Category: Infocom

🚗 Ամանորյա տոնական ձևավորման աշխատանքներով պայմանավորված՝ նոյեմբերի 26-ին, ժամը 09:00-ից մինչև 18:00-ն փակ կլինի Մաշտոցի պողոտայի՝ Թումանյան փողոցից Պուշկին փողոց հատվածի երթևեկությունը: [Երևանի քաղաքապետարան]

Այս երկուշաբթի կրկին հանդիպում ենք․ սպասվող Գիտարբուքը «Գիտությունը հանրային կյանքում» թեմայով է։
Փիլիսոփայական գիտությունների թեկնածու Արշակ Բալայանը կխոսի հետևյալ թեմաներով՝
— ի՞նչ է (գիտության) փիլիսոփայությունը. ինչու՞ վստահել գիտությանը,
— ո՞վ է փորձագետը. կարո՞ղ են ոչ փորձագետները բացահայտել իրական փորձագետներին,
— գիտնականների դերը հանրային կյանքում։
Երկուշաբթի՝ նոյեմբերի 28-ին՝ ժամը 20:00-ին, սպասում ենք ձեզ «Էպոս» ակումբում՝ զրուցելու, քննարկելու և, դե իհարկե, մի-մի բաժակ խմելու։
Մուտքն անվճար է, բայց նախապես ամրագրումով։

🇧🇪🇨🇦 Բելգիա-Կանադա հանդիպումն ավարտվեց Բելգիայի հավաքականի հաղթանակով՝ 1։0 հաշվով։

🗣 Նոյեմբերի 23-ին կդադարեմ զբաղեցնել ԱՀ տարածքային կառավարման և ենթակառուցվածքների նախարարի պաշտոնը: Արցախում կառավարության նոր կազմ է ձևավորվում, որի մեջ ես չեմ լինի: Կառավարությունն Արցախում ամենակազմակերպված մարմինն է և այն զգում է բոլորիս աջակցության կարիքը:
📌 Արցախի կառավարության ձախողումը, անկախ կազմից, կարող է ճակատագրական լինել ամբողջ հայության համար: Հետևաբար Արցախի կառավարությունը կարիք ունի ամբողջ հայության աջակցությանը: [Արցախի ՏԿԵ նախարար Հայկ Խանումյան]

❗ Նոյեմբերի 21-ին՝ ժամը 22:45-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ:
📌 Հայկական կողմը կորուստներ չունի:
📌 Ժամը 09:00-ի դրությամբ իրադրությունն առաջնագծում հարաբերականորեն կայուն է: [ՊՆ խոսնակ]

🇺🇸 Նենսի Փելոսին այլևս չի ղեկավարի դեմոկրատների խմբակցությունը Ներկայացուցիչների պալատում։ Այս մասին նա հայտարարել է այսօր՝ ելույթ ունենալով օրենսդիր մարմնի ստորին պալատի նիստում։ |tert.am|

🔬Այսօր ՀՀ գիտությունների ազգային ակադեմիայի Օրգանական և դեղագործական քիմիայի գիտատեխնոլոգիական կենտրոնի աշխատակիցները բողոքի ակցիա իրականացրին նախ Երևանի քաղաքապետարանի, ապա Տարածքային կառավարման և ենթակառուցվածքների նախարարության առջև։
Այսօրվա բողոքի ակցիա պատճառն այն է, որ «Գրին Փրոփերթի Դիվելոփմենթ» ՓԲԸ ներկայացուցիչները, որոնք նախատեսում են Կենտրոնի տարածքում բազմաբնակարան համալիր կառուցել, օրեր առաջ այցելել են Գիտատեխնոլոգիական կենտրոն ու հայտարարել, որ իրենց տարածքով անցնող ջրանցքը Կենտրոնի տարածք տեղափոխելու շինթույլտվություն ունեն։ Կենտրոնը, սակայն, այդ մասին նախապես չի ծանուցվել։
Կարդալ ավելին