Category: Infocom

Բողոքի ակցիան նախաձեռնող խմբի անդամ Արամ Մանուկյանը հայտնեց, որ Ազատության հրապարակից Հյուսիսային պողոտայով շարժվելու են դեպի ՄԱԿ-ի գրասենյակ՝ հանձնելու իրենց հայտարարությունն ու կոչ-պահանջը։ Դրանից հետո շարժվելու են ՌԴ-ի, Ֆրանսիայի, ըստ ամենայնի, նաեւ Իտալիայի, եւ վերջում՝ նաեւ ԱՄՆ-ի դեսպանատուն։

❗️13 ժամ շարունակ փակ է Արցախն աշխարհին կապող միակ ճանապարհը։ [ԱՀ ՆԳՆ ոստիկանություն]

❗️ 2021թ. դեկտեմբերի 31-ին ՀՀ ՊՆ N զորամասի պարտադիր ժամկետային զինծառայող Մ.Թ.-ի սպանության դեպքը բացահայտվել է։
🔎 Նշված օրը դիտակետի ներսում դիտորդի պարտականությունները կատարելու ընթացքում զրույցի ժամանակ պարտադիր ժամկետային զինծառայող Մ.Թ.-ն հայհոյանքներ է հնչեցրել համածառայող Է.Բ.-ի հասցեին։ Դրանից հետո ապօրինաբար կյանքից զրկելու դիտավորությամբ վերջինս, իրեն ամրակցված «ԱԿՄ» տեսակի ինքնաձիգի ապահովիչը դնելով մենահատ դիրքի վրա, լիցքավորել է այն և մեկ կրակոց արձակել Մ.Թ.-ի ուղղությամբ: Վերջինս գլխի շրջանում ստացած հրազենային վնասվածքից հիվանդանոց տեղափոխվելու ճանապարհին մահացել է:
📌 Ձեռք բերված բավարար ապացույցների համակցությամբ Է.Բ-ին մեղադրանք է ներկայացվել, նրա նկատմամբ խափանման միջոց է կիրառվել կալանավորումը: Գործն ուղարկվել է դատարան։ [ՀՀ ՔԿ]

Երկար զրույց գիտության շուրջ [27] Արսեն Առաքելյան | Արամ Ջիվանյան
«Երկար զրույց գիտության շուրջ» շարքի «Աշխատանքային հանդիպումներ գիտության կառավարիչների հետ» ենթաշարքի վեցերորդ թողարկմանը «Գիտուժ» նախաձեռնության անդամ Արամ Ջիվանյանը զրուցում է ՀՀ ԳԱԱ Մոլեկուլային կենսաբանության ինստիտուտի տնօրեն Արսեն Առաքելյանի հետ։
— Աֆրիկյան ժանտախտի էկոլոգիայի ուսումնասիրության ու հակավիրուսային միջոցների մշակման մասին
— Հիվանդությունների գենետիկական ռիսկերի ուսումնասիրության և դեղամիջոցների ազդեցության կանխատեսման մասին
— Հակաբիոտիկակայունության ուսումնասիրության և հետհակաբիոտիկային դարաշրջանի մասին
— Մարդու իմունային համակարգի հետազոտությունների և քաղցկեղի բուժման արդյունավետության գնահատման գործում դրանց կիրառական նշանակության մասին
— Սինթեզված նյութերի անվտանգության գնահատման մեթոդների մշակման և այդ գործընթացում արհեստական բանականության մեթոդների կիրառման մասին
— Կենսաինֆորմատիկայի կարևորության և դրա զարգացման ուղղությամբ կատարվող քայլերի մասին
— Պետության հետ համագործակցության և կորոնավիրուսային թեստերի արտադրության մասին
— Խաղողի գենետիկական ռեսուրսների անձնագրավորման մասին
— Գիտական հաստատությունների և պետական մարմինների միջև տեղեկության փոխանակման մեխանիզմների բացակայության մասին
— Ինստիտուտի զարգացման հեռանկարների, գենոմային հետազոտությունների կենտրոնի ստեղծման նպատակի մասին
— Ինստիտուտների միավորման և ակադեմիական քաղաքի ստեղծման մասին

🎓 Բրյուսովի անվան պետական համալսարանի ռեկտորի պաշտոնում 12 — 8 հարաբերակցությամբ վերընտրվել է Կարինե Հարությունյանը։
🗳 Ռեկտորի ընտրությունը վերապահված էր համալսարանի հոգաբարձուների՝ 20 հոգուց բաղկացած խորհրդին, որի նախագահն է փոխվարչապետ Համբարձում Մաթևոսյանը։ [Վալերի Բրյուսովի անվան պետական համալսարան]

🔸 Ժամը 10:42-ին ռուս-վրացական սահմանին 5․6 մագնիտուդով երկրաշարժ է տեղի ունեցել: Էպիկենտրոնային գոտում ստորգետնյա ցնցման ուժգնությունը կազմել է 7-8 բալ:
❗️ ԱԻՆ-ից հայտնում են, որ երկրաշարժը զգացվել է Տավուշի, Լոռու մարզերում 3-4 բալ և Գեղարքունիքի մարզում՝ 3 բալ ուժգնությամբ։

Արցախի նախագահի գլխավորած պատվիրակությունը աշխատանքային այցով Ֆրանսիայում էր
🔸 Արայիկ Հարությունյանը ֆրանսիացի խորհրդարանականներին ներկայացրել է նաև Արցախում տիրող հետպատերազմյան իրավիճակը: Մասնավորապես, նա նշել է, որ Արցախը կապված է Հայաստանի և արտաքին աշխարհի հետ միայն մեկ ճանապարհով՝ 5 կմ լայնություն ունեցող Լաչինի միջանցքով:
🔸 «Ադրբեջանը ցանկանում է կտրել այդ միակ և վերջին կապը արտաքին աշխարհի հետ՝ խեղդամահ անելով Արցախը: Մենք ցանկանում ենք, որ Լաչինի միջանցքն ունենա լրացուցիչ միջազգային երաշխիքներ Հայաստանի և արտաքին աշխարհի հետ Արցախի կապն անխափան ապահովելու համար»,- ասել է ԱՀ նախագահը: