Category: Մայր Հայաստան

‼Անդրանիկ Թևանյանի և Արեգնազ Մանուկյանի գործով նախնական դատալսումների առաջին դատական նիստը տեղի կունենա սեպտեմբերի 8-ին՝ ժամը 16։30-ին։ Քննարկվելու է նաև խափանման միջոցի հարցը։
📍ԵՐԵՎԱՆ ՔԱՂԱՔԻ ԱՌԱՋԻՆ ԱՏՅԱՆԻ ԸՆԴՀԱՆՈՒՐ ԻՐԱՎԱՍՈՒԹՅԱՆ ՔՐԵԱԿԱՆ ԴԱՏԱՐԱՆ (Տիգրան Մեծի պող., 23/1 շենք)

Արեգնազ Մանուկյանի ուղերձը՝ «Աբովյան» ՔԿՀ-ից
———
Օրեր առաջ հայտնի դարձավ, որ Անդրանիկ Թևանյանի և իմ դեմ շինծու գործով առաջին դատական նիստը տեղի կունենա սեպտեմբերի 8-ին՝ կալանքիս ժամկետը լրանալու նախորդ օրը, ինչը նշանակում է, որ միտումնավոր այնպես ձգձգեցին գործընթացները, որ երկամսյա կալանքի մինչև վերջին օրը հնարավորություն չունենամ թեկուզ մեկ օր շուտ ազատության մեջ լինել։
Իրապես ակնկալիք չունեմ ձևով իրավական, բայց բովանդակությամբ քաղաքականացված (եթե կուզեք՝ նիկոլականացված) դատական համակարգից։ Նվազագույն ակնկալիքս է, որ դատավարությունը լինի բաց և թափանցիկ, որպեսզի հանրությունն անմիջականորեն կարողանա տեսնել այս «գործի» ամբողջ աբսուրդը։
Իսկ իմ դիրքորոշումներում ոչինչ չի փոխվել։ Ես չեմ համագործակցում ինչպես օտարերկրյա գործակալների, այնպես էլ ազգային անվտանգությամբ չզբաղվող ծառայության հետ։
Ուժ, համբերություն և Աստծո օրհնությունը մեր երկրին։
Ազատություն բոլոր քաղբանտարկյալներին
Ազատություն Հայաստանի Հանրապետությանը
Արեգնազ Մանուկյան
«Աբովյան» ՔԿՀ
07․09․2026թ․

Բաց և արդար դատավարության պահանջով բողոքի ակցիա՝ ԲԴԽ-ի դիմաց
https://www.youtube.com/live/SUOj2lhVjSg?si=5w_9T6olGtme_olk

Նիկոլ Փաշինյանին թվացել է, թե Պուտինի տեղը Գիքորն է նստած
———
Պուտին-Փաշինյան հանդիպման մանրամասները վերլուծում են քաղաքագետներ Ստեփան Դանիելյանը, Երվանդ Բոզոյանն ու Դերենիկ Մալխասյանը։
https://youtu.be/GJsL3-hj8Cw?si=LvjBr-T5tMn5nJg9

Եթե կար պետական գաղտնիք, ապա դա պահում էին հայ ժողովրդից, այլ ոչ թե Ադրբեջանից կամ Ռուսաստանից։

Քաղբանտարկյալ Անդրանիկ Թեւանյանի ուղերձը կալանավայրից. դատավարությանն ընդառաջ
—-
Հարգելի՛ հայրենակիցներ,
Նախընտրական փուլում քաղաքացի Նիկոլ Փ․-ն հանրահավաքային հարթակից գեբելսյան ոճի սուտ հնչեցրեց և ապօրինաբար հրահանգեց իմ դեմ գործ կարել․ ես կալանավորվեցի։
Գողն ամենաբարձրն էր գոռում՝ «բռնե՛ք գողին»։ Իմ մասին տարածվող մեծ և լկտի ստերն օրվա իշխանությունները, այլ հարցերից զատ, օգտագործում էին ահասարսուռ վերնագրեր ստանալու, հիմնական ընդդիմադիր ուժերից մեկի քվեն գողանալու և աննախադեպ ընտրակեղծիքներ նախապատրաստելու համար։ Այսինքն՝ մեզանից մանդատագողությունը տեղի է ունեցել ոչ թե հունիսի 7-ից հետո՝ Կենտրոնական ընտրական հանձնաժողովի և Սահմանադրական դատարանի ապօրինի որոշումներով, այլ ավելի շուտ, երբ մեր դեմ տեղեկատվական ահաբեկչություն սանձազերծվեց։
Դրանից հետո կեղծարարությունը դարձավ արդեն տեխնիկայի ու ցինիզմի աստիճանի հարց։ Ընտրություններին մասնակցող ընդդիմադիր ուժերը, ցավոք, միասնական և համարժեք ձևով չարձագանքեցին Նիկոլ Փ․-ի այդ ճչացող ապօրինի գործողություններին, մինչդեռ ակնհայտ էր, որ զանգը հնչում էր ոչ միայն իմ, «Մայր Հայաստանի» կամ «Բարգավաճ Հայաստանի», այլև բոլորի համար։
Այդպիսով բացվում էր իշխանագողության և հետընտրական քաղաքական հետապնդումների նոր ալիքի, շոու-կալանավորումների ճանապարհը։
Ինչևէ, ես շնորհակալ եմ բոլոր այն քաղաքական ուժերին, հասարակական գործիչներին, մտավորականներին, լրագրողներին, պարզ մարդկանց, ովքեր չլռեցին, պետական դավաճանի կողմից ինձ վերագրվող դավաճանության ու լրտեսության լկտի սուտը կուլ չտվեցին և դրսևորեցին քաղաքացիական, բարոյական վարքագիծ՝ դատապարտելով աղաղակող այդ ապօրինությունը և չվախենալով տեղեկատվական գրոհներից։
Մանրամասները՝ այստեղ
https://youtu.be/Zm5770ji_TI?si=R12-ZX7jQSOcjUde

Աստված չանի Պուտինի ասածն իրականություն դառնա․ մղձավանջ է սպասվում․ Մանուկ Սուքիասյան
https://www.youtube.com/watch?v=dv1ZK2atWMg