Category: Infocom

Այսօր վաղ առավոտից Երիտասարդական մետրոյի դիմացից «Տավուշը հանուն հայրենիքի» շարժման մասնակիցները իրազեկման երթ են իրականացնում մայրաքաղաքի փողոցներում։

📌Երևանի ավագանու անդամ Արթուր Իսպիրյանը վայր է դրել մանդատը։
🔸 Երևանի ավագանու անդամ է գրանցվել «Քաղաքացիական պայմանագիր» կուսակցության համամասնական ցուցակի հերթական հաջորդ թեկնածու Քրիստինե Գագիկի Վարդանյանը։ [ԿԸՀ]

📢 Լրագրողական կազմակերպությունները համատեղ հայտարարություն են հրապարակել մայիսի 13-ին ԶԼՄ-ների ներկայացուցիչների հանդեպ կիրառված բռնությունների առնչությամբ․
🗣 «Տավուշի մարզում իրականացվող սահմանազատման հետ կապված բողոքի ակցիաների սկզբից ի վեր արձանագրվել է ԶԼՄ-ների ներկայացուցիչների նկատմամբ հարձակումների և բռնությունների 8 դեպք, ընդ որում դրանցից 5-ը՝ իրենց լիազորությունները չարաշահած իրավապահների կողմից։
📢 Խստորեն դատապարտելով լրագրողների և օպերատորների դեմ ոչնչով չարդարացված ուժի կիրառումը, արձանագրում ենք, որ չնայած ծառայողական քննություն անցկացնելու և մեղավորներին պատասխանատվության ենթարկելու բազմաթիվ պահանջներին՝ ոստիկանությունը մինչ օրս հանրությանը չի տեղեկացրել այդպիսի գործընթացի կամ դրա արդյունքների մասին»։

📢 Վաղը ճնշումը մեծացնում ենք: Հայաստանի ողջ տարածքով պիտի խաղաղ անհնազանդության ակցիաներ տեղի ունենան: Երևանում՝ ժամը 08:00-ից կմեկնարկեն անհնազանդության ակցիաները:
📌 Վաղը՝ 10:00-ին, կգնամ ԵՊՀ, հետո՝ Ժուռնալիստների միություն։
[Բագրատ Սրբազան]

📌 Հայաստանի ժուռնալիստների միությունը խստորեն դատապարտում է իրենց մասնագիտական աշխատանքը կատարող լրագրողների նկատմամբ ոստիկանական բիրտ ներգործության բոլոր փորձերը․
📝 «ՆԳՆ ղեկավարությանը հորդորում ենք զսպել իրենց աշխատակիցների բնազդները, իսկ քննչական կոմիտեին՝ վերջ տալ երկակի ստանդարտների կիրառման պրակտիկային: Լրագրողը ցանկացած իրավիճակում պետք է կատարի իր աշխատանքը, իսկ ոստիկանությունը պետք է ապահովի լրագրողի մասնագիտական գործունեության անխափան իրականացումը՝ առանց սահմանափակելու այն, առավել ևս՝ առանց լրագրողի նկատմամբ բիրտ ուժ կիրառելու
🔸 Հայաստանի ժուռնալիստների միությունը նաև խստագույնս դատապարտում է ատելության խոսքի բոլոր տեսակի դրսևորումները՝ երկու կողմերին կոչ անելով զերծ մնալ սոցիալական ցանցերում և իրենց ելույթներում դրսևորվող դատապարտելի այդ խոսույթից, թիրախավորումներից»,– ընդգծել են ՀԺՄ–ից:

📌 Սուրբ Աննա եկեղեցում Տերունական աղոթքով մեկնարկեց Բագրատ Սրբազանի հետ հանդիպումը, որի ժամանակ ներկաները ամփոփելու են այսօրվա իրադարձությունները, քննարկեն հաջորդ անելիքները։

🇹🇷🇬🇷 Թուրքիայի նախագահ Ռեջեփ Էրդողանը և Հունաստանի վարչապետ Կիրիակոս Միցոտակիսը մայիսի 13-ին Անկարայում սկսել են բանակցությունները։
🤝 «Մենք անլուծելի խնդիրներ չունենք, ինչպես ավելի վաղ ասացի, հարցերի լուծումը գործընթաց է, և դրականի հետ կապված մեր հույսերը գնալով աճում են։ Մենք ձգտում ենք դրական մթնոլորտի և ակնկալում ենք բոլոր հարցերը լուծել ազնիվ և բաց երկխոսության միջոցով»,- համատեղ ասուլիսի ընթացքում ասել է Էրդողանը։ |tert.am|

🇦🇲🇩🇰 Վարչապետ Նիկոլ Փաշինյանն աշխատանքային այցով մեկնել է Դանիա: Վարչապետը մայիսի 14-ին կմասնակցի «Կոպենհագենի ժողովրդավարության գագաթնաժողովին»:
🤝Այցի շրջանակում նախատեսված են նաև հանդիպումներ Դանիայի վարչապետ տիկին Մետտե Ֆրեդերիկսենի, Դանիայի խորհրդարանի՝ Ֆոլկետինգի խոսնակ Սյորեն Գադեի, գագաթնաժողովի հիմնադիր և «Ռասմուսեն Գլոբալ» միջազգային քաղաքական խորհրդատվական կազմակերպության հիմնադիր Անդերս Ֆոգ Ռասմուսենի հետ։
[ՀՀ կառավարություն]

🇮🇷🇮🇳 Իրանն ու Հնդկաստանը Չաբահարի Շահիդ Բեհեշթի նավահանգստի վերազինման և շահագործման մասին երկարաժամկետ պայմանագիր են ստորագրել, գրում է IRNA գործակալությունը:
🗣 «Համաձայնագիրը երկու երկրի առևտրի զարգացման նոր սկիզբ կլինի: Չաբահարի նավահանգստով Հնդկաստանն Իրանի ճանապարհային ու երկաթուղային ցանցով հասանելիություն է ունենում Աֆղանստան, Կենտրոնական Ասիա, Թուրքիա, Ադրբեջան և նույնիսկ Ռուսաստան: Սա Հնդկաստանի համար այս նախագծի առավելություններից մեկն է»,- հայտարարել է Իրանի ճանապարհների ու քաղաքաշինության նախարար Մեհրդադ Բազրփաշը: |1lurer.am|

Հաջորդ կայարանը՝ ակադեմիական քաղաք․ երբ ու ինչպես կկառուցվի քաղաքը
«Ինֆոքոմ»-ի թիմը եղել է Երևանի 17-րդ թաղամասին հարող տարածքում, որտեղ կառավարությունը նախատեսում է ակադեմիական քաղաք կառուցել։
🗣 «Ակադեմիական քաղաք» հիմնադրամի տնօրենն ու ճարտարապետը մեզ պատմել են՝
🔸 նախագծի ընթացքի ու ժամկետների,
🔸 ակադեմիական քաղաքն այլ բնակավայրերին կապող տրանսպորտային միջոցների,
🔸 արտասահմանյան համալսարանների հետ համագործակցության,
🔸 Հայաստանի բուհերի ու գիտական կազմակերպությունների ներկայացուցիչների հետ քննարկումների մասին։