Category: Infocom

❗️ 1000 և ավելի բնակիչ ունեցող գյուղական բնակավայրերում կենսաթոշակի և կենսաթոշակի կարգով տրամադրվող նպաստների վճարումը այս տարվա հունվար ամսվանից իրականացվում է անկանխիկ եղանակով։ [ՀՀ աշխատանքի և սոցիալական հարցերի նախարարություն]

📌Հեռախոսազրույց են ունեցել ՌԴ ԱԳ նախարար Սերգեյ Լավրովն ու Թուրքիայի ԱԳ նախարար Մեւլութ Չավուշօղլուն։
Նախարարները փոխանակվել են ամանորյա շնորհավորանքներով եւ քննարկել են արտաքին քաղաքական գերատեսչությունների համագործակցության ծրագրերը 2023թ․ին, այդ թվում՝ սիրիական կարգավորման վերաբերյալ քայլերի հետագա համակարգումը։ [ՌԴ ԱԳՆ]

Ի գիտություն
Վերջին ամիսներին Infocom-ի խմբագրությունում ամենաշատ հնչած բառերից էին գիտությունն ու գիտարբուքը․ այս տարի մենք գործարկեցինք 2 նոր գիտական մեդիա նախագիծ, իսկ նոր նախագծերի մասին կպատմենք արդեն 2023-ին։
Եթե կարծում եք, որ ճիշտ ճանապարհի վրա ենք, մի նշան տվեք․ հավանեք, բաժանորդագրվե՜ք մեր Patreon-ին😉
Patreon-ի հղումը՝ https://www.patreon.com/igitutyun

🇷🇺🗣 Ռուսական խաղաղապահ կոնտինգենտին ուղղված քննադատությունը Լաչինի միջանցքում ստեղծված իրավիճակի համատեքստում անընդունելի է։ Այս մասին այսօր կայացած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
📌 «Հրապարակային ոչ մի հարձակում նպաստավոր չէ գործի համար, ավելի վատ իրադրություններ են եղել։ Մենք աշխատում ենք այս իրավիճակը բարելավելու ուղղությամբ»,- հավելել է ռուս պաշտոնյան։ |tass.ru|

Մի խուսափեք Լեռնային Ղարաբաղի հիմնախնդրից. Արմեն Աշոտյանը կոչով դիմեց Ռուսաստանին
🗣 «Այս ամենի մեջ Ադրբեջանն ունի գերակա մեղք․ դա ֆիքսում ենք։ Երբ մենք խոսում ենք Նիկոլի դեմ, մենք դրանով ասում ենք՝ դու ջանք չես գործադրում Ադրբեջանի դեմն առնելու համար։ Հիմա դուք ինձ կարո՞ղ եք բացատրել՝ Ռուսաստանի հետ էս վերջին դեմարշներից մենք ինչ շահեցինք որպես պետություն։ Ես սա ասել եմ, որ եթե հույսերը ֆրանսիական զորքերն են, ապա Ֆրանսիան իր վերջին միջազգային կոնտինգենտը հանել է արտասահմանից 10 օր առաջ Կենտրոնական Աֆրիկյան Հանրապետությունից։ Չի ուղարկելու էդ երկիրը զորք, չունի ինքը իր պետական գերակայության անվտանգության ռազմավարության մեջ նույնիսկ գաղափար Հարավային Կովկաս զորք ուղարկելու․ Մերձավոր Արեւելք ունի», — նշեց Արմեն Աշոտյանը՝ խոսելով Լաչինի միջանցքում ստեղծված իրավիճակի մասին։

🧑‍⚕️ Արցախում շարունակում են դադարեցված մնալ պլանային վիրահատությունները։ «Արևիկ» բուժմիավորումում 10 երեխա նորածնային և վերակենդանացման բաժանմունքներում է:
🏥 «Հանրապետական բժշկական կենտրոն»-ում 10 բուժառու վերակենդանացման բաժանմունքում է, 4-ը՝ ծայրահեղ ծանր վիճակում։ [ԱՀ ԱՆ]

«Արցախը արտաքին աշխարհին կապող հաղորդակցությունը պետք է առանց նախապայմանների ու անհապաղ վերականգնվի»․ տասնյակ հազարավոր արցախցիներ հավաքվել էին Վերածննդի հրապարակում
❗️ Արցախի շրջափակման 14-րդ օրը Վերածննդի հրապարակում հավաքվել էին տասնյակ հազարավոր արցախցիներ։
🗣 Արցախի պետնախարարն իր խոսքում նշեց, որ Արցախն ունի երեք ճանապարհ․ «Մեկը՝ ենթարկվում ենք ուշ թե շուտ, կամաց-կամաց ինտեգրացվում ենք Ադրբեջանին։ Երկրորդը՝ այստեղից դուրս ենք գալիս։ Երրորդը՝ պայքարում ենք։ Ես իմ որոշումը կայացրել եմ սեպտեմբերի 2-ին․ ես այստե՛ղ եմ, ես պայքարո՛ւմ եմ, ու ես այստեղից չեմ գնալու, ու ես չե՛մ ենթարկվելու Ադրբեջանի պայմաններին»։
📌 Հանրահավաքի վերջում հնչեցվեց Արցախի ժողովրդի կոչը՝ ուղղված հայությանն ու աշխարհին։ Կոչում նշվում է, որ Արցախը շարունակելու է ջանքեր գործադրել իր ժողովրդի անվտանգությունն ու պաշտպանունակությունը ամրապնդելու համար` համադրելով սեփական կարողություններն ու ՌԴ խաղաղապահ առաքելության հնարավորությունները։

🇦🇿 Ադրբեջանի նախագահը կրկին տարածքային պահանջներ է ներկայացնում Հայաստանին։
🗣 «Արևմտյան Ադրբեջանը (այսպես են անվանում արբեջանցիները ՀՀ Սյունիքի մարզը-խմբ․) մեր պատմական տարածքն է։ Դա են վկայում բազմաթիվ պատմական փաստաթղթերը, պատմական քարտեզներն ու մեր պատմությունը։ Վստահ եմ, որ կգա մի օր, երբ արևմտյան ադրբեջանցիները, նրանց զավակներն ու թոռները մեծ ոգևորությամբ և էնտուզիազմով կվերադառնան հայրենի հողեր։ Այսպես պնդելու համար բազմաթիվ գործոններ կան։ Դրանցից գլխավորը մեր ժողովրդի պատմական հիշողությունն է»,- հայտարարել է Ալիևը։ |azatutyun.am|

📌 ՌԴ արտաքին գործերի նախարար Սերգեյ Լավրովն այսօր մամուլի ասուլիսի ժամանակ շատ դիպուկ է նկատել, որ Ղարաբաղյան խնդիրը որպես ժառանգություն մնացել է Խորհրդային Միությունից: Ինչ վերաբերում է ադրբեջանական «բնապահպանների»՝ հանքավայրեր այցին, ապա իրականությունն այն է, որ ս. թ. դեկտեմբերի 3-ին Արցախը Հայաստանին կապող միակ ճանապարհն առաջին անգամ արգելափակելուց հետո ադրբեջանական կողմը ռուս խաղաղապահների միջոցով Արցախի իշխանություններին փոխանցել է գրավոր առաջարկներ, որոնք բնապահպանական խնդիրների հետ ոչ մի առնչություն չեն ունեցել և բացարձակապես անընդունելի են եղել Արցախի համար:
🗣 Արցախյան կողմը կառուցողական մոտեցում է ցուցաբերել՝ խաղաղապահների միջոցով ադրբեջանական կողմին փոխանցելով այն պայմանները, որոնց պահպանման պարագայում պատրաստ կլինեն թույլ տալ ադրբեջանական բնապահպանների այց հանքավայր: Ադրբեջանական կողմը չի պահպանել արցախյան կողմի պայմանները և նրանց պատասխանը եղել է արդեն ճանապարհի երկարաժամկետ արգելափակումը։ [Արցախի նախագահ Արայիկ Հարությունյան]