Category: Infocom

💰 Առաջատար 10 հարկատուներ 2025թ. հունվար-դեկտեմբեր ամիսներին վճարել են շուրջ 409.71 մլրդ դրամ հարկ։
🔻 1000 խոշոր հարկատուների ցանկը գլխավորում է «Մոբայլ սենթր» ընկերությունը, որը 1 տարում վճարել է 77 մլրդ 864 մլն դրամ հարկ։
🔻 Երկրորդ տեղում «Գրանդ Տոբակոն» է՝ 66 մլրդ 119 մլն դրամ վճարումով,
🔻 երրորդ տեղում՝ «Զանգեզուրի պղնձամոլիբդենային կոմբինատը», որը վճարել է 52 մլրդ 164 մլն դրամ հարկ,
🔻 4-րդ տեղում է «Գազպրոմ Արմենիա» ընկերությունը,որը պետբյուջե է վճարել 43 մլրդ 236 մլն դրամ,
🔻 5-րդ տեղում «Արդշինբանկն» է՝ 40 մլրդ 201 մլն դրամով։
🔸 Տասնյակում են նաև «Ամերիաբանկը», «Դիջիթեյնը», «Ինթերնեյշնլ Մասիս տաբակ» ընկերությունը, «Սի Փի Էս էներջի» գրուպը, «Սոֆթ կոնստրակտ» ընկերությունը:

🇺🇸❄️ ԱՄՆ-ում սաստիկ ցրտի և ձնաբքի պատճառով առնվազն 11 մարդ է մահացել, 1 միլիոն մարդ մնացել է առանց էլեկտրականության։ Չեղարկվել է ավելի քան 17 000 չվերթ։
💨 Ձյան ուժգին տեղումներ են գրանցվել մի քանի նահանգում, այդ թվում՝ Արկանզասում, Կոլորադոյում, Իլինոյսում, Ինդիանայում, Կենտուկիում, Մասաչուսեթսում, Նյու Ջերսիում, Նյու Յորքում, Վիրջինիայում։ |armenpress.am|

❗️Գորիսում, նախնական տվյալներով, նռնակի պայթյունի հետևանքով կա 2 զոհ, 1 վիրավոր, «Սպուտնիկ Արմենիա»-ին հայտնել են ՆԳՆ-ից՝ հավելելով, որ ոստիկանության ծառայողները ձեռնարկում են միջոցառումներ՝ դեպքի բոլոր հանգամանքները պարզելու ուղղությամբ:
🔸 Ըստ մամուլի հրապարակումների՝ զոհերից մեկը Գորիսի համայնքապետ Առուշ Առուշանյանի վարորդն է։

📌 ԱՄՆ-ում Ներգաղթի եւ մաքսային վերահսկողության ծառայության (ICE) աշխատակիցները Մինեապոլիսում կրակել են 37-ամյա տղամարդու վրա, ինչի հետեւանքով վերջինս մահացել է։ Դեպքը պատճառ է դարձել, որ մարդիկ դուրս գան փողոցներ։ Այս մասին հաղորդում է AP գործակալությունը:
🔸 Ներքին անվտանգության նախարարության խոսնակ Թրիշա ՄքԼաֆլինը հայտարարել է, որ ֆեդերալ աշխատակիցները իրականացրել են օպերացիա և արձակել են «պաշտպանական կրակոցներ» այն բանից հետո, երբ ձեռքի հրազենով մի տղամարդ մոտեցել է նրանց և «դաժան դիմադրություն է ցուցաբերել», երբ աշխատակիցները փորձել են նրան զինաթափել։
❗️Մինչդեռ դեպքի ականատեսների տեսագրություններում չի երեւում, որ տղամարդու ձեռքում զենք կա։

❗Նիկոլ Փաշինյանը պատարագի է մասնակցելու Թալինի Սբ Աստվածածին եկեղեցում, որտեղի հոգեւոր Հովիվ Տեր Հայկը ստիպված եղավ հեռանալ, որպեսզի տեղում ժամերգություն անցկացնի կարգալույծ հոգեւորականը՝ զեղչելու կաթողիկոսի անունը։
🗣 «Գնում եմ Մաստարա՝ կանոնական պատարագ մատուցելու։ Ասում են՝ կարգալույծ քահանան պիտի [այստեղ պատարագ] մատուցի»,- ասաց Տեր Հայկը՝ նշելով, որ Մաստարայում բարձր հնչեցնելու է Հայրապետի անունը։

📢 Հայաստանում 2026-ի հունիսին կայանալիք ընտրություններին ընդառաջ պահպանվում են մի շարք լուրջ ռիսկեր, որոնք կարող են վտանգել ընտրական գործընթացների ազատությունը, արդարությունը և թափանցիկությունը։
📌 Մտահոգիչ են հատկապես ապատեղեկատվության, տեղեկատվական մանիպուլյացիաների, ատելության խոսքի և կիբերհարձակումների սպառնալիքները։
🔸 Գործող օրենսդրությունը հնարավորություն է տալիս քաղաքական նորաստեղծ միավորներին մասնակցել ընտրություններին՝ առանց բավարար ֆինանսական վերահսկողության, ինչն առաջացնում է անհավասար մրցակցային պայմաններ և արտաքին միջամտության ռիսկեր։
📝 Կոչ ենք անում ապահովել նախընտրական շրջանում ֆինանսական հոսքերի ժամանակին և լիարժեք վերահսկողություն։
[«Ականատես» և «Անկախ դիտորդ» դիտորդական առաքելությունների հայտարարությունը]

📢 Ահազանգ ստացվեց, որ այսօր Ոսկետափ բնակավայրի վարչական ղեկավար Նշան Հովհաննիսյանը և Սուրբ Սահակ–Մեսրոպ եկեղեցու կառուցման հովանավոր Համլետ Գորոյանն այցելել են եկեղեցի և հոգևոր հովիվ Տեր Արտաշես քահանա Հակոբյանից պահանջել են ազատել եկեղեցին։ Այս մասին հայտարարություն է տարածելՄասյացոտնի թեմը:
📌 «Նրանք նաև հայտնել են, որ մեկ ժամ անց վերադառնալու են՝ եկեղեցու մուտքի դռների բանալիները փոխելու նպատակով։
🗣️ Նման գործողությունները անօրինական և անթույլատրելի միջամտություն են Հայաստանյայց Առաքելական Սուրբ Եկեղեցու ներքին կյանքին և հոգևորականների ծառայությանը։ Հորդորում ենք անհապաղ դադարեցնել Սուրբ Սահակ–Մեսրոպ եկեղեցու բնականոն գործունեությանը խոչընդոտող բոլոր քայլերը և քահանայի նկատմամբ իրականացվող ճնշումները»,- ասված է թեմի հայտարարության մեջ:

Արցախից անցում «Արևմտյան Ադրբեջանին»․ Ադրբեջանական ինքնության պահպանման «գինը»
🇦🇿 44-օրյա պատերազմից և Արցախի հայաթափումից հետո, թվում էր, Բաքուն պետք է ընտրեր հակամարտության լուծման ռացիոնալ ուղին։
❗️ Ադրբեջանի հակահայկական նարատիվներն ու քարոզչությունը, սակայն, ոչ միայն չմեղմացան, այլև նոր թափ ստացան։
📃 Small Wars and Insurgencies ամսագրում հրապարակված հոդվածում գիտնականներ Լևոն Հովսեփյանն ու Արտյոմ Տոնոյանը հիմնավորում են, որ Ադրբեջանի համար հակահայկականությունը սեփական ազգային ինքնությունը կառուցելու գոյաբանական անհրաժեշտություն է։
🇦🇲🇦🇿 Այս համատեքստում հայ-ադրբեջանական հակամարտությունը դուրս է գալիս լոկ տարածքային վեճի սահմաններից՝ վերածվելով ադրբեջանական ինքնության կարևոր հենասյուներից մեկի։
🔗 Կարդալ ավելին