦🇷🇺 Ռուսական ուժերը «Իսկանդեր» հրթիռով հարվածել են Խարկովի կենտրոնում բնակելի բարձրահարկ շենքին, հայտնել է քաղաքապետ Իգոր Տերեխովը:
🗣️ Ըստ քաղաքապեսի՝ տուժածների թիվը հասնում է 30-ի։
📷 Լուսանկարը՝ Ուկրաինայի արտակարգ իրավիճակների ծառայության

🧊 Հունվարի 3-ի երեկոյան, 3-ի` լույս 4-ի գիշերը և առավոտյան հանրապետության ավտոճանապարհներին սպասվում է մերկասառույց։
📢 Հարգելի՛ վարորդներ, հորդորում ենք լինել ուշադիր, խստագույնս պահպանել ճանապարհային երթևեկության կանոնները և երթևեկել բացառապես ձմեռային անվադողերով։
[Ճանապարհային դեպարտամենտ]

⚡️ ՀԷՑ-ը հայտնում է, որ եղանակային անբարենպաստ պայմանների՝ առատ ձյան տեղումների հետևանքով հոսանքազրկված են մի քանի մարզերի տասնակից ավելի բնակավայրեր։
📌 Նշվում է, որ այդ բոլոր բնակավայրերում էլեկտրամատակարարումը կվերականգնվի առաջիկա 3 ժամվա ընթացքում:
📣 Լոռու մարզի մի շարք հասցեներ էլ հոսանքազրկված են Այրում 35 կՎ օդային գծի երկու մետաղական հենարանների վնասման հետևանքով։

🥶 Օդի ջերմաստիճանը հունվարի 3-ի լույս 4-ի գիշերը ՀՀ ողջ տարածքում այսօրվա համեմատ կնվազի 14-18 աստիճանով։
☁️ Ձնառատ ցիկլոնը հեռանում է։ Երեկոյան ժամերից ՀՀ ողջ տարածքում տեղումները կդադարեն։ Երեկոյան ժամերից եղանակը կսկսի պարզել, նաև Հայաստան կներթափանցեն արկտիկական ցուրտ օդային հոսանքներ։
⛸ Ճանապարհներից սպասվում է մերկասառույց։
[«Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյան]

🇨🇭 Շվեյցարիայում առնվազն 40 մարդ է զոհվել, 100-ից ավելին՝ վիրավորվել Կրան Մոնտանա լեռնադահուկային հանգստավայրի բարում տեղի ունեցած պայթյունի հետևանքով։ Ըստ պաշտոնական տվյալների՝ զոհերի շարքում օտարերկրացիներ կան, վիրավորների մեծ մասը ծանր վիճակում է։
🔥 Պայթյունը տեղի է ունեցել Le Constellation ակումբում՝ Նոր տարվա տոնակատարության ժամանակ, դրանից հետո տեղում մեծ հրդեհ է բռնկվել։
💬 Թե որն է եղել պատճառը, դեռ հստակ չէ, տեղի դատախազը միայն հայտնել է, որ դիտարկվում է տեխնիկական պատճառներով բռնկված հրդեհի, ոչ թե դիտավորյալ հարձակման վարկածը։ |azatutyun.am|