Category: Մայր Հայաստան

Պաշտպանենք մեր Եկեղեցին և մերժենք օրվա չարաբաստիկ իշխանությանը. Անդրանիկ Թևանյան

Թույլ չտալ 2021-ի կրկնություն
______________

Նիկոլ Փաշինյանը 2021-ի խորհրդարանական ընտրությունների ժամանակ հանդես էր գալիս որպես «խաղաղության» կուսակցության ներկայացուցիչ և հակաօլիգարխիկ, դասակարգային պայքարի առաջամարտիկ (որպես խորհրդանիշ ընտրել էր մուրճը): Նա խոստանում էր Արցախի ինքնորոշման իրավունքի պաշտպանություն, Շուշիի, Հադրութի դեօկուպացիա: Նաև խոստանում էր հակաօլիգարխիկ պայքար մղել: Խաբեց: Ինչպես միշտ: Արցախը հանձնեց Ադրբեջանին ու կառուցեց սուպերօլիգարխիկ համակարգ՝ թալանը հասցնելով աննախադեպ չափերի:
Հիմա նույն բանն է ուզում անել ու 2026-ի ընտրությունների ժամանակ նույն ձևով ուզում է խաբել: Այս անգամ հարվածի տակ է դնում Հայաստանը: Նիկոլի բերած «խաղաղությունը» արցախյան տարբերակով է լինելու:
Ընդդիմության խնդիրը պետք է լինի 2021-ի կրկնություն թույլ չտալը: Իսկ դա նշանակում է համախմբված պայքար, սխալների ուղղում, հատվածական շահերի բացառում:
Մարդկանց պետք է հստակ բացատրել, թե ինչ է ստացվելու Նիկոլի բերած «խաղաղության» դեպքում և ինչ այլընտրանք կա:
Հանրությունը պատրաստ է Նիկոլ Փաշինյանի մերժմանը: Մնում է, որ քաղաքական ուժերը առաջնային համարեն իշխանափոխությունը, այլ ոչ թե պատգամավորական մանդատ ձեռք գցելը:
«Մայր Հայաստան» կուսակցության նախագահ Անդրանիկ Թևանյանի ֆեյսբուքյան էջից

Այսօր հանդիպում է տեղի ունեցել «Մայր Հայաստան» կուսակցության և Հայ Հեղափոխական Դաշնակցության ղեկավար կազմերի ներկայացուցիչների միջև:
Քննարկվել են մեր երկրի առաջ ծառացած ներքին ու արտաքին մարտահրավերներին և այդ մարտահրավերների հաղթահարման գործում ջանքերի մեկտեղման հնարավորություններին վերաբերող հարցեր:
Հայ Առաքելական Սուրբ Եկեղեցու պաշտպանության, քաղբանտրակյալների իրավունքների պաշտպանության, ՀՀ քաղաքացիների շահերի պաշտպանության, ընտրությունների ընթացքի վերահսկման, ընտրակեղծիքներ թույլ չտալու, ընդդիմադիր դաշտում միմյանց չթիրախավորելու, իշխանափոխությանը միտված քայլերի ներդրման հարցերում կան մոտեցումների ընդհանրություններ:
Պայմանավորվածություն է ձեռք բերվել խորհրդակցությունները դարձնել պարբերական:
26.12.2025թ.

«Մայր Հայաստանն» առաջակում է Երևանում փողոց անվանակոչել Նիկիտա Սիմոնյանի անունով
https://www.youtube.com/watch?v=S5TqUYG98CY

Հայաստանի մէջ կ’ընթանայ աշխարհաքաղաքական պայքար, որ չունի կանոններ. Ստեփան Դանիէլեան
——
Հայրենիք Լրատուն-ի Բացառիկ Հարցազրոյց՝ Քաղաքագէտ Ստեփան Դանիէլեանի հետ:
https://www.youtube.com/watch?v=myJBND1f9SM

Даниелян: провал захвата Эчмиадзина может лишить власть шансов на выборы-2026 | Царьград. Армения | Дзен
https://dzen.ru/a/aUxBKoCIY1oDluQa

Հարգելի՛ հայրենակիցներ,
«Մայր Հայաստանը» մասնակցելու է դեկտեմբերի 28–ին՝ կիրակի օրը, ժամը 11։00–ին Մայր Տաճարում տեղի ունենալիք պատարագին։
Սատարե՛նք Հայ Առաքելական Սուրբ Եկեղեցուն և պաշտպանե՛նք մեր Եկեղեցին թուրք–ադրբեջանական հարձակումներից։

Նիկոլ Փաշինյանի փամփուշտները
——————————
Նիկոլ Փաշինյանը 2026–ի ընտրությունների ժամանակ ՀՀ քաղաքացիների վրա տեղեկատվական զենք է կիրառելու։ Ավելի ճիշտ՝ արդեն կիրառում է։
Նա ունի երկու փամփուշտ՝ սուտը և վախը։
Խաբելու է, թե, իբր, խաղաղություն է բերելու։ Նրան այդ հարցում օգնելու են Հայաստանն «արևմտյան Ադրբեջանի» վերածելու ծրագիր ունեցող Էրդողանն ու Ալիևը։
Փաշինյանը նաև վախ է տարածելու։ Պատերազմի ագռավը փորձելու է վախեցնել, թե, իբր, իր իշխանության չվերարտադրման դեպքում պատերազմ կլինի։ Այս հարցում նույնպես նրան օգնելու են Էրդողանն ու Ալիևը։
Սուտն ու վախը նոր պատերազմի ու նոր կորուստների համար հող նախապատրաստող փամփուշտներն են։ Ինչպես որ Արցախի դեպքում եղավ 2021–ի ԱԺ ընտրությունների շրջանակներում։
ՀՀ քաղաքացիների և պետականակենտրոն քաղաքական ուժերի խնդիրն այս փամփուշտները հետ մղելն ու իրական խաղաղության օրակարգով, զարգացման իրատեսական ծրագրով Նիկոլին պատմաքաղաքական աղբանոց ուղարկելն է։
«Մայր Հայաստան» կուսակցության նախագահ Անդրանիկ Թևանյանի ֆեյսբուքյան էջից