Category: Makaryan News

Իսկ գլխավոր դատախազությունը էս մարդու (Միհրան Դավթյանի) որդուց` ՊԵԿ օպերվարչության պետի տեղակալ, մի կերպ աշխատավարձով ծերը ծերին հասցնող և ահավոր ազնիվ ու մաքրամաքուր անձնավորություն Սարգիս Դավթյանից ոչինչ չունի՞ պահանջելու:
Իսկ Դուք ի՞նչ կասեք, պարոն Հակոբյան, պե՞տք է Ձեր նշանակած կադրից ինչ-որ բան պահանջել, թե՞ բոլորից ինքն է պահանջում, իրենից արգելված է պահանջել: Ի դեպ, Ձեր կարծիքով` Սարգիս Դավթյա՞նն է ավելի ազնիվ, անկաշառ, չափազանց հակակոռուպցիոներ պաշտոնյա, թե՞ Ձեր սիրելի Գառնիկը, որը արձակուրդը արձակուրդի հետևից է գնում, Ձեզ էլ ինադ է արել ու դիմում չի գրում:

Արմեն Աշոտյանը ինչ ասում է, ճիշտ է ասում` կոնկրետ իրենց նախկին, հետո Նիկոլի ժամանակավոր կոալիցիոն դաշնակների, այդ կուսակցությունից միակ ու կյանքում մի անգամ ճիշտ բան ասած ու սովորության համաձայն մուտիտ չարած «ընկեր» Աղվանի ու քոչարյանականների մասին` առհասարակ:
Բայց պարոն Աշոտյանը ճշմարտության կեսն է ասում միայն, էն մյուս կեսի մասին, որ վերաբերում է իրենց` չի խոսում: Փոխարենը դրա մասին խոսել է իրենց երբեմնի թիմակից Միհրան Պողոսյանը` խոստովանելով այն բացահայտ ճշմարտությունը, որի մասին ես հիշեցրել էի նորից, ու որի մասին հարգարժան Աշոտյանն ու մյուս ՀՀԿ-ականները նրբորեն լռում են կամ շրջանցում այդ թեման` մեղքը նորից բարդելով ժողովրդի վրա:
Ի դեպ, հուսով եմ` Միհրան Պողոսյանը փոշմանել է քաղաքական որոշման ներքո իր կատարած ճակատագրական սխալի համար, մնում է` քաղաքական որոշում կայացնողները վերջապես ընդունեն, որ սխալվել են և մեղքերի թողություն խնդրեն:
Այ էս կիսաճշմարտության ծիրում էլ մաղթեմ բարի գիշեր ու ճշմարիտ երազներ բոլորիդ 😍

Հայ վարորդները մեկ շաբաթից ավելի է` Վրաստանում կանգնած են, մեկը չկա` էս մարդկանց հարցով զբաղվի, իսկ Հայաստանի էկոնոմիկայի ապաշնորհ նախարարը, իր բան ու գործը թողած, ֆեյսբուքում ինչ-որ կասկածելի վիճակագրություն հրապարակելով է զբաղված:
Ու մեկը չկա` էս մարդուն հուշի, որ ինքը Վիճակագրական կոմիտեի նախագահը չի, հերիք է անկապ թվեր հրապարակի, գնա բեռնափոխադրողների հարցերով զգաղվի, ա´յ ընկեր, մարդիկ կոտորվան քո ապաշնորհ կառավարման ձեռքը:

⚡️«Կար քաղաքական որոշում». ո՞վ է բերել Նիկոլին
Էս հարցը շատ են տալիս ու Նիկոլին բերելու մեջ միմյանց մեղադրում ընդդիմադիր տարբեր իրարամերժ բևեռներ: Նոր տեսա` իմ հարցազրույցի էս հատվածը նորից է պտտվում համացանցում, որոշեցի ես էլ էստեղ տեղադրեմ ու հիշեցնեմ` ով կամ ովքեր են կոնկրետ մարդու որոշմամբ 2018-ին քվեարկել Նիկոլի օգտին և նրան բերել կապել մեր ջանին:
Միևնույն ժամանակ չմոռանանք նաև, թե դրանից հետո ովքեր, որ ուժերն են, սովորության կամ խասյաթի համաձայն, նորից վազել ու կոալիցիա կազմել, այս անգամ` Նիկոլի հետ, քանզի ով էշ` իրենք փալան, ով իշխանություն` իրենք կոալիցիա. առանց դրա կյանք չունեն:
Էնպես որ, մի´ կռվեք, հարգելի կոալիցիոն և կոնկուրենտ օֆիսներ, երկուսդ էլ ահավոր ճիշտ եք: Չե՞ք հավատում` Ազատիչին հարցրեք 😜