Category: Infocom

🎞 Հորդանանի թագավորական կինոհանձնաժողովը ռեժիսոր Սարին Հայրապետյանի՝ Արցախի և արցախցիների մասին պատմող «Իմ քաղցր երկիրը» վավերագրական ֆիլմն ընտրել է՝ այն ներկայացնելու «Օսկար»-ի 97-րդ մրցանակաբաշխության «Լավագույն միջազգային ֆիլմ» անվանակարգում: Այս մասին հայտնում հոլիվուդյան Deadline պարբերականը։
📌 «Ֆիլմը պատմում է 11-ամյա Վրեժի մասին, որը երազում է ատամնաբույժ դառնալ Արցախում գտնվող իր գյուղում։ Երբ պատերազմը կրկին բռնկվում է, Վրեժն ընտանիքի հետ փախչում է, իսկ պատերազմի ավարտից հետո կրկին վերադառնում՝ բայց արդեն ավերված հայրենիք։ Վրեժին բաժին է հասնում նոր փորձություններ, նա ստիպված է լինում պատրաստվել նոր ռազմական գործողությունների, պայքարել ծանր տրավմաների դեմ», — գրում է պարբերականը: |azatutyun.am|

🎒 «Հարակից շենքի փոսորակում իրականացնող շինարարական աշխատանքները չեն կարող Հակոբ Օշականի անվան թիվ 172 դպրոցի շենքի կրող կոնստրուկտիվ տարրերում նոր ճաքեր առաջացնել»։
🗣 Այս մասին հայտնում են քաղաքապետարանից՝ հրապարակելով մասնագիտացված ընկերությունների, ՀՀ ՆԳՆ կողմից իրականացված ինժեներաերկրաբանական և սեյսմակայունության ուսումնասիրությունները։
📌 Հիշեցնենք, որ դպրոցում սեպտեմբերի 6-ին ցնցումներ էին արձանագրվել, ինչից հետո դասապրոցեսը ընդհատվել էր, և դասերն իրականացվում էին հեռավար։ Դպրոցը ցնցումների պատճառը պարզելու խնդրով դիմել էր Երևանի քաղաքապետարան և ՆԳՆ։ Դպրոցի տնօրենը ցնցումների պատճառ համարել էր հարակից իրականացվող շինարարությունը։
📌 Քաղաքապետարանից նշել են, որ դպրոցի բնականոն աշխատանքը սեպտեմբերի 27-ից կվերականգնվի։

«Էնքան փետեր էր բերել ջուրը, ոչ մի բան չէր թողել, լրիվ քշել-տարել էր»,- պատմում է Հայկուշը,- «թզի ծառ էլ ա վեր գցել, տխիլ, դեղձի ծառ, գիլասի ծառ, լրիվ քշել, ահագին ծաղկած մալինա կար, ոչ մի բան չէր թողել»։ «Բայց չհուսահատվեցինք»,- նորից շեշտում է Հովիկը,- «ընտիր սարքեցինք»։
Ալավերդին՝ ջրհեղեղից 4 ամիս անց

🛍 «Ռոսիա մոլում» ռումբի մասին ահազանգ է ստացվել, ստուգվել է, պարզվել է, որ այն կեղծ է․ ՀՀ ՆԳՆ
📌 Ավելի վաղ լրատվամիջոցները հայտնել էին, որ «Ռոսիա մոլի», «Ռոսիա տոնավաճառի» աշխատակիցներին և այցելուներին տարհանել են։ |news.am|

💵 Հայաստանի պաշտպանական ծախսերը կաճեն մոտ 20 տոկոսով։
🗣 Կառավարության այսօրվա նիստում հաստատեց 2025 թվականի պետական բյուջեի նախագիծը՝ ուղարկելով այն խորհրդարան։
📊 Եթե այս տարի ռազմական բյուջեն 555 մլրդ դրամ էր, 2025-ին այն կկազմի ավելի քան 664 միլիարդ դրամ։ Ընդհանուր առմամբ պաշտպանական բյուջեն աճել է 110, 460 մլրդ դրամով։
📌 Պաշտպանական գերատեսչությունն այս բյուջեն օգտագործելու է հինգ ուղղություններով: |civilnet.am|

🌡 Օդի ջերմաստիճան սեպտեմբերի 26-ի ցերեկը, 27-30-ին աստիճանաբար կնվազի 2-4, Լոռիում, Տավուշում և Սյունիքում՝ 6-8 աստիճանով։
☔️ Հանրապետության տարածքում սեպտեմբերի 26-ի ցերեկը, 27-28-ին՝ ժամանակ առ ժամանակ, առանձին շրջաններում սպասվում է անձրև, հնարավոր է նաև մառախուղ։ Սեպտեմբերի 29-30-ին, հոկտեմբերի 1-ին սպասվում է առանց տեղումների եղանակ։ Քամին՝ հյուսիսարևելյան, 3-5 մ/վ։
[«Հիդրոօդերևութաբանության և մոնիթորինգի կենտրոն» ՊՈԱԿ]

🚘 Այսօր, պայմանավորված Հաղթանակ կամրջի ճանապարհաշինական աշխատանքներով, Իսակովի պողոտայում և հարակից փողոցներում երթևեկությունը ծանրաբեռնվել է։
👮‍♂️ Պարեկային ծառայությունն իր գործառույթների շրջանակում անում է հնարավորը երթևեկությունը կարգավորելու և խցանումները վերացնելու ուղղությամբ։
[ՀՀ ՆԳՆ ոստիկանություն]

✅ Լեռնային Ղարաբաղից բռնի տեղահանված ուսանողները կշարունակեն աջակցություն ստանալ մինչև կրթական մակարդակում ուսման ավարտը. որոշումը կայացրեց ՀՀ կառավարությունը:
🔸 2024-2025 ուսումնական տարվա համար աջակցությունը կտրամադրվի նույն պայմաններով և նույն հիմունքներով, ինչ նախորդ տարի (100%՝ 65% ՄՈԳ-ի դեպքում), իսկ հետագա ուստարիների համար մինչ տվյալ կրթական մակարդակում ուսման ավարտը անհրաժեշտ կլինի բավարարել ՄՈԳ-ի 75% շեմը:
🔸 Ուսման վարձի փոխհատուցում կստանան նաև այս տարի պետական բուհեր ընդունված ԼՂ ուսանողները:

✅ Կառավարությունը հաստատեց Արմեն Գրիգորյանի թեկնածությունը Հայաստանի պետական տնտեսագիտական համալսարանի ռեկտորի պաշտոնում։