Category: Infocom

CTRL Z` Արման Բաբաջանյանի հետ | Episode 2
Ctrl Z-ի երկրորդ թողարկման հյուրն է Արման Բաբաջանյանը, որի հետ Ինֆոքոմի Z սերնդի լրագրողները զրուցում են քաղաքական գործիչների նկատմամբ երիտասարդների անվստահության, չծառայելու պատճառների, թերթը փակելու պահանջների, Հոկտեմբերի 27-ի, Նաիրի Հունանյանի հետ զրույցի, սպանության սպառնալիքի և Սերժ Սարգսյանի կողմից անվտանգության տրամադրման, Մարտի 1-ի, իշխանությունների արբանյակ կուսակցություն լինելու մեղադրանքների, Միքայել Մինասյանի հետ հարաբերությունների, TRIPP-ի, իշխանություն-Վեհարան դիմակայության և այլ թեմաներով։

🇦🇿🇮🇷 Ադրբեջանի և Իրանի նախագահները երեկ հեռախոսազրույց են ունեցել։
📌 Ըստ ադրբեջանական կողմի հաղորդագրության՝ Ալիևը «վերահաստատել է, որ Ադրբեջանի և Իրանի հարաբերությունները հիմնված են բարեկամության, եղբայրության և բարիդրացիության սկզբունքների վրա».
🗣 «Մեր ժողովուրդներն ունեն պատմական, էթնիկ և կրոնական կապեր։ Ադրբեջանի նախագահը պատրաստակամություն է հայտնել նպաստել տարածաշրջանում լարվածության կարգավորմանը և ընդգծել, որ Բաքուն աջակցում է նման հարցերի լուծմանը բանակցությունների և փոխըմբռնման միջոցով»,- ասված է հաղորդագրության մեջ։ |azatutyun.am|

⚽️ Ֆուտզալի Հայաստանի ազգային հավաքականը 0:3 հաշվով զիջեց Խորվաթիայի ընտրանուն: [ՀՖՖ]

📌 Գուգարաց թեմի առաջնորդ Հովնան եպիսկոպոս Հակոբյանի նկատմամբ խափանման միջոց է ընտրվել բացակայելու արգելքը, հայտնել է փաստաբան Արմինե Ֆանյանը։

❗️Մշակույթի նախկին նախարար Հասմիկ Պողոսյանը դատապարտվել է 4 տարի 6 ամիս ժամկետով ազատազրկման, կիրառվել է համաներում. դատական ակտը մտել է օրինական ուժի մեջ:
🔸 Հակակոռուպցիոն քրեական դատարանի՝ 2025 թվականի նոյեմբերի 6-ի վճռով՝ Հասմիկ Պողոսյանը մեղավոր է ճանաչվել պաշտոնեական դիրքը չարաշահելու, առանձնապես խոշոր չափերով խարդախությանն օժանդակելու համար և դատապարտվել 4 տարի 6 ամիս ազատազրկման. դատական ակտն այսօր մտել է օրինական ուժի մեջ:
📌 Հակակոռուպցիոն քրեական դատարանի վերոնշյալ վճռով՝ մեղադրյալ Հասմիկ Պողոսյանն ազատվել է պատժից. կիրառվել է 2018 թվականի նոյեմբերի 6-ին ուժի մեջ մտած՝ «Էրեբունի-Երևանի հիմնադրման 2800-ամյակի և Հայաստանի առաջին հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի 2-րդ հոդվածի 1-ին մասի 2-րդ կետը:
[ՀՀ գլխավոր դատախազություն]

📌 Հունվարի 31-ին՝ ժամը 10:05-ի դրությամբ, ՀՀ միջպետական և հանրապետական նշանակության բոլոր ավտոճանապարհները բաց են:
🌨 Մասիսի, Արտաշատի, Արարատի, Վայքի, Սիսիանի, Սևանի, Գավառի, Ապարանի տարածաշրջաններում թույլ ձյուն է տեղում։
🌫 Վարդենյաց լեռնանցքում խիտ մառախուղ է, տեսանելիությունը՝ 30-50 մետր։ Աշտարակի տարածաշրջանում մառախուղ է, տեսանելիությունը՝ 80-100 մետր։ [«Ճանապարհային դեպարտամենտ» հիմնադրամ]

‼️ 2026թ. փետրվարի 1-ից կդադարեցվի ՊՆ համակարգում հոգևոր ծառայողների գործունեությունը, որոնք նշանակվել են ՀՀ ԶՈՒ Հոգևոր ծառայության առաջնորդի և Հայաստանյայց առաքելական սուրբ եկեղեցու կողմից։
✍️ Համապատասխան հրամանը ստորագրել է ՀՀ պաշտպանության նախարար Սուրեն Պապիկյանը։
📌 Ըստ հրամանի՝ մինչև փետրվարի 1-ը հոգևոր ծառայությունը պետք է իրականացվի ՀՀ ԶՈՒ ԳՇ բարոյահոգեբանական ապահովման վարչության ընդհանուր համակարգմամբ և ծառայության վայրի զորամասի հրամանատարի անմիջական ենթակայությամբ։

🇦🇿🇺🇸 Ադրբեջանի փոխարտգործնախարար Էլնուր Մամեդովն ընդունել է ԱՄՆ Ներկայացուցիչների պալատի արտաքին գործերի հանձնաժողովի ներկայացուցիչներին։
🗣️ Հանդիպման ընթացքում քննարկվել են Ադրբեջանի և Հայաստանի միջև հարաբերությունների կարգավորման գործընթացը և խաղաղության համաձայնագրի կնքման ուղղությամբ ձեռնարկվող քայլերը, ԱՄՆ-ի և Ադրբեջանի միջև ռազմավարական գործընկերության խարտիայի նախագիծը, որը գտնվում է իր ավարտական փուլում։
🔸 Հանդիպման ընթացքում ընդգծվել է «Ազատության աջակցության ակտի»՝ Ադրբեջանի հետ կապված 907-րդ ուղղումը չեղյալ համարելու կարևորությունը։ |factor.am|

🇦🇲🇪🇺 Արարատ Միրզոյանը Բրյուսելում հանդիպել է ԵՄ ընդլայնման հարցերով հանձնակատար Մարթա Կոսի հետ։
📣 Զրուցակիցները քննարկել են նախորդ տարվա դեկտեմբերին ընդունված ՀՀ-ԵՄ ռազմավարական օրակարգի իրականացմանը վերաբերող հարցերի լայն շրջանակ:
📌 Արարատ Միրզոյանը և Մարթա Կոսը քննարկել են ժողովրդավարական բարեփոխումների և դիմակայունության ամրապնդման ուղղությամբ տարվող աշխատանքները:
[ՀՀ ԱԳՆ]

📣 ՄԻՊ ներկայացուցիչներն այցելել են ՊՆ Երևանի կայազորային հոսպիտալ․ այցը պայմանավորված է եղել զինծառայողի ընտանիքի անդամի կողմից ստացված բողոքով՝ զինծառայողի առողջական վիճակի և բուժօգնության կազմակերպման վերաբերյալ։
🗣 «Տեղի է ունեցել առանձնազրույց զինծառայողի հետ։ Ի թիվս այլնի, բարձրացրել է հոգեբանի խորհրդատվության և առանձին պալատում տեղակայվելու անհրաժեշտությանը վերաբերելի հարցեր։ Իրականացված այցի շրջանակում Երևանի կայազորային զինվորական հոսպիտալի հետ արդյունավետ համագործակցության արդյունքում ապահովվել է զինծառայողի հոգեբանական խորհրդատվությունը, ինչպես նաև վերջինիս տեղափոխումն առանձին պալատ։
📌 Այս պահին քայլեր են ձեռնարկվում իրավունքների պաշտպանությանն առնչվող մնացյալ հարցերը հասցեավորելու ուղղությամբ:
[ՀՀ ՄԻՊ]