Category: Infocom

🇦🇲 Յուրիկ Հովեյանը (63կգ) դարձավ ըմբշամարտի Մ20 ԵԱ բրոնզե մեդալակիր։

Այս անգամ հանդիպում ենք հուլիսի 8-ին. սպասվող Գիտարբուքը «Սևանա լճի էկոլոգիական վիճակը. ծաղկումներն ու ապագան» թեմայով է։
Ջրակենսաբան, կ․գ․թ․Գոռ Գևորգյանը կխոսի հետևյալ թեմաներով՝
— Սևանա լճի էկոլոգիան,
— ցիանոբակտերային ծաղկումները Սևանա լճում,
— Սևանա լճի էկոլոգիական վիճակի փոփոխության կանխատեսումները։
Երկուշաբթի՝ հուլիսի 8-ին՝ ժամը 20:00-ին, սպասում ենք ձեզ «NewTone Park»-ում: Մուտքն անվճար է, բայց նախապես ամրագրումով։

🇦🇲🇺🇸 Հուլիսի 2-5-ը Հայաստան կժամանի ԱՄՆ սենատոր Ռոջեր Ուիքերի գլխավորած պատվիրակությունը: Այս մասին կարգադրություն է ստորագրել ՀՀ ԱԺ նախագահ Ալեն Սիմոնյանը։
[ՀՀ Աժ]

🇷🇺🇦🇿🇹🇷 Վաղը ՌԴ նախագահ Վլադիմիր Պուտինն Աստանայում երկկողմ հանդիպումներ կունենա Իլհամ Ալիևի և Ռեջեփ Թայիփ Էրդողանի հետ։
📌«Հիմնականում երկկողմ բանակցությունները տեղի կունենան հուլիսի 3-ին, այսինքն՝ մինչև ՇՀԿ գագաթնաժողովի բացումը»,- ասել է ՌԴ նախագահի օգնական Յուրի Ուշակովը։ |tert.am|

🪖 2022 թ․ սեպտեմբերյան ագրեսիվ պատերազմի հետևանքով զոհված 2 հայ զինծառայողների մասունքներ նույնականացվել են․ զինծառայողների ինքնությունները պարզվել են։
❗️ 2022 թվականի սեպտեմբերյան ագրեսիայի հետևանքով գտնվելու վայրն անհայտ անձ այլևս չկա։
[ՀՀ քննչական կոմիտե]

🇹🇷 Թուրքիայում ցույցեր են սիրիացի փախստականների դեմ. Ստամբուլում, Կայսերիում, Ռեյհանլիում, Կոնիայում, Գազիանթեփում, Բուրսայում, Անթալիայում մարդիկ դուրս են եկել փողոցներ և վանկարկել․ «Չենք ուզում՝ փախստականներ լինեն մեր երկրում»։ Անկարգությունները սկսվել են նրանից, որ Կայսերիում սիրիացի փախստականը 5 տարեկան երեխայի է բռնաբարել:
📌 Անկարգությունների մասնակիցներն այրել են սիրիացիներին պատկանող մթերային խանութը, մի խումբ թուրքեր հավաքվել են Սիրիայի հետ սահմանին գտնվող «Օնչուպինար» անցակետի դիմաց, Անթալիայում թուրքերը դուրս են եկել փողոց, ծեծի են ենթարկել սիրիացիներին և ջարդուփշուր արել նրանց օբյեկտները:
💬 Էրդողանը դատապարտել է սիրիացիների վրա հարձակումները. «Ոչինչի հնարավոր չէ հասնել հասարակության մեջ միգրանտների նկատմամբ այլատյացություն և ատելություն հրահրելով: Երեկ Կայսերիում փոքր խմբի կողմից իրականացված դժբախտ դեպքերի պատճառներից մեկը ընդդիմության թունավոր հռետորաբանությունն է»։ |tert.am|

❗️ Նախատեսվում է Գագիկ Ծառուկյանի աղջկանից և փեսայից հօգուտ Հայաստանի բռնագանձել ավելի քան 1 մլրդ 286 մլն դրամ, 264 հազար ԱՄՆ դոլարի պահանջի իրավունք, 2 անշարժ գույք, բաժնեմասեր:
👨‍⚖️ Համապատասխան վճիռը կայացրել է Հակակոռուպցիոն դատարանը։
🔗 Կարդալ ավելին

🇦🇲🇦🇿🇺🇸 Հայաստանի և Ադրբեջանի միջև խաղաղ պայմանավորվածությունների ձեռքբերման բացառիկ հնարավորություն կա։
❗️Երկրների միջև խաղաղ պայմանավորվածություններն իրագործելու բացառիկ հնարավորություն կա, ինչը կդադարեցնի տասնյակ տարիներ շարունակվող հակամարտությունը, և, կարծում եմ, տարածաշրջանում հսկայական հնարավորություններ կստեղծի տնտեսական կապերի, տնտեսական աճի, Արևելքի և Արևմուտքի, հարավի և հյուսիսի երկրների միջև կապերի հաստատման տեսանկյունից: Ադրբեջանը պետք է վճռորոշ դեր խաղա դրանում:
📌 Մենք ակտիվորեն հետամուտ ենք եղել դիվանագիտական ճանապարհով՝ փորձելով Ադրբեջանին և Հայաստանին մոտեցնել խաղաղության համաձայնագրերին։ [ԱՄՆ պետքարտուղար Էնթոնի Բլինկեն] |tert.am|

❗️ՀՀ ԱԳ նախարար Արարատ Միրզոյանը հանդիպում է ունեցել Սևծովյան տնտեսական համագործակցության կազմակերպության գլխավոր քարտուղար Լազար Կոմենսկուի հետ:
 
🤝Զրուցակիցները քննարկել են ՍԾՏՀԿ հետ ՀՀ համագործակցությանը, կազմակերպությունում ՀՀ նախագահության առաջնահերթությունները, ինչպես նաև տարածաշրջանային տնտեսական համագործակցությանն առնչվող հարցեր:
[ՀՀ ԱԳՆ]