Category: Infocom

📣 «44-օրյա պատերազմի հանգամանքներն ուսումնասիրող քննիչ հանձնաժողովի զեկույցը լիագումար նիստ մտցնելու իրավական հիմքեր չկան». Ալեն Սիմոնյան
📌 Այս մասին այսօր լրագրողներին ասաց ԱԺ նախագահն ասել է՝ հղում անելով ԱԺ կանոնակարգին:
🗞️ Մամուլը գրել էր, որ Սիմոնյանը հրաժարվում է ԱԺ նստաշրջանում ընդգրկել Պաշտպանության հանձնաժողովի նախագահ Անդրանիկ Քոչարյանի ուղարկած զեկույցը՝ 44-օրյա պատերազմի հանգամանքների մասին:
❓ Լրագրողների հարցին, թե Քոչարյանը տեղյա՞կ չէ կանոնակարգի մասին, Սիմոնյանը պատասխանեց. «Գիտի, մեկնաբանության խնդիր է: Ինքն այլ կերպ է փորձում մեկնաբանել: Կա կոնանակարգ-օրենք, որի մեկնաբանության հարցն իրականացնում է Պետաիրավական հանձնաժողովը»:
🗣️ Սիմոնյանը հավելել է, որ զեկույցը հրապարակվելու է, չի կարող հակառակը լինել, սակայն հայտնի չէ, թե ինչ ֆորմատով: |azatutyun.am|

🗳 «Նժար» սահմանադրական շարժումը վարչապետի թեկնածու է առաջադրել Նինա Կարապետյանցին։
🗣 Այս մասին այսօր հրավիրված ասուլիսին հայտարարեցին շարժման համահիմնադիրներ Նինա Կարապետյանցը, Արտաշես Իկոնոմովը և Գարեգին Միսկարյանը։
🔸 Շարժման ներկայացուցիչները նշեցին, որ ամենաուշը 1.5-2 ամսվա ընթացքում պատրաստվում են և կառավարության կազմը, և ծրագիրը ներկայացնել հանրությանը։
📌 Հիշեցնենք, որ «Նժար» սահմանադրական շարժման ներկայացուցիչները դրա հիմնման մասին հայտարարել էին այս տարվա օգոստոսի 19-ին։

🛍 Գնունու շուկայի տաղավարներն ապամոնտաժվում են։
🗣 Երևանի քաղաքապետարանի քաղաքաշինության, հողի վերահսկողության վարչության պետ Ռուբեն Խոջոյանի խոսքով՝ շուրջ 3-4 ամիս է՝ բանակցություններ են գնում տնտեսվարողների հետ, նրանք իրազեկվել են նախատեսվող աշխատանքների մասին։
📌 «Բավարարվել է տնտեսվարողների խնդրանքը, որ հնարավորություն ու ժամանակ ունենան մինչեւ սեպտեմբերի 30-ը՝ տեղափոխելու ապրանքները, ազատելու կրպակներն ու տաղավարները։ Չկա այս պահին որևէ կրպակ, որն ապամոնտաժվում է, ու գույք կա ներսում․ տնտեսվարողները գույքն ամբողջությամբ տեղափոխել են»։
📌 Նրա խոսքով՝ կրպակները խանգարում էին և երևեկությանը, և հետիոտններին։

📣 «Ինֆոքոմը» փնտրում է լսարանի զարգացման և սոցիալական մեդիայի մասնագետի` մշակելու լսարանի ընդլայնման ռազմավարություն, ստեղծվող մեդիա բովանդակությունը համապատասխանեցնելու սոցիալական մեդիա հարթակների ձևաչափերին, առաջխաղացնելու լրատվամիջոցի սոցիալական մեդիայի էջերը։
🔎 Մանրամասները՝ այստեղ
🕐 Դիմելու վերջնաժամկետը՝ հոկտեմբերի 12, 2025թ․

🇦🇲🇹🇷Հայաստանի հետ հարաբերությունների կարգավորման հարցում վերահաստատում ենք մեր ջանքերը: Այս մասին հայտարարություն է տարածել Թուրքիայի ազգային անվտանգության խորհուրդը:
📌«Ընդգծում ենք Ադրբեջանի և Նախիջևանի միջև տրանսպորտային միջանցքի կարևորությունը, որը կծառայի տարածաշրջանի բոլոր երկրների շահերին»,-ասված է հայտարարության մեջ: |tert.am|

❗️Պայթուն կարի արտադրամասում. 4 քաղաքացի հոսպիտալացվել է։
📌 Սեպտեմբերի 30-ին, ժամը 16։12-ին Երևան քաղաքի Այասի փողոցում գտնվող կարի արտադրամասում տեղի է ունեցել պայթյուն:
🏥 Ըստ նախնական տվյալների՝ 4 քաղաքացի հոսպիտալացվել է։
[ՆԳՆ փրկարար ծառայություն]

🇦🇲🇹🇷 Սերբիայի մայրաքաղաք Բելգրադում անցկացվող RISE 2025 համաժողովի շրջանակում Աշխատանքի և սոցիալական հարցերի նախարար Արսեն Թորոսյանն այսօր հանդիպում է ունեցել Թուրքիայի ընտանիքի և սոցիալական ծառայությունների նախարար Մահինուր Օզդեմիր Գյոքթաշի հետ։
🔸 Կողմերը խոսել են երկու երկրների ոլորտային առաջնահերթությունների ու այդ ուղղություններով իրականացվող աշխատանքների մասին։ Այս համատեքստում երկուստեք շեշտվել է սոցիալական ծառայությունների շրջանակի ընդլայնման ու որակի բարելավման կարևորությունը։
📌 Կողմերն անդրադարձել են նաև Հայաստան-Թուրքիա հարաբերությունների կարգավորման գործընթացին՝ հույս հայտնելով, որ ոլորտային համագործակցությունը ևս կնպաստի դրան։
[ՀՀ աշխատանքի և սոցիալական հարցերի նախարարություն]