Category: Infocom

🇦🇲🇦🇿 Հայաստանի հատուկ հանձնարարություններով դեսպան Էդմոն Մարուքյանը հերքել է Ադրբեջանի նախագահի օգնական Հիքմեթ Հաջիևի հայտարարությունը, թե «Բրյուսելում Հայաստանն ու Ադրբեջանը պայմանավորվել են, որ ԼՂ-ին անհրաժեշտ ապրանքները կմատակարարվեն Աղդամի ճանապարհով, իսկ Հայաստանը, հումանիտար բեռ ուղարկելով Լաչինի միջանցքով, խախտում է պայմանավորվածությունը։ Հանրային հեռուստաընկերությանը տված հարցազրույցում Մարուքյանը շեշտել է, որ Հիքմեթ Հաջիևը ստում է, նման պայմանավորվածություն չի եղել։
🗣 «Ադրբեջանի ղեկավարների և ԵՄ խորհրդի նախագահի եռակողմ հանդիպումից հետո ԵՄ խորհրդի նախագահ Շառլ Միշելն ընդամենը հայտարարել է, որ Ադրբեջանը պատրաստ է Աղդամի ճանապարհով հումանիտար օգնություն տրամադրել։ Սա Շառլ Միշելի հայտարարությունն է, և այն որպես Հայաստանի հետ պայմանավորվածություն ներկայացնելը տոտալ սուտ է։ Հայաստանն այս պահին հստակ ցույց է տալիս, որ Ադրբեջանը ստում է միջազգային հանրությանը, թե Լաչինի միջանցքը բաց է»,- ասել է Մարուքյանը։ |armenpress.am|
🔗Կարդալ ավելին

🇷🇺 Զախարովան այսօր հայտարարել է՝ «հայ-ադրբեջանական կարգավորումը հեշտ չի ընթանում, ինչպես բոլորս հիանալի տեսնում ենք ու հասկանում, բայց խաղաղությունն այլընտրանք չունի»․
🗣 «Դրա հետ կապված հարցերն են քննարկվել երեկ ՌԴ, Հայաստանի եւ Ադրբեջանի ԱԳՆ ղեկավարների եռակողմ հանդիպման ժամանակ։ Հույս ունենք, որ նշյալ շփումներն առաջիկայում կլինեն»։

❗️ Հարցին, թե «արդյոք դիտարկվում է 120 հազար արցախցիների վերաբնակեցումը ՀՀ-ում, եթե օրինակ Ադրբեջանի իշխանությունները բռնի տեղահանեն նրանց, իսկ միջազգային հանրությունը չխոչընդոտի», Փաշինյանը պատասխանեց․
🗣 «Հայաստանը նման հարց չի քննարկում, նկատի ունեմ, ինչպես դուք անվանեցիք, վերաբնակեցման, ՀՀ-ն քննարկում է ԼՂ հայության սեփական տներում, սեփական երկրում, սեփական ծննդավայրում ապրելու հնարավորություններ ստեղծելու հարցը»։

🔸 Երեկ Ներքին Գետաշեն գյուղի տներից մեկի ետնամասում տոպրակի մեջ հայտնաբերված նորածին երեխան մահացել է։ Մուրացան ԲԿ-ից հայտնել են, որ նա ԲԿ էր տեղափոխվել ծանր շնչական անբավարարությամբ և ցնցումներով։
🗣️ Գյուղի վարչական ղեկավար Ռուբեն Զուլոյանը ասել էր, որ Մատուռի մոտ տոպրակով թողնված նորածին տղային գյուղի շներն էին քաշելով հասցրել գյուղացիներից մեկի տան ետնամաս, որտեղ էլ գտել են նրան։ |armeniasputnik.am|

💦 Հովհարային անջատումների պատճառով Արցախում խմելու ջրի խնդիր է հասունանում: Այս մասին ահազանգում է Ջրմուղ- կոյուղի ընկերությունը: Մինչեւ հիմա ունեցած պաշարներով կարողացել են Ստեփանակերտի բնակիչներին շուրջօրյա ջուր մատակարարել: Սակայն շրջափակումը շարունակվելու դեպքում լուրջ խնդիրներ կլինեն:[Ստեփանակերտի «Ջրմուղ-կոյուղի» ՓԲԸ]

💦 Հովհարային անջատումների պատճառով Արցախում խմելու ջրի խնդիր է հասունանում: Այս մասին ահազանգում է Ջրմուղ- կոյուղի ընկերությունը: Մինչեւ հիմա ունեցած պաշարներով կարողացել են Ստեփանակերտի բնակիչներին շուրջօրյա ջուր մատակարարել: Սակայն շրջափակումը շարունակվելու դեպքում լուրջ խնդիրներ կլինեն:[Ստեփանակերտի «Ջրմուղ-կոյուղի» ՓԲԸ]

🇦🇲🇺🇳 Կոչ ենք անում Հայաստանի Հանրապետությանը անհապաղ միջոցներ ձեռնարկել Արցախում տեղակայված ռուսական խաղաղապահ առաքելությանը միջազգային մանդատով օժտելու համար՝ սահմանված ընթացակարգով դիմելով ՄԱԿ-ի Անվտանգության խորհրդին, Գլխավոր ասամբլեային՝ առաջարկելով պատշաճ քայլեր կատարել տարածաշրջանում խաղաղության և անվտանգության պահպանման ուղղությամբ։
🇷🇺 Արցախում տեղակայված ռուսական խաղաղապահ զորախումբը օժտված չէ միջազգային մանդատով․ հանգամանք, որը կանաչ լույս է վառում Ադրբեջանի կողմից Եռակողմ հայտարարության և միջազգային իրավունքի նորմերի ու սկզբունքների խախտումների, տարածաշրջանի անվտանգության և կայունության շարունակական վտանգման համար։ [Արցախի ԱԺ ուղերձը]

🎓 Ակադեմիական քաղաքը պատրաստ կլինի 2030 թվականին։ Այս մասին հայտնել է ԿԳՄՍՆ բարձրագույն և հետբուհական մասնագիատական կրթության վարչության պետ Լուսինե Գրիգորյանը։
🗣 «Հայեցակարգի հիմքում դրված է բուհերի խոշորացումը։ Նախատեսված է ունենալ պետական ֆինանսավորմամբ մինչև 8 բուհ։ Սահմանվել են հետևյալ ուղղությունները՝ դասական համալսարան, բժշկական, արվեստի, կրթական, սպայական, տեխնոլոգիական ուղղությամբ համալսարաններ։ Ակադեմիական քաղաքում կձևավորվեն կլաստերներ՝ կրթական-սպայական, արվեստի և տեխնոլոգիական։
📌 Այդ քաղաքում տեղակայվելու հնարավորություն է տրվելու նաև միջպետական համաձայնագրերով գործող մասնավոր բուհերին։ Լինելու է շուրջ 44 հազար մարդու համար նախատեսված ակադեմիական քաղաք։ Ակադեմիական քաղաքն ունենալու է բոլոր անհրաժեշտ ենթակառուցվածքները, Երևանից ապահովվելու են տրանսպորտային երթուղիներ»։ |armenpress.am|