Category: Infocom

⛈ Երևանում մարտի 29-31-ին, ապրիլի 2-ի երեկոյան ժամանակ առ ժամանակ սպասվում է անձրև։ Ապրիլի 1-ին, 2-ի գիշերը սպասվում է առանց տեղումների եղանակ։
🌧 Հանրապետության տարածքում մարտի 29-31-ին, ապրիլի 2-ի ցերեկը ժամանակ առ ժամնակ շրջանների զգալի մասում սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով։
🔸 Ապրիլի 1-ին, 2-ի գիշերը սպասվում է առանց տեղումների եղանակ։
[Հիդրոօդերևութաբանության և մոնիթորինգի կենտրոն]

🇮🇷 Իրանի մի շարք պետական մարմիններ, այդ թվում՝ խորհրդարանը, հրատապ կերպով քննարկում են Միջուկային զենքի չտարածման պայմանագրից (ՄԶՉՊ) դուրս գալու հարցը։
☣️ Tasnim գործակալությունը հաղորդում է, որ Իրանում վերջնականապես ամրապնդվում է այն տեսակետը, որ ՄԶՉՊ-ում մնալու համար որևէ հիմնավորում չկա։
❗️«Միջուկային զենքի չտարածման պայմանագրից դուրս գալը չի նշանակում շարժվել դեպի միջուկային զենք, այլ նպատակ ունի կանխել ԱՄՆ-ի և իսրայելական ռեժիմի կողմից լրտեսության շարունակումը՝ ԱԷՄԳ տեսուչների անվան տակ»,- նշում է գործակալությունը։

⚖️ 2025թ․ հոկտեմբերի 20-ին Գյումրու համայնքապետարանի շենքում և հարակից հրապարակում տեղի ունեցած զանգվածային անկարգությունների գործով հանրային քրեական հետապնդումներ են հարուցվել համայնքապետարանի աշխատակիցների նկատմամբ՝ նախնական համաձայնությամբ իրենց իշխանական և ծառայողական լիազորություններն անցնելու համար:
📌 Դատախազը հանրային քրեական հետապնդումներ է հարուցել նաև Գյումրու համայնքապետարանի ենթակայության տակ գտնվող մանկապարտեզների ութ տնօրենների նկատմամբ:
[ՀՀ գլխավոր դատախազություն]

🇦🇲🇶🇦 ՀՀ ԱԳ նախարար Արարատ Միրզոյանը հեռախոսազրույց է ունեցել Կատարի Պետության վարչապետ և ԱԳ նախարար Շեյխ Մուհամմադ բին Աբդ Ալ-Ռահման Ալ Թանիի հետ։
🔸 Զրուցակիցները մտքեր են փոխանակել Մերձավոր Արևելքում ստեղծված իրավիճակի շուրջ: Նախարար Միրզոյանը մտահոգություն է հայտնել իրավիճակի սրման և զարգացումների հետևանքով գրանցված զոհերի կապակցությամբ:
📌 Ընդգծվել է տարածաշրջանային կայունության և խաղաղության կարևորությունը և այդ ուղղությամբ ջանքերին ՀՀ սկզբունքային աջակցությունը:
[ՀՀ ԱԳՆ]

🇮🇷 Իրանի արևմտյան Բորուջերդ քաղաքի բնակելի թաղամասերի վրա ԱՄՆ-ի և Իսրայելի կողմից իրականացված հարձակման հետևանքով զոհերի թիվը հասել է 8-ի։ Այս մասին հայտնում է իրանական Mehr գործակալությունը։
📢 «Այս հարձակման ժամանակ բոլոր զոհվածները խաղաղ բնակիչներ էին։ Զոհերի թիվն աճում է նաև այլ քաղաքներում»,- գրել էր լրատվամիջոցը։ |armenpress.am|

🇮🇷🇦🇲 ՀՀ ԱԳ նախարար Արարատ Միրզոյանը հեռախոսազրույց է ունեցել Իրանի ԱԳ նախարար Սեյեդ Աբբաս Արաղչիի հետ:
📞 Զրուցակիցները մտքեր են փոխանակել Մերձավոր Արևելքում վերջին զարգացումների և իրավիճակի հանգուցալուծման հասնելու հնարավորությունների շուրջ:
📌 Նախարարներն անդրադարձ են կատարել հումանիտար բնույթի և բազմակողմ հարթակներում առկա հարցերի։
[ՀՀ ԱԳՆ]

🔶 Մարտի 28-ին, ժամը 14:26-ին գրացվել է երկրաշարժ Մարտունի քաղաքից 15 կմ հարավ-արևելք, օջախի 10 կմ խորությամբ 2.5 մագնիտուդով։
📈 Էպիկենտրոնային գոտում ստորգետնյա ցնցման ուժգնությունը կազմել է 3 բալ:
📍 Երկրաշարժը զգացվել է Գեղարքունիքի մարզի Մադինա գյուղում՝ 2-3 բալ ուժգնությամբ:
[ՆԳՆ փրկարար ծառայություն]

🇮🇷🇺🇸 Մենք կարծում ենք, որ այս շաբաթ իրանցիների հետ հանդիպում տեղի կունենա։ Այս մասին հայտարարել է ԱՄՆ նախագահի հատուկ բանագնաց Սթիվ Ուիթքոֆը։
🗣 «Սեղանին 15 կետից բաղկացած համաձայնագիր կա, որը որոշ ժամանակ առաջ ներկայացվել է իրանցիներին։ Մենք սպասում ենք նրանց արձագանքին, և դա կլուծի բոլոր հարցերը»,- հայտարարել է նա։ |news.am|

🇦🇲🗳 Նարեկ Կարապետյանը հայտարարել է, որ ընտրություններին «Ուժեղ Հայաստանը» ներկայանալու է դաշինքով։
📢 «Ուժեղ Հայաստանը» դռները բացում է բոլոր նոր ուժերի առաջ, որոնք ցանկանում են միավորվել և փոխել Հայաստանի ընթացքը։ Մենք կստեղծենք դաշինք՝ «Ուժեղ Հայաստան Սամվել Կարապետյանի հետ»,- հայտարարել է Նարեկ Կարապետյանը։