Category: Infocom

🇦🇲🇨🇾 Մարտի 6-7-ը պաշտոնական այցով Հայաստան կայցելի Կիպրոսի Հանրապետության արտաքին գործերի նախարար Կոնստանտինոս Կոմբոսը:
[ՀՀ ԱԳՆ]

Հանդիպում ենք մարտի 11-ին՝ ժամը 20։00-ին «Էպոս» ակումբում. սպասվող Գիտարբուքը «Տիեզերքի գաղտնիքների բացահայտումը տվյալների օգնությամբ» թեմայով է։
ֆիզմաթ գիտությունների դոկտոր, ԻԿՐԱՆԵՏ կենտրոն միջազգային կազմակերպության տնօրեն Նարեկ Սահակյանը կխոսի հետևյալ թեմաներով՝
— տիեզերքի ուսումնասիրությունը. ինչպե՞ս ենք տեսնում անտեսանելին,
— սև խոռոչներ. էներգիայի ամենամեծ աղբյուրները տիեզերքում,
— արհեստական բանականություն. հեղափոխություն տիեզերքի մասին պատկերացումներում։
Մուտքն անվճար է, բայց նախապես ամրագրումով։

🔸 ТАСС-ի հետ հարցազրույցում ՌԴ ԱԳՆ պաշտոնական ներկայացուցիչ Մարիա Զախարովան ասել է․
🇦🇲🇷🇺 «Մոսկվան և Երևանը կապրեն խաղաղության և ներդաշնակության մեջ, ռուս-հայկական հարաբերությունների պատմությունը հիմք կհանդիսանա երկկողմ համագործակցության զարգացման համար։
🗣 Մենք ունենք հարաբերությունների այսպիսի ֆանտաստիկ պատմություն: Եվ ես չեմ կասկածում, որ այն պետք է ապագայում էլ լինի երկկողմ հարաբերությունների զարգացման հիմք»: |1lurer.am|

🇦🇲🇷🇺 Մարտի 5-ին ռուսական կողմի նախաձեռնությամբ տեղի է ունեցել հեռախոսազրույց ՀՀ ԱԳ նախարար Արարատ Միրզոյանի և ՌԴ ԱԳ նախարար Սերգեյ Լավրովի միջև:
🤝 Քննարկվել են երկկողմ և տարածաշրջանին վերաբերող հարցեր: [ՀՀ ԱԳՆ]

Doing Digital միջազգային ամենամյա ֆորումն այս տարի կանցկացվի ապրիլի 3-ին «Հնարավորություններին ընդառաջ» խորագրով։
Ֆորումի նպատակն է ներկայացնել ֆինանսական և բիզնեսի տարբեր ուղղություններում թվային փոխակերպման վերջին մոտեցումները, քննարկել առկա հնարավորություններն ու դրանց տեղայնացման առանձնահատկությունները, համաշխարհային տեխնոլոգիական և բիզնես հանրության շրջանում Հայաստանը դիրքավորել որպես թվային փոխակերպման նոր հարթակ՝ նպաստելով երկրի մրցունակության բարձրացմանը:
Ֆորումի գլխավոր խոսնակը հայտնի ֆուտուրիստ, բանկինգի նոր հայեցակարգի և բեսթսելերներ դարձած մի շարք գրքերի (Bank 2.0, Bank 3.0, Breaking Banks, Bank 4.0, The Rise of Technosocialism) հեղինակ Բրեթ Քինգն է։
Ֆորումի կազմակերպիչն է SPRING PR-ը, ֆինթեք գործընկերը՝ Ամերիաբանկը:
#վճարովի_բովանդակություն

📌 Հայաստանը կարող է հումանիտար օգնություն ուղարկել Գազա։
🇦🇲🇪🇬 Հայաստանը ցավում է Գազայում ռազմական գործողությունների սրման հետևանքով տասնյակ հազարավոր անմեղ զոհերի փաստի կապակցությամբ: Մենք ինքներս վերապրել ենք քաղաքացիական բնակչության և քաղաքացիական ենթակառուցվածքների նկատմամբ հարձակումների արհավիրքը և միանում ենք Գազայում անհապաղ հրադադար հաստատելու միջազգային հանրության կոչերին:
🗣 Այս հարցում բարձր ենք գնահատում Եգիպտոսի կողմից իրականացվող քայլերը՝ մարդասիրական օգնության անխափան մուտքը Գազա ապահովելու, վիրավոր պաղեստինցիներին ընդունելու և օտարերկրացիներին տարհանելու հարցերում։ Մենք նաև քննարկեցինք և Եգիպտոսի մեր գործընկերների աջակցության ու խորհրդատվության կարիքը ունենք` մեր կողմից հումանիտար օգնություն Գազա հասցնելու հետ կապված, և շնորհակալություն նախագահ աս-Սիիսին` այս հարցում օգնության պատրաստակամության համար:
[Նիկոլ Փաշինյանի հայտարարությունը՝ Եգիպտոսի նախագահ Աբդել Ֆաթթահ աս-Սիսին հանդիպումից հետո]

🇦🇲🇪🇬 Հայաստանն ու Եգիպտոսը համագործակցության փաստաթղթեր են ստորագրել։
🗣 ՀՀ վարչապետը և Եգիպտոսի նախագահը քննարկել են տնտեսության, ենթակառուցվածքների, զբոսաշրջության, ավիահաղորդակցության, բարձր տեխնոլոգիաների, գյուղատնտեսության, շրջակա միջավայրի, կրթության, մշակույթի ոլորտներում համատեղ նոր ծրագրերի իրականացմանը վերաբերող մի շարք հարցեր: