Category: Infocom

❗️ Ընդառաջելով Գագիկ Ծառուկյանի խնդրանք-հորդորին՝ Իսրայել Հակոբկոխյանը քիչ առաջ դադարեցրեց հացադուլը։
Իվետա Տոնոյան

⚖️ Կոմիտեից հաստատել են՝ Ղազինյանը ձերբակալվել է ընտրակաշառք տալու նախապատրաստության մեղադրանքով։

❗️ Փաստաբան Արամ Օրբելյանը լրագրողների հետ զրույցում հայտնել է, որ Դատախազությունը երկու մեղադրանք է պատրաստվում ներկայացնել Ռոբերտ Քոչարյանին՝ պաշտոնական դիրքի չարաշահում և փողերի լվացում։

✅⚖️ ԿԸՀ-ն համաձայնություն տվեց քրեական հետապնդում իրականացնելու Ռոբերտ Քոչարյանի նկատմամբ:
🗣 Լրագրողներին այդ մասին հայտնել է պաշտպան Արամ Օրբելյանը:

💬 Պաշտպան Արամ Օրբելյանը պնդում է՝ Ռոբերտ Քոչարյանին անձեռնմխելիությունից զրկելու և նրա նկատմամբ քրեական հետապնդում հարուցելու վերաբերյալ ԿԸՀ ներկայացված միջնորդության մեջ որևէ հանցագործություն նկարագրված չէ։
🔸 «[Փաստերը] վերաբերում են 2004թ․ կատարված մի գործարքի, որը հաստատել է ՀՀ կառավարությունը, այդ որոշումը որևէ կերպ չի վիճարկվել, և այդ գործարքի հետ Ռոբերտ Քոչարյանը որևէ առնչություն չունի, նրա ընտանիքի անդամները նույնպես առնչություն չունեն:
🔸 Նրա խոսքով՝ հետագայում, երբ Քոչարյանն արդեն որևէ պաշտոն չէր զբաղեցնում, նրա որդին տվյալ ընկերությունում բաժնեմաս է գնել՝ բավականին մեծ գումար վճարելով։ Ըստ նրա՝ դա փորձում են ինչ-որ կերպ կապել 2004թ․ գործարքի հետ։ Խոսքը «Օրանժ ֆիտնես» ակումբի հարևանությամբ գտնվող՝ «Մաստեր կլաս» թենիսի կորտերի տարածքի մասին է։ |arm.sputniknews.ru|

✅ ԿԸՀ-ն բավարարել է Դատախազության ներկայացրած միջնորդությունները՝ Դավիթ Ղազինյանին անձեռնմխելիությունից զրկելու և նրա նկատմամբ քրեական հետապնդում հարուցելու վերաբերյալ:
🗣 Այս մասին դատարանի բակում հայտնեց պաշտպան Արամ Վարդևանյանը:

⚖️ Ստոկհոլմի արբիտրաժային տրիբունալը ամբողջությամբ բավարարել է վարույթի երկատման Հայաստանի միջնորդությունը՝ Liormand Holdings Limited ընկերությունը և Կարապետյաններն ընդդեմ Հայաստանի արբիտրաժային գործով՝ հայտնում է ՀՀ կառավարությունից:
🔸 «Հայաստանը ներկայացրել էր փաստարկներ, որոնցով հիմնավորել է, որ արբիտրաժային տրիբունալի կողմից գործի քննության իրավազորությունը բացակայում է։ Միջազգային տրիբունալը բավարար հիմքեր է տեսել ՀՀ Կառավարության ներկայացրած բոլոր փաստարկները վարույթի նախնական փուլում առանձին քննության առարկա դարձնելու համար։
🔸 Հայաստանի էական փաստարկներից է այն, որ Կարապետյանները չեն բավարարում համապատասխան միջազգային համաձայնագրով ամրագրված «ներդրող» հասկացության պահանջներին, ինչպես նաև խախտել են այդ համաձայնագրի 9(2)-րդ հոդվածի պահանջները։
🔸 Այս կարևոր որոշումը հնարավոր է դարձնում, որ միջազգային տրիբունալը շատ ավելի վաղ փուլում քննարկի իրավազորության հարցերը և ամբողջությամբ մերժի Հայաստանի դեմ ներկայացված բոլոր պահանջները»,- ասվում է ՀՀ կառավարության հայտարարության մեջ: