Category: Infocom

🇺🇦🇷🇺 Ուկրաինայում արդեն չորորդ տարին ընթացող պատերազմի հետևանքով գրեթե 1.2 միլիոն ռուս և մոտ 600 հազար ուկրաինացի զինվորական է զոհվել, վիրավորվել կամ անհետ կորել, այսինքն՝ երկու երկրների կորուստների ընդհանուր թիվը կազմում է 1.8 միլիոն։
📃 Այս մասին ասվում է ասվում է Վաշինգտոնում գործող Ռազմավարական և միջազգային հետազոտությունների կենտրոնի հրապարակած ուսումնասիրությունում:
▪️ Ուկրաինա լայնամասշտաբ ներխուժումից ի վեր ռուսական կողմից զոհված զինվորների թիվը մոտ 325 հազար է, իսկ ուկրաինական կողմից՝ 100 հազարից 140 հազար։ |azatutyun.am|

📣 Նախկին նախագահներ Ռոբերտ Քոչարյանն ու Սերժ Սարգսյանը ուղերձներ են հղել Բանակի օրվա առթիվ։
🔸 Ռոբերտ Քոչարյանը նշել է՝ «անցնող շուրջ 8 տարիներին արվել է ամեն ինչ մեր տարածաշրջանի ամենամարտունակ ու հաղթական բանակը թուլացնելու, մասնատելու, կոտրելու համար»․ «Քաղաքական ղեկավարության՝ իր սխալները բանակի վրա բարդելու մոլուցքն անհետևանք չմնաց մեր բանակի համար: Լիահույս եմ, որ մեզ կհաջողվի արագորեն փոխել իրավիճակը, վերականգնել բանակի ուժը և ոգին, ինչը կապահովի կայուն խաղաղություն»:
🔸 Սերժ Սարգսյանի գրասենյակը Բանակի օրվա առթիվ հրապարակել է Սարգսյանի ուղերձների կարևոր շեշտադրումները 2018-ից վեր․ «Հայաստանի կառավարիչներն այժմ էլ բանակի «կերպափոխում» կոչվող տարակուսելի գործընթաց են սկսել, ինչն իրականում բանակը սեփական կերպին նմանեցնելու փորձ է՝ որպես բանակի վերջնական ջախջախման արար»։

🇪🇺🇦🇲 ԵԽԽՎ-ն մտահոգված է վարչապետի և Հայ առաքելական եկեղեցու առաջնորդի միջև առկա լարվածությամբ. այս մասին ասվում է ԵԽԽՎ լիագումար նիստի ընթացքում ընդունված «Վեհաժողովի մշտադիտարկման ընթացակարգի առաջընթացը» անուն կրող բանաձևում։
📄 Բանաձեւը 2026 թվականի հունիսին նախատեսված խորհրդարանական ընտրություններից առաջ կոչ է անում բարելավել քաղաքական մեծամասնության և ընդդիմության միջև հարաբերությունները։
📢 Կառույցը նաև Բաքվին կոչ է անում «դադարեցնել պատասխան գործողությունների բնույթ ունեցող քրեական հետապնդումները և անհապաղ ազատ արձակել բոլոր նրանց, ովքեր կալանավորված են քաղաքական դրդապատճառներով ներկայացված մեղադրանքներով։

🇫🇷🇦🇿🇹🇷🇦🇲 Ֆրանսիան աջակցում է Հայաստանի և Ադրբեջանի, ինչպես նաև Թուրքիայի և Հայաստանի միջև հարաբերությունների կարգավորմանը: Այս մասին այսօր Անկարայում հայտարարել է Ֆրանսիայի արտգործնախարարը՝ թուրք գործընկերոջ հետ հանդիպումից հետո։
🗣 Ժան-Նոել Բարոն հայտարարել է, որ այս զարգացումները դրական կազդեն տարածաշրջանի բարգավաճման վրա։
📌 Բարոն նաև նշել է, որ «Թուրքիայի և Ֆրանսիայի միջև գործընկերությունը չափազանց ինտենսիվ է», հավելելով, որ ֆրանսիական ընկերությունները վերջին տարիներին 3 միլիարդ եվրո են ներդրել Թուրքիայում։ «Չնայած երբեմն լինում են անհամաձայնություններ, մենք միշտ փորձում ենք ընդհանուր լեզու գտնել», – ասել է նա։ |azatutyun.am|

🇦🇲🇺🇸 ՀՀ ԱԳՆ-ում ԱՄՆ Ներկայացուցիչների պալատի պատվիրակության հետ քննարկվել է ՀՀ-ԱՄՆ պայմանավորվածությունների իրականացման ընթացքը։
🤝 Վահան Կոստանյանն ու պատվիրակութան անդամները ընդգծվել է ԱՄՆ Ներկայացուցիչների պալատի կարևոր դերակատարությունը ՀՀ–ԱՄՆ ռազմավարական գործընկերության ամրապնդման համատեքստում և մտքեր են փոխանակել ԱՄՆ օրենսդիր մարմնի՝ տարածաշրջանային խաղաղությանը և հաղորդակցությունների ապաշրջափակմանը նպաստելու հնարավոր միջոցների վերաբերյալ։

📅 Կառավարությունը նախատեսում է այս տարվա մայիսի 4-ը հայտարարել ոչ աշխատանքային․ աշխատանքային կլինի ապրիլի 18-ը՝ շաբաթ օրը։
📃 Ըստ որոշման նախագծի հիմնավորման՝ այդ օրը տեղի է ունենալու Եվրոպական քաղաքական համայնքի գագաթաժողովը, դրան մասնակցելու են մոտ 50 բարձրաստիճան պատվիրակություններ` երկրի կամ կառույցի ղեկավարի մակարդակով։ Երևանում տրանսպորտային երթևեկությունն արդյունավետ կազմակերպելու համար անհրաժեշտություն է դարձել մայիսի 4-ի աշխատանքային օրը տեղափոխել։
📌 Նախագիծը ներառված է կառավարության հունվարի 29-ի նիստի օրակարգում։

🧊🌁 Այսօր ցերեկը, վաղը մառախուղ է սպասվում Երևանում, Շիրակի դաշտի ցածրադիր հատվածներում, Արագածոտնի և Կոտայքի նախալեռներում, Արարատյան դաշտում։ Հունվարի 28-ի գիշերը և առավոտյան ժամերին հանրապետության ավտոճանապարհներին սպասվում է մերկասառույց։
❄️🌨 Հունվարի 29-ի գիշերը և փետրվարի 1-ին Երևանում և հանրապետության առանձին շրջաններում սպասվում է ձյուն։
🌡 Օդի ջերմաստիճանը հունվարի 27-ի ցերեկը Լոռիում, Տավուշում և Սյունիքում կնվազի 4-6 աստիճանով, հունվարի 28-31-ը ցերեկային ժամերին աստիճանաբար նույնքան կբարձրանա:
[«Հիդրոօդերևութաբանության  և  մոնիթորինգի  կենտրոն»]

🇪🇺🇮🇳 ԵՄ-ն և Հնդկաստանը կնքել են խոշոր առևտրային համաձայնագիր:
📉 Պայմանագիրը կկրճատի ԵՄ-ից Հնդկաստան արտահանման 96.6% մաքսատուրքերը՝ նվազեցնելով եվրոպական ապրանքների, այդ թվում՝ ավտոմեքենաների, ալկոհոլի և սարքավորումների արժեքը։
🔸 Երկու կողմերի համար զգայուն գյուղատնտեսական ոլորտները, ինչպիսիք են՝ կաթնամթերքը, շաքարավազը և որոշակի մսամթերք, մնացել են անփոփոխ։

🔗 Կարդալ ավելին