Category: Infocom

🚙🪪 ՀՀ-ում վարորդական իրավունքի տեսական քննության դրական արդյունքները 1 տարվա փոխարեն կպահպանվեն 2 տարի, որ քաղաքացիները կարողանան նաև գործնական քննությունը հանձնել։
📅 Այս մասին Կառավարության նիստի ընթացքում ասաց ՆԳ նախարար Արփինե Սարգսյանը՝ տեղեկացնելով՝ նախատեսվում է, որ կարգավորումներն ուժի մեջ կմտնեն այս տարվա սեպտեմբերի 1-ից։
📣 Նախարարը տեղեկացրեց, որ կփոխվեն նաև տեսական քննության հարցաշարերը, քանի որ, օրինակ, շատ են բողոքներն այն մասին, որ թեթև մարդատար մեքենաների վարելու համար նախատեսված հարցաշարերում ներառված են ավտոբուսների վարման հետ կապված հարցեր։ Այժմ հարցաշարերը կդառնան կոնկրետ կարգին ու ենթակարգին բնորոշ։
🗣 Սարգսյանը հիշեցրեց, որ վարորդական իրավունքից զրկված քաղաքացիները այս տարվա հուլիսի 6-ից կարող են վճարել 50 հազար դրամ պետական տուրք և վերականգնել իրենց վարորդական իրավունքը՝ առանց քննությունների։|arm.sputniknews.ru|

⚖️ Պետական գաղտնիք հրապարակելու կասկածանքով ձերբակալվել են զորամասի հրամանատար գնդապետ Էդիկ Մալոյանն ու զորամասի գաղտնիության ռեժիմի գծով սպա։
📣 «Է.Մ.-ն, չունենալով պետական գաղտնիք պարունակող համապատասխան տեղեկությանը ծանոթանալու իրավունք, զորամասի գաղտնիության ռեժիմի գծով սպա, պետական գաղտնիք պարունակող տեղեկությանը ծանոթանալու իրավունք ունեցող Ռ.Ջ.-ին դրդել է հրապարակել պետական գաղտնիք պարունակող տեղեկություն, այնուհետև՝ հրապարակել է իր կողմից ապօրինի եղանակով ձեռք բերված՝ հիշյալ պետական գաղտնիք պարունակող տեղեկությունը։
📌 Հարուցվել են հանրային քրեական հետապնդումներ։ Նրանց նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան», — հայտնում են Քննչական կոմիտեից:

78 բացակայություն 83 նիստից. համայնքային ավագանիների բացակայության պատկերը
📌«Ինֆոքոմը» ուսումնասիրել է Հայաստանի համայնքներում ավագանու անդամների մասնակցությունը՝ սկսած համայնքի գործող ավագանու գումարման ժամկետից մինչև 2026 թվականի մարտ:
🔍Առանձնացրել ենք առավել հաճախ բացակայող ավագանու անդամներին, ավագանու անդամների մասնակցության ցածր ցուցանիշ ունեցող համայնքները և խմբակցությունները։
🔗Մանրամասները՝ մեր հոդվածում

📌 Ավարտվել է Եվրոպական հանձնաժողովի նախագահ Ուրսուլա ֆոն դեր Լայենի այցը Հայաստան։
📹 Տեսանյութը՝ Նիկոլ Փաշինյանի էջից

💬 Ալեն Սիմոնյանը «անհեթեթություն» անվանեց լուրը, թե իրեն առաջարկվել է ՀՀ նախագահի պաշտոնը:
🗣 «Դա անհեթեթություն է։ Երբևիցե որևէ մեկի հետ նման խոսակցություն չեմ ունեցել։ ՀՀ-ն ունի մեկ նախագահ։ Որպես քաղաքացի իմ կողմից ամենասիրված, հարգված նախագահն է, նման խոսակցությունն ուղղակի անհեթեթություն է։ Որևէ պաշտոնյայի հետ երբևէ նման բան չի քննարկվել, չեմ լսել, չեմ խոսել»,- ճեպազրույցի ժամանակ ասաց Սիմոնյանը՝ խնդրելով դադարեցնել այդ խոսակցությունները՝ դրանք ոչ կոռեկտ անվանելով։

💰🇦🇲 Եվրոպական հանձնաժողովի նախագահը Երևանում հայտարարել է Հայաստանին տրամադրվող լայնածավալ ֆինանսական և տնտեսական աջակցության մասին։
🔸 «Ես հայտարարեցի նոր՝ 200 միլիոն եվրոյի «Գլոբալ դարպասներ» փաթեթի մասին՝ փոխկապակցվածության միջոցով խաղաղություն հաստատելուն նվիրված։ Մեր ֆինանսական գործընկերների հետ մենք պատրաստ ենք զորագրել ընդհուպ 2 միլիարդ եվրո՝ ռազմավարական տրանսպորտային, էներգետիկ կապուղիների և թվանշային պրոյեկտների համար ամբողջ Հարավային Կովկասում։ Ես հայտարարեցի նաև 20 միլիոն եվրոյի՝ խաղաղությանն ուղղված ծրագրի մասին, որը նպատակ ունի օգնել այն համայնքներին, որոնք սահմանամերձ են»,- նշել է Ուրսուլա ֆոն դեր Լայենը :
📌 Նա նաև հայտարարել է Հայաստանին լրացուցիչ 18 միլիոն եվրոյի հատկացման մասին, որը նպատակ ունի ամրապնդել երկրի առևտրային կարողությունները և դիվերսիֆիկացնել արտահանման շուկաները։ Այս ֆինանսավորումը հուլիսին քննարկված 52 միլիոն եվրո արժողությամբ օգնության փաթեթի եզրափակիչ մասն է։ |1lurer.am|

‼️ ՔՊ-ն փոխել է ընտրելու իրավունքն իրացնելու համար ՀՀ-ում փաստացի բնակվելու ժամկետի իր առաջարկը:
🔸 Մասնավորապես՝ առաջարկվում է սահմանել, որ ԱԺ ընտրություններին և հանրաքվեներին ընտրելու իրավունք ունենան այն քաղաքացիները, որոնք քվեարկության օրվան նախորդող 48-րդ օրվա դրությամբ, իսկ արտահերթ ընտրության դեպքում՝ նախորդող 28-րդ օրվա դրությամբ դրան նախորդող 2 տարվա ընթացքում ՀՀ-ում փաստացի գտնվել են 1 տարուց ավելի:

‼️ Ընտրելու իրավունք իրացնելու համար բնակության ցենզ սահմանող և մի շարք այլ նախագծեր կքննարկվեն 24-ժամյա ռեժիմով. մեկնարկել է ԱԺ արտահերթ նիստը:
🗣 Ընդդիմությունը մեկնաբանեց, որ ընտրելու համար բնակության ցենզ սահմանող նախագիծը չի անցել համապատասխան հանրային քննարկում, ինչի հետ Արփինե Սարգսյանը չհամաձայնեց՝ նշելով, որ դրա վերաբերյալ բովանդակային քննարկումներն ավելի շուտ էին սկսել: Ընդդիմադիր պատգամավորները մեղադրեցին իշխանությանը նման «կարևորագույն» նախագիծը հրատապ ընթացակարգով ընդունելու որոշման համար:
💬 Իսկ ԱԺ ՔՊ խմբակցության պատգամավոր Ծովինար Վարդանյանը մեղադրեց ընդդիմությանը հանրությանը չլսելու համար՝ նշելով. «Որ հանրությանը լսեք, չեք ասի՝ որտեղ է էդ հանրային պահանջը: […] Ես կարծում եմ՝ նախագիծը իսկապես հանրային պահանջ է ունեցել»:
📌 Նշենք, որ քննարկվող նախագծով առաջարկվում է համապետական ընտրություններին և հանրաքվեներին քվեարկելու իրավունք վերապահել 1 տարվա ընթացքում 6 ամիս ՀՀ-ում բնակված քաղաքացիներին՝ բացառությամբ այն դեպքերի, երբ բացակայությունը պայմանավորված է եղել ՀՀ հանրային ծառայության մեջ գտնվող անձի ծառայողական նպատակներով արտերկրում գտնվելու կամ արտերկրի բուհերում ուսումնառության հանգամանքներով:

🇦🇲🛬 Եվրոպական հանձնաժողովի նախագահ Ուրսուլա ֆոն դեր Լայենը աշխատանքային այցով ժամանեց Երևան:
🔸 «Զվարթնոց» օդանավակայանում նրան դիմավորել է ՀՀ փոխվարչապետ Մհեր Գրիգորյանը: |armenpress.am|