Category: Makaryan News

Պետության հետ «հանցավոր» համաձայնության մի´ եկեք, դուրներդ չի՞ գալիս` գնացեք Հայաստանից. Արփինե Հովհաննիսյանը` «Վեոլիա ջրին» (տեսանյութ)

Աշոտյան, սուտ է և ազնիվ չէ. Աղվան Վարդանյան
Երկար մտածում էի՝ խոսե՞մ, թե չէ: Երբ մարդուն գնահատում ես, չես ուզում կորցնել։ Մինչեւ նա չի խախտում այս պարզ, մարդկային օրենքը: Գիտեմ՝ խոսելը բան չի փոխելու, բայց չխոսես, կմտածեն՝ պատասխան չեղավ, հաջորդ անգամ ավելին թույլ կտան իրենց։ Այլեւս երկու հոգու մեջ մարդկային ոչինչ չի մնա: Քանի որ գնահատում եմ՝ պատասխանեմ:
Անցած շաբաթ օրը Գյումրիում էինք՝ «Հայաստան» դաշինքի պատգամավորներով: Ժողովրդի հետ հանդիպում, դահլիճում՝ մոտ 400 քաղաքացի: Հարցուպատասխանին մեկը ասում է՝ ինչո՞ւ ճշմարտությունը չեք ասում, ինչո՞ւ չեք ասում, որ էս խեղկատակին (բնականաբար Ն.Փ.-ին նկատի ունի) բերել են առաջին ու երրորդ նախագահը: Ավագի իրավունքով վերցնում եմ բարձրախոսը:
-Անունդ ի՞նչ է,- հարցնում եմ: -Մնացական:
Մնացական ջան, ասում եմ, մենք ի՞նչ ենք անում էստեղ, ինչի՞ց ենք խոսում: Ասում ենք՝ էս չարիքը պետք է հեռացնենք: Նպատակը սա է, խնդիր ունենք լուծելու: Էսօր մենք բանակցում-քննարկում ենք ընդդիմադիր բոլոր ուժերի հետ, ձեզ հետ՝ ի՞նչ քայլեր անենք միասին, ինչպե՞ս գլխավոր խնդիրը լուծենք: Հիմա մեզ ի՞նչ է տալու անցյալը փորփրելը: Հիմա պետք է ոչ թե հետ, այլ՝ առաջ նայել, որ նպատակն իրագործվի, խնդիրը լուծվի: Մենք էլ շատ բան ենք տեսել, շատ բան գիտենք, բայց դրա ժամանակը չէ, անիմաստ է: Էդպիսի կարծիք ունեցողներ կան, կասկածներ կան, հեռացնենք, հետո կխոսենք։ Հիմա խնդիրը լուծելու ժամանակն է:
Համաձա՞յն ես, Մնացական,- ասում եմ ու չսպասելով պատասխանի՝ համաձայն ես, ասում եմ: Դահլիճը ծափահարում է:
Հաջորդ օրը ինձ են ուղարկում Արմեն Աշոտյանի (արդեն ասել եմ ՝գնահատելի մարդու) լայվը՝ «Ո՞վ է բերել Նիկոլին» վերնագրով: Ասում է՝ «Հայաստան» դաշինքից Աղվան Վարդանյանը բեմադրված հարցի է պատասխանում: Սուտ է ասում:
Ինքը լավ գիտի՝ ո՛չ ներկուսակցական, ո՛չ այլ բեմադրությունների չեմ մասնակցում: Գյումրեցի մարդը հարց է տվել. ի՞նչ բեմադրված: Բայց որ սուտն ասել է, էլ չի կարողանում կանգնել։ Առանց անունները տալու՝ սկսում է Նիկոլին բերելու մեջ մեղադրել «Հայաստան» դաշինքի ներկա բոլոր պատգամավորներին՝ Աննա Գրիգորյանին, Սեյրան Օհանյանին, Լևոն Քոչարյանի ընտանիքին, դաշնակցականներ Իշխան Սաղաթելյանին, Քրիստինե Վարդանյանին, Արթուր Խաչատրյանին: Ու ոգևորված եզրակացնում՝ ավելի մեծ մեղավորներ չկան:
Հետո էլ ուրախ չարախնդում է, թե ընդդիմադիր դաշտում «Հայաստան» դաշինքն այլեւս առաջին ջութակ չէ ու հորդորում է՝ հեռու խաղալ «Հանրապետական» կուսակցությունից:
Լայվը լսելուց հետո զանգում եմ Աշոտյանին, մտերմաբար, ինձ նման մի քիչ կոպիտ ասում եմ՝ ինչ մտածում եմ եւ ինչ եմ պատասխանել քաղաքացուն:
Ասում է՝ ես «Հանրապետական» կուսակցության փոխնախագահն եմ:
Ուշադիր լսիր, Աշոտյան, «Հանրապետականի» հետ ոչ մոտ, ոչ հեռու խաղալու ցանկություն չունեմ: Խնդիր կա լուծելու, որոշեք՝ մասնակցում ե՞ք, թե չէ: «Հայաստան» դաշինքին, նախագահ Քոչարյանին թիրախավորելը գերնպատակ մի դարձրեք: Շատ եք արել։
Առաջին, երկրորդ, հինգերորդ ջութակի թեմա էլ չկա: Կա նպատակ, կա խնդիր, կա լուծում։ Մենք դրանով ենք զբաղված:
Լավ է, որ «Հանրապետական» կուսակցության փոխնախագահն ես, բայց վատ է, որ սուտ ու պարտադրված ես խոսում: Մի վտանգավոր միտք էլ՝ վատն է այն փոխնախագահը, ով չի ուզում նախագահ դառնալ:
Ավարտեցի։ Այսքանը։ Վերջ։
Աղվան Վարդանյան

ՆԳ նախարարի ազատված տեղակալները նշանալվել են նախարարի օգնական ու խորհրդականներ.
ՀՀ ներքին գործերի նախարարի հրամաններով․
ՀՀ ՆԳՆ ոստիկանության քրեական ոստիկանության գլխավոր վարչության պետ, ոստիկանության պետի տեղակալ, ոստիկանության գնդապետ Վարդան Վարդանյանն ազատվել է պաշտոնից։ Նույն պաշտոնին նշանակվել է ոստիկանության գնդապետ Արթուր Բարսեղյանը։
ՀՀ ՆԳՆ ոստիկանության համայնքային ոստիկանության գլխավոր վարչության պետ, ոստիկանության պետի տեղակալ, ոստիկանության գնդապետ Կարեն Հակոբյանը ազատվել է պաշտոնից։ Ոստիկանության գնդապետ Կարեն Խաչատրյանը նշանակվել է ՀՀ ՆԳՆ ոստիկանության համայնքային ոստիկանության գլխավոր վարչության պետի պարտականությունները կատարող։
ՀՀ ՆԳՆ ոստիկանության պարեկային ծառայության պետ, ոստիկանության պետի տեղակալ, ոստիկանության գնդապետ Արթուր Խուդինյանը ազատվել է զբաղեցրած պաշտոնից։ Նույն պաշտոնին նշանակվել է ոստիկանության փոխգնդապետ Գևորգ Զաքարյանը։
Ներքին գործերի նախարարի այլ հրամաններով․
Վարդան Վարդանյանը նշանակվել է ՀՀ ՆԳ նախարարի խորհրդական։
Կարեն Հակոբյանը նշանակվել է ՀՀ ՆԳ նախարարի խորհրդական։
Արթուր Խուդինյանը նշանակվել է ՀՀ ՆԳ նախարարի օգնական։

Ի դեպ, Սեյրան Օհանյանի կինը իր ու քրոջ դեմ հարուցված քրեական վարույթը դատարան ուղարկելուց կարճ ժամանակ անց լուսանկար է հրապարակել Փարիզի իր սիրելի սրճարանից, որտեղ տիկին Ռուզաննան Hermes Birkin սերիայի 52 հազար դոլարանոց պայուսակով է, որը կոկորդիլոսի կաշվիվ կարված սահմաբափակ քանակությամբ նմուշ է: Համենայնդեպս, այս պայուսակը eBay-ում այս պահին վաճառվում է 52.000$-ով, իսկ ռուսական կայքերից մեկում էլ դրա գինը 10 մլն ռուբլի է` մոտ 120 հազար դոլար:
Իհարկե, նախկին նախարարի կինը կարող է ասել, որ սա օրիգինալ Hermes չէ` ֆեյք է, ինչին մի քիչ դժվար է հավատալ, քանզի նրան ճանաչողները վստահ են, որ Ռուզաննա Խաչատրյանն այն «կլասի» կին չէ, որ իրեն թույլ տա էժանագին ֆեյք հագուստ կամ պայուսակ կրել, բայց եթե նույնիսկ դա այդպես է, ապա դա ևս պատիվ չի բերում տիկին Ռուզաննայի նման բարձրաճաշակ և հարձրաշպարհիկ տիկնոջը: Այլ կերպ ասած` ու՞մ է մոլորեցնում ֆեյք պայուսակ կրելով, մե՞զ, հանրությա՞նը, թե՞ իր շրջապատի էլիտար կանանց:
Հետո էլ կասեն` ոնց եղավ, որ Նիկոլի նմանը եկավ իշխանության. հենց այսպես` նախկինների ու նրանց կանանց կողմից այսպես թանկարժեք պայուսակներ կրելու, շքեղ առանձնատներ կառուցելու, թանկարժեք մեքենաներ գնելու շնորհիվ, արդյունքում և հետևանքով:
Ի դեպ, նիկոլական տիկնայք, որոնցից շատերը նախկինում կերազեին անգամ Մալաթիայի տոնավաճառից թուրքական մի քիչ նորմալ պայուսակ ու շոր գնելու մասին, այսօր ուղիղ մրցակցության մեջ են Սեյրան Օհանյանի տիկնոջ ու այլ մեծահարուստ կանանց հետ և հոգու խորքում ձգտում են իրենք էլ Hermes-ի Birkin պայուսակ կրել: Որոշները այս յոթ տարում գուցե արդեն հասել են այդ մակարդակին, բայց շատերը դեռ շարունակում են նախանձել Ռուզաննա Խաչատրյանին և այլ նախկին պաշտոնյաների կանանց: Ճիշտ եմ ասում, չէ՞, տիկին Գալյան ))