Category: Infocom

❗️ՀՀ ՊՆ խոսնակը պատասխանել է, թե ինչ էր ակնարկում ԶՈւ ԳՇ պետի տեղակալը, երբ ասել է, որ ԶՈւ-ն ունի ՀՀ տարածքային ամբողջականությունը վերականգնելու հրաման և պարտավոր է կատարել վերադասի հրամանը․
🗣 «Որևէ ակնարկ կամ թաքնված ենթատեքստ փնտրել պետք չէ։ ԳՇ պետի տեղակալ Առաքել Մարտիկյանը խոսել է զինված ուժերի գլխավոր առաքելության՝ Հայաստանի սուվերեն տարածքի պաշտպանության մասին։ ՀՀ ինքնիշխան տարածքից ադրբեջանական ստորաբաժանումների դուրսբերման ուղղությամբ այս պահին գործի է դրված դիվանագիտական ողջ գործիքակազմը»: |armenpress.am|

❗️ Վերին Շորժայի դիրքերից մեկի բլրակում զոհերի մարմիններ կան, եւ ՊՆ-ն դեռ դուրս չի բերել դրանք: Մենք թողել ենք միայն այն դիրքերը, որտեղ մեր զինակից ընկերները զոհվել են: Այսօր մենք գիտենք որտեղ քանի մարմին ունենք: Հայրենիքի համար կյանք տված զինծառայողը պետք է զինվորին վայել հանձնվի հողին: Մեր փորձերը՝ դուրս բերել մեր ընկերների աճյունները, հակառակորդի կողմից հանդիպեցին ուժեղ կրակի ազդեցության։ [ՀՀ զինված ուժերի գլխավոր շտաբի պետի տեղակալ, գեներալ-մայոր Առաքել Մարտիկյան] |news.am|

⚖️ Նախատեսվում է Երևանում ձևավորել երկու նոր՝ քրեական և քաղաքացիական դատարաններ։
📌 Նախագծի մշակման անհրաժեշտությունը պայմանավորված է եղել առաջին հերթին Երևան քաղաքի առաջին ատյանի ընդհանուր իրավասության դատարանի գերծանրաբեռնվածությամբ, ինչն էականորեն խոչընդոտում է այս դատարանում աշխատանքների արդյունավետ կազմակերպումը: [ՀՀ Արդարադատության նախարարություն]

❗ Այսօր հայտնաբերվել է ադրբեջանական լայնածավալ ռազմական ագրեսիայի ժամանակ սեպտեմբերի 14-ից անհայտ կորած համարվող շարքային Սամվել Գրիգորիի Անթանյանը:
📌 Զինծառայողի առողջական վիճակը բավարար է: [ՀՀ ՊՆ խոսնակ]

Լ. Տեր-Պետրոսյանի հայտարարությունների, ՀՀԿ-ից դրանց արձագանքի, ստեղծված իրավիճակի վերաբերյալ Ֆրանսիայի ու ԱՄՆ-ի հայտարարությունների եւ այլնի մասին՝ #միվոյսով։

🇫🇷🇦🇲 Սահմանին իրավիճակը շարունակում է մնալ շատ վտանգավոր: Փարիզը համոզված է, որ ուժի կիրառումը չի կարող խնդրի լուծում դառնալ կողմերից ոչ մեկի համար, և որ երկխոսությունը պետք է անհապաղ վերսկսվի: Բոլոր հարցերը պետք է լուծվեն բացառապես բանակցությունների միջոցով:
Ես հանդարտության և բանակցությունների վերսկսման կոչ եմ անում։ ՀՀ վարչապետի հետ Փարիզում քննարկելու եմ հրադադարի ռեժիմի ամրապնդումը Հայաստանի ու Ադրբեջանի միջև իրավիճակի նոր սրումից խուսափելու համար:
Առաջիկա ժամերին զրույց կունենամ Ադրբեջանի նախագահ Իլհամ Ալիևի հետ։ [Ֆրանսիայի նախագահ Էմանուել Մակրոնը Փաշինյանի հետ բանակցություններից առաջ] |1lurer.am|

🇦🇲🦠 #Թարմացում 19.09 — 26.09.2022
Հաստատված դեպքերի ընդհանուր քանակը — 442 875 (+1431) (25.9%)
Առողջացածներ — 430 192 (+2133)
Փաստացի բուժվողներ — 2307
Ընդհանուր թեստեր — 3 210 961 (+5523)
Մահվան ելքեր — 8683 (+4)
Մահվան ելքեր այլ պատճառով — 1684 [ՀՀ ԱՆ]

🇦🇲🇮🇳 ՄԱԿ ԳԱ 77-րդ նստաշրջանի շրջանակներում Արարատ Միրզոյանը հանդիպել է Հնդկաստանի ԱԳ նախարար Սուբրամանյամ Ջայշանկարի հետ:
📌 Նախարար Միրզոյանը գործընկերոջն է ներկայացրել Ադրբեջանի կողմից ՀՀ ինքնիշխան տարածքի նկատմամբ սանձազերծված լայնածավալ ագրեսիայի հետևանքները։
📌 Միրզոյանն ընդգծել է միջազգային գործընկերների կողմից Ադրբեջանին ուղղված հասցեական հայտարարությունների անհրաժեշտությունը և նոր ագրեսիաները կանխելու նպատակով գործուն քայլերի իրականացումը։ Այս համատեքստում նա կարևորել է հատկապես ՄԱԿ Անվտանգության խորհրդի հրատապ հանդիպումների ընթացքում Հնդկաստանի բարձրաձայնած դիրքորոշումը։ [ՀՀ ԱԳՆ]

🇦🇿🇮🇷 Ադրբեջանի ԱԳՆ խոսնակն անդրադարձել է տարածաշրջանում սահմանների փոփոխության անընդունելիության վերաբերյալ իրանական կողմից հնչող հայտարարություններին։
🔸 «Անհասկանալի է, թե ով է Իրանի հնչեցրած այնպիսի հայտարարությունների հասցեատերը, ինչպիսին է «Տարածաշրջանում սահմանների փոփոխությունը մեր կարմիր գիծն է»։ Հայ-ադրբեջանական հարաբերությունների հարցը, այդ թվում՝ երկու պետությունների սահմանների հարցը, պետք է լուծվի առանց արտաքին միջամտության։
Ներկայացնել, որ Զանգեզուրի միջանցքը հատում է Իրանի և Հայաստանի սահմանը, իրականությունից հեռու է։ Ընդհակառակը, Զանգեզուրի միջանցքը կարևոր նախագիծ է, որն էլ ավելի է խորացնում մեր երկրների միջև կապերը և խոստանում տարածաշրջանային համագործակցության նոր հեռանկարներ»,- ասել է նա։
🔗 Կարդալ ավելին