Category: Infocom

🇨🇿 Չեխիայում հրապարակվել են հոկտեմբերի 4-ին տեղի ունեցած խորհրդարանական ընտրությունների արդյունքները։

📌 Միլիարդատեր Անդրեյ Բաբիշիի ANO քաղաքական շարժումը հաղթել է 2025 թվականի Չեխիայի խորհրդարանական ընտրություններում։ 
🔸 Ընտրություններին մասնակցել է չեխ ընտրողների 68.95%-ը, ANO-ն ստացել է ձայների 34.51%-ը (80 մանդատ)։ |armenpress.am|

❗️Լոռու մարզի Տաշիր քաղաքում հոկտեմբերի 4-ին դանակահարման հետևանքով մահացել է 18-ամյա Տիգրան Դ․-ն։
📌 Դեպքի առթիվ Քննչական կոմիտեն հարուցել է քրեական վարույթ՝ ՀՀ քրեական օրենսգրքի սպանության հոդվածով։ Մեկ անձ ձերբակալվել է, հայտնել է Քննչական կոմիտեի մամուլի խոսնակ Կիմա Ավդալյանը։
🔸 Տեղեկությունը հոկտեմբերի 4-ին հայտնել էր «Նորություններ Արցախից» ֆեյսբուքյան էջը։ Ըստ էջի՝ ժամը 16։00-ի սահմաններում Տաշիրի ոստիկանության բաժին օպերատիվ տեղեկություն է ստացվել, որ դանակահարված երիտասարդը քաղաքացիական ավտոմեքենայով տեղափոխվել է Տաշիր բժշկական կենտրոն։ Վիրավորը, ցավոք, գիտակցության չգալով, մահացել է։
📌 Ինչպես հայտնում է ՍիվիլՆեթը, Տիգրանի նախկին դասախոս Աշոտ Ավանեսյանը պատմել է, որ երիտասարդը Խնուշինակ համայնքից էր և տեղափոխվելուց հետո ընտանիքով բնակվում էր Սարչապետում, սակայն դանակահարությունը, իր տեղեկություններով, տեղի է ունեցել հարևան Տաշիր քաղաքում։ |civilnet.am|

❗️Վերջին օրերին տեղեկություն էր տարածվում, թե «Վրաստան-Թուրքիա սահմանային անցակետում մի քանի տասնյակ հազարի հասնող կեղծ անձնագրեր և փաստաթղթեր են հայտնաբերվել, որոնք պետք է օգտագործվեին ընտրություններում»։ 
📌 Ինչպես հայտնում է «Արմենպրեսը», ՆԳ նախարարի մամուլի քարտուղար Նարեկ Սարգսյանը հերքել է տարածված տեղեկությունը․
🗣 «Մշտապես կապի մեջ ենք Վրաստանի իրավապահ գործընկերների հետ, որևէ նման դեպք չի արձանագրվել։ Լուրը բացահայտ ապատեղեկատվություն է և իրականության հետ որևէ աղերս չունի», — ասել է մամուլի քարտուղարը։

🇬🇪❗️Վրաստանում գիշերը թեժ է անցել։ ՆԳՆ-ից հայտնել են, որ ձերբակալել են ընդդիմադիր 5 գործիչների։Նրանք կարող են մինչև ինը տարվա ազատազրկման ենթարկվել։
📌 Ձերբակալվածները մեղադրվում են պետական իշխանության բռնի տապալման կոչերի, սահմանադրական կարգը բռնի ճանապարհով փոխելու փորձի, ինչպես նաև խմբային բռնություն կազմակերպելու և ղեկավարելու մեջ։
🏥 Բախումները նախագահական պալատի և հարակից Օրբելիանի հրապարակում շարունակվել են մինչև ուշ գիշեր, մինչդեռ Թբիլիսիի Ռուսթավելի պողոտայում գտնվող ցուցարարներ շարունակել են խաղաղ ցույցը։ Վրաստանի առողջապահության նախարարության տվյալներով՝ հիվանդանոց է տեղափոխվել վեց ցուցարար և 21 ոստիկան, որոնցից մեկը ծանր վիճակում է։
📹 Տեսանյութում՝ ոստիկանությունը ձերբակալում է Ռուսթավելի պողոտայում մնացած ցուցարարներին, այդ թվում՝ ցույցի կազմակերպիչներ Իրակլի Նադիրաձեին և Մուրթազ Զոդելավային/ TV Pirveli:

🇬🇪 Վրաստանում ՏԻՄ ընտրություններն ավարտվել են։ Ընտրատեղամասերը փակվել են ժամը 20:00-ին։ Վրաստանի ԿԸՀ-ից հայտնում են, որ ժամը 17:00-ի դրությամբ ընտրատեղամաս է ժամանել ընտրողների ընդհանուր թվի 33.5 %-ը։
🗳️ Պրո-իշխանական «Իմեդի» հեռուստաընկերությունը հրապարակել է նաև «Գորբի» ընտրական հանձնաժողովի էքզիթ-փոլերը, ըստ որի իշխող «Վրացական երազանք» կուսացկության Թբիլիսիի քաղաքապետի թեկնածուն՝ Կախա Կալաձեն հավաքել է ձայների 77․4%-ը։
📌 Զուգահեռ՝ Թբիլիսի Աթոնելիի փողոցում տեղակայված նախագահական պալատի բակում բախումները քաղաքացիների ու հատուկջոկատայինների միջև շարունակվում են։ Կան վիրավորներ, ինչպես նաև բերման ենթարկվածներ:

⚖️ Կաշառք ստանալուն օժանդակեելու մեղադրանքով կալանավորվել է փաստաբան։ Տեղեկությունը infocom.am-ին հարցմանն ի պատասխան հաստատեցին Հակակոռուպցիոն կոմիտեից։
🗣 Կառույցից հայտնում են, որ իրենց մոտ քննվող քրեական վարույթի շրջանակում ձերբակալվածը՝ ՀՀ փաստաբանների պալատի անդամ է, որը կալանավորվել է դատական իշխանության ներկայացուցչի կողմից ապօրինի գործողության դիմաց կաշառք ստանալուն օժանդակելու մեղադրանքով։
📌 Նախաքննության շահերից ելնելով՝ կառույցից այլ մանրամասներ չեն հայտնում։

🇯🇵 Ճապոնիայի իշխող ուժի՝ Լիբերալ-դեմոկրատական կուսակցության նորընտիր առաջնորդ Սանաե Տակաիչին, ակնկալվում է, կդառնա երկրի առաջին կին վարչապետը։
📌 64-ամյա քաղաքական գործիչը, որը նախկինում եղել է երկրի ներքին գործերի նախարարը, շաբաթ օրը հաղթանակ տարավ կուսակցության ղեկավարի ընտրություններում։ Նա ներկայացնում է իշխող ուժի պահպանողական թևը, համարվում է կոշտ գծի հետևորդ: Ներկուսակցական մրցապայքարի ընթացքում նրա հիմնական խոստումները կենտրոնացած էին ազգային պաշտպանության, տնտեսական անվտանգության վրա։
🔸 Խորհրդարանի կողմից նրա թեկնածությունը հաստատվելու դեպքում Տակաիչին կդառնա Ճապոնիայի հինգերորդ առաջնորդը վերջին երկու տարիների ընթացքում։|azatutyun.am|

🇬🇪 Այսօր՝ հոկտեմբերի 4-ին, Վրաստանում անցկացվում են տեղական ինքնակառավարման մարմինների ընտրություններ` ընդդիմադիր կուսակցությունների բոյկոտի ֆոնին։ Ընդդիմադիր ութ կուսակցություն հրաժարվել են մասնակցել ընտրություններին՝ մեղադրելով իշխող «Վրացական երազանք» կուսակցությանը ժողովրդավարությունը խաթարելու և երկիրը Ռուսաստանին մոտեցնելու մեջ։
🪧 Միևնույն ժամանակ, ժամը 16:00-ին Վրաստանի մայրաքաղաք Թբիլիսիի խորհրդարանի մոտ նախատեսված է զանգվածային հանրահավաք՝ «խաղաղ ճանապարհով իշխանափոխության» նպատակով։
📌 ՏԻՄ ընտրությունները տեղի են ունենում խորհրդարանական ընտրություններից մոտ մեկ տարի անց և ընդամենը 10 ամիս անց այն չդադարող բողոքի ցույցերի ֆոնին, որոնք սկսվել էին «Վրացական երազանք» կուսակցության դեմ՝ ԵՄ ինտեգրացիոն գործընթացը դադարեցնելու որոշումից հետո։