Անդրանիկ Թևանյանը մտադիր է Գագիկ Ծառուկյանի հետ միասին մասնակցել ընտրություններին. թիմում այս որոշումը թեժ վիճաբանության առիթ է տվել
MakaryanNews-ի տեղեկություններով` «Մայր Հայաստան» կուսակցության ղեկավար Անդրանիկ Թևանյանը, որը Երևանի ավագանիում նաև համանուն խմբակցություն ունի, բանակցում է ԲՀԿ առաջնորդ Գագիկ Ծառուկյանի հետ, որ ընտրություններին մեկ միասնական ցուցակով հանդես գան: Հավանաբար դա կլինի դաշինքի ձևաչափով: Ասացին` երկու կուսակցությունների ղեկավարները գրեթե եկել են կոնսենսուսի, և մոտ օրերս հայտարարություն կարվի: Մնում է Թևանյանը կարողանա իր թիմին համոզել, որ Ծառուկյանի հետ ընտրությունների գնալը ճիշտ է, քանզի թիմում, մեզ հասած տեղեկություններով, Թևանյանի այս որոշումը ոչ միանշանակ է ընդունվել, ինչի պատճառով լարվածություն է առաջացել հատկապես «Մայր Հայաստան» խմբակցության անդամների միջև:
Մեզ ասացին` թիմում երկու մասի են բաժանվել այս հարցում, «Մայր Հայաստանի» կորիզը կազմող անդամներից ոմանք կտրուկ դեմ են այս որոշմանը, ոմանք` կողմ: Ավելին, բանը հասել է անգամ նրան, որ ավագանու անդամներից մի քանիսի միջև թեժ վիճաբանություն և լուրջ ընդհարում է ծագել այս հարցի շուրջ:
«Մայր Հայաստանից» տարբեր անդամներ այս թեմայով մեզ հետ զրույցում խուսափողական պատասխաններ տվեցին` չցանկանալով մանրամասնել, թե ինչ է խմորումներ են տեղի ունենում թիմում, միայն առաջարկեցին մի քանի օր սպասել, և ամեն ինչ պարզ կդառնա` ըստ էության չհերքելով Թևանյան-Ծառուկյան բանակցությունների և հավանական դաշինքի մասին մեր տեղեկությունները:
Վահե ՄԱԿԱՐՅԱՆ
@MakaryanNews
MakaryanNews-ի տեղեկություններով` «Մայր Հայաստան» կուսակցության ղեկավար Անդրանիկ Թևանյանը, որը Երևանի ավագանիում նաև համանուն խմբակցություն ունի, բանակցում է ԲՀԿ առաջնորդ Գագիկ Ծառուկյանի հետ, որ ընտրություններին մեկ միասնական ցուցակով հանդես գան: Հավանաբար դա կլինի դաշինքի ձևաչափով: Ասացին` երկու կուսակցությունների ղեկավարները գրեթե եկել են կոնսենսուսի, և մոտ օրերս հայտարարություն կարվի: Մնում է Թևանյանը կարողանա իր թիմին համոզել, որ Ծառուկյանի հետ ընտրությունների գնալը ճիշտ է, քանզի թիմում, մեզ հասած տեղեկություններով, Թևանյանի այս որոշումը ոչ միանշանակ է ընդունվել, ինչի պատճառով լարվածություն է առաջացել հատկապես «Մայր Հայաստան» խմբակցության անդամների միջև:
Մեզ ասացին` թիմում երկու մասի են բաժանվել այս հարցում, «Մայր Հայաստանի» կորիզը կազմող անդամներից ոմանք կտրուկ դեմ են այս որոշմանը, ոմանք` կողմ: Ավելին, բանը հասել է անգամ նրան, որ ավագանու անդամներից մի քանիսի միջև թեժ վիճաբանություն և լուրջ ընդհարում է ծագել այս հարցի շուրջ:
«Մայր Հայաստանից» տարբեր անդամներ այս թեմայով մեզ հետ զրույցում խուսափողական պատասխաններ տվեցին` չցանկանալով մանրամասնել, թե ինչ է խմորումներ են տեղի ունենում թիմում, միայն առաջարկեցին մի քանի օր սպասել, և ամեն ինչ պարզ կդառնա` ըստ էության չհերքելով Թևանյան-Ծառուկյան բանակցությունների և հավանական դաշինքի մասին մեր տեղեկությունները:
Վահե ՄԱԿԱՐՅԱՆ
@MakaryanNews