Category: Infocom

❗️ ՔՊ կուսակցությունը այդ թվում իր անդամների ոչ կանոնավոր գործողությունները և կոռուպցիոն տեսակետից խնդրահարույց գործողությունները չի հանդուրժելու:
🗣 Այս մասին ասուլիսի ժամանակ ասաց ՀՀ վարչապետ Նիկոլ Փաշինյանը՝ խոսելով ՔՊ վարչությունում ամիսներ առաջ Հայկ Սարգսյանին արված նկատողության մասին:
📌 Նշենք, որ Հայկ Սարգսյանը չի լինելու ՔՊ նախըտրական ցուցակում: Վարչությունը մերժել է հարցի առնչությամբ պատգամավորի բողոքը: Ավելի ուշ նա հայտնել է, որ այլևս չի ցանկանում լինել ՔՊ ցուցակում՝ նշելով, որ ցուցակում չընդգրկվելու պատճառներն իրեն հայտնի չեն: ԱԺ նախագահ Ալեն Սիմոնյանն ավելի ուշ հայտնել էր, որ Սարգսյանին մանրամասն ներկայացվել է նրա՝ ընտրացուցակում չհայտնվելու պատճառը:

🔸 Վերջերս ձևավորված «Բոլորին դեմ եմ» շարժումը առաջիկայում պատրաստվում է գրանցվել որպես ինքնալուծարվող կուսակցություն և մասնակցել խորհրդարանական ընտրություններին։
💬 Շարժման ներկայացուցիչ Արամ Քոչարյանը ասուլիսի ժամանակ ասաց, որ իրենք նպատակ ունեն գալ իշխանության 100 օրով՝ կատարելու միայն 3 փոփոխություն.
🔻 Հանել կայուն մեծամասնությունը. այդպիսով ԱԺ-ն կդառնա ներկայացուցչական, քաղաքական ուժերը ստիպված կլինեն համագործակցել:
🔻 Ընտրական շեմը 4-ից դարձնել 1%. սա հնարավորություն կտա նոր ուժերին անցնել խորհրդարան և ներկայացնել իրենց ընտրողներին:
🔻 Ընտրություններում քվեաթերթիկներին ավելացնել «Բոլորին դեմ եմ» տարբերակ։
📌 Այս փոփոխությունները կատարելուց հետո կազմակերպվելու են ԱԺ արտահերթ ընտրություններ: «Բոլորին դեմ եմ» կուսակցությունը լուծարվելու է և չի մասնակցելու այդ ընտրություններին:
🔗 Կարդալ ավելին

🇩🇰🇺🇸🇬🇱 Դանիայի, ԱՄՆ-ի և Գրենլանդիայի ներկայացուցիչները հանդիպել են և քննարկել Արկտիկայի անվտանգության հարցերը։
💬 «Քննարկվել է, թե ինչպես կարող ենք լուծել Արկտիկայի անվտանգության վերաբերյալ Ամերիկային հուզող խնդիրները՝ թագավորության «կարմիր գծերի» պահպանմամբ»,- ասվում է Դանիայի ԱԳՆ հայտարարության մեջ։ |armenpress.am|

🇮🇷🇺🇸 Իրանը պատրաստ է երկխոսության՝ հիմնված փոխադարձ հարգանքի և շահերի վրա։ Սակայն եթե Իրանին ստիպեն, նա կպաշտպանի իրեն և կպատասխանի այնպես, ինչպես երբեք չի արել։
🗣️ Այս մասին ասված է ՄԱԿ-ում Իրանի առաքելության հայտարարության մեջ, որը հրապարակվել է ի պատասխան ԱՄՆ նախագահ Դոնալդ Թրամփի գրառման, որում նա պահանջել էր Իրանից նստել բանակցությունների սեղանի շուրջ՝ հասնելու նոր միջուկային համաձայնագրի: |azatutyun.am|

🇦🇲 Հունիսին կայանալիք խորհրդարանական ընտրություններին ՀՀ կառավարությունը ժողովրդավարությունը պաշտպանելու համար կհենվի ժողովրդավարության և դրա կողմից տրամադրվող մեխանիզմների վրա. Արարատ Միրզոյան
🗣️ «Մենք գիտենք, որ ազատության թշնամիները քնած չեն։ Եվ նրանք տիրապետում են գրեթե անսահմանափակ լրատվամիջոցների ռեսուրսների, նրանք ցանկանում են խաթարել մեր ինքնիշխանությունը, խաղաղության և ժողովրդավարության ձգտումը, և ցանկանում են մեզ վերադարձնել ավտորիտարիզմի, հարևանների հետ անվերջ հակամարտության և թույլ ինքնիշխանության խավարին»-, ասել է ԱԳ նախարարը։
❓ԵԽԽՎ սոցիալիստների խմբակցության պատգամավորի հարցին, թե ինչով կարող է օգտակար լինել ԵԽԽՎ-ն Հայաստանին՝ ընտրական գործընթացներում հիբրիդային հարձակումներից պաշտպանվելու համար, Միրզոյանն ասել է՝ հիբրիդային հարձակումների համատեքստում կեղծ տեղեկատվական մանիպուլյացիաները մեր առօրյա կենցաղավարության մի մասն են դարձել. «Այս հեղինակավոր մարմինը կանգնելով Հայաստանի ու նրա ժողովրդավարության կողքին, ինչպես նաև աջակցություն ցուցաբերելու պատրաստակամությամբ կարող է գալ մեր երկիր և տեղում ծանոթանալ իրավիճակին»։ | armenpress.am|

CTRL Z` Արման Թաթոյանի հետ | Episode 1
Ctrl Z-ի առաջին թողարկման հյուրը «Միասնության թևեր» քաղաքական նախաձեռնության ղեկավար Արման Թաթոյանն է։
Դիտել

‼️ 4 հայ գերիների ազատ արձակումը, որոնք Ադրբեջանում էին, հույս է տալիս մեզ Ադրբեջանում մնացած 19 պահվող անձանց ազատ արձակման համար։
🗣 Այս մասին ԵԽԽՎ ելույթում ասել է ՀՀ ԱԳ նախարար Արարատ Միրզոյանը։

🔸 Ամենայն Հայոց կաթողիկոս Գարեգին Բ-ն Մայր Աթոռի բարձրաստիճան հոգևորականների ուղեկցությամբ այցելեց Եռաբլուր։
‼️ Նա չպատասխանեց շխանություն-եկեղեցի հակասություններին վերաբերող հարցերին․
🗣 «Թույլ տվեք այս օրը ապրել իր խորհրդի մեջ և չխաթարել օրվա խորհուրդը ավելորդ հարցումներով»։ |azatutyun.am|

🇺🇦🇷🇺 Ուկրաինայում արդեն չորորդ տարին ընթացող պատերազմի հետևանքով գրեթե 1.2 միլիոն ռուս և մոտ 600 հազար ուկրաինացի զինվորական է զոհվել, վիրավորվել կամ անհետ կորել, այսինքն՝ երկու երկրների կորուստների ընդհանուր թիվը կազմում է 1.8 միլիոն։
📃 Այս մասին ասվում է ասվում է Վաշինգտոնում գործող Ռազմավարական և միջազգային հետազոտությունների կենտրոնի հրապարակած ուսումնասիրությունում:
▪️ Ուկրաինա լայնամասշտաբ ներխուժումից ի վեր ռուսական կողմից զոհված զինվորների թիվը մոտ 325 հազար է, իսկ ուկրաինական կողմից՝ 100 հազարից 140 հազար։ |azatutyun.am|

📣 Նախկին նախագահներ Ռոբերտ Քոչարյանն ու Սերժ Սարգսյանը ուղերձներ են հղել Բանակի օրվա առթիվ։
🔸 Ռոբերտ Քոչարյանը նշել է՝ «անցնող շուրջ 8 տարիներին արվել է ամեն ինչ մեր տարածաշրջանի ամենամարտունակ ու հաղթական բանակը թուլացնելու, մասնատելու, կոտրելու համար»․ «Քաղաքական ղեկավարության՝ իր սխալները բանակի վրա բարդելու մոլուցքն անհետևանք չմնաց մեր բանակի համար: Լիահույս եմ, որ մեզ կհաջողվի արագորեն փոխել իրավիճակը, վերականգնել բանակի ուժը և ոգին, ինչը կապահովի կայուն խաղաղություն»:
🔸 Սերժ Սարգսյանի գրասենյակը Բանակի օրվա առթիվ հրապարակել է Սարգսյանի ուղերձների կարևոր շեշտադրումները 2018-ից վեր․ «Հայաստանի կառավարիչներն այժմ էլ բանակի «կերպափոխում» կոչվող տարակուսելի գործընթաց են սկսել, ինչն իրականում բանակը սեփական կերպին նմանեցնելու փորձ է՝ որպես բանակի վերջնական ջախջախման արար»։