Category: Մայր Հայաստան

Նիկոլ Փաշինյանին թվացել է, թե Պուտինի տեղը Գիքորն է նստած
———
Պուտին-Փաշինյան հանդիպման մանրամասները վերլուծում են քաղաքագետներ Ստեփան Դանիելյանը, Երվանդ Բոզոյանն ու Դերենիկ Մալխասյանը։
https://youtu.be/GJsL3-hj8Cw?si=LvjBr-T5tMn5nJg9

Եթե կար պետական գաղտնիք, ապա դա պահում էին հայ ժողովրդից, այլ ոչ թե Ադրբեջանից կամ Ռուսաստանից։

Քաղբանտարկյալ Անդրանիկ Թեւանյանի ուղերձը կալանավայրից. դատավարությանն ընդառաջ
—-
Հարգելի՛ հայրենակիցներ,
Նախընտրական փուլում քաղաքացի Նիկոլ Փ․-ն հանրահավաքային հարթակից գեբելսյան ոճի սուտ հնչեցրեց և ապօրինաբար հրահանգեց իմ դեմ գործ կարել․ ես կալանավորվեցի։
Գողն ամենաբարձրն էր գոռում՝ «բռնե՛ք գողին»։ Իմ մասին տարածվող մեծ և լկտի ստերն օրվա իշխանությունները, այլ հարցերից զատ, օգտագործում էին ահասարսուռ վերնագրեր ստանալու, հիմնական ընդդիմադիր ուժերից մեկի քվեն գողանալու և աննախադեպ ընտրակեղծիքներ նախապատրաստելու համար։ Այսինքն՝ մեզանից մանդատագողությունը տեղի է ունեցել ոչ թե հունիսի 7-ից հետո՝ Կենտրոնական ընտրական հանձնաժողովի և Սահմանադրական դատարանի ապօրինի որոշումներով, այլ ավելի շուտ, երբ մեր դեմ տեղեկատվական ահաբեկչություն սանձազերծվեց։
Դրանից հետո կեղծարարությունը դարձավ արդեն տեխնիկայի ու ցինիզմի աստիճանի հարց։ Ընտրություններին մասնակցող ընդդիմադիր ուժերը, ցավոք, միասնական և համարժեք ձևով չարձագանքեցին Նիկոլ Փ․-ի այդ ճչացող ապօրինի գործողություններին, մինչդեռ ակնհայտ էր, որ զանգը հնչում էր ոչ միայն իմ, «Մայր Հայաստանի» կամ «Բարգավաճ Հայաստանի», այլև բոլորի համար։
Այդպիսով բացվում էր իշխանագողության և հետընտրական քաղաքական հետապնդումների նոր ալիքի, շոու-կալանավորումների ճանապարհը։
Ինչևէ, ես շնորհակալ եմ բոլոր այն քաղաքական ուժերին, հասարակական գործիչներին, մտավորականներին, լրագրողներին, պարզ մարդկանց, ովքեր չլռեցին, պետական դավաճանի կողմից ինձ վերագրվող դավաճանության ու լրտեսության լկտի սուտը կուլ չտվեցին և դրսևորեցին քաղաքացիական, բարոյական վարքագիծ՝ դատապարտելով աղաղակող այդ ապօրինությունը և չվախենալով տեղեկատվական գրոհներից։
Մանրամասները՝ այստեղ
https://youtu.be/Zm5770ji_TI?si=R12-ZX7jQSOcjUde

Աստված չանի Պուտինի ասածն իրականություն դառնա․ մղձավանջ է սպասվում․ Մանուկ Սուքիասյան
https://www.youtube.com/watch?v=dv1ZK2atWMg

Հայաստանի արցախացման վտանգներն ու Անդրանիկ Թևանյանի բանտրակությունը
———-
Արցախի հայաթափման ու ադրբեջանականացման վերջին արարի սկիզբը դրվեց Պրահայում՝ 2022 թ. հոկտեմբերի 6-ին։ Առաջին անգամ Արցախի դեմ եվրաադրբեջանական պրահյան դավադրության մասին ահազանգեց հենց Անդրանիկ Թևանյանը։ Արցախի հայաթափումը կանխել չհաջողվեց, հիմա Անդրանիկ Թևանյանն ահազանգում է Հայաստանի արցախացման վտանգի մասին։ Եվ բանտում հայտնվելու պատճառներից մեկն էլ նրա՝ իշխանությունների կործանարար քաղաքականությունը մերկացնող գնահատականներն ու վերլուծություններն են։
Անգամ դատելով նրա դեմ կարված շինծու քրեական գործի քաղաքական ենթատեքստից՝ Անդրանիկ Թևանյանը փաստացի մեղադրվում է՝
• ընդդիմադիր գործունեություն ծավալելու և իշխանափոխությանն ուղղված ջանքեր գործադրելու, այդ թվում՝ Գյումրիում ՔՊ-ի իշխանազրկմանը նպաստելու,
• հայ-ռուսական ռազմավարական և դաշնակցային հարաբերություններին կողմ լինելու, այդ հարաբերությունները փչացնող փաշինյանական իշխանության դեմ ռուսական փորձագիտական ու քաղաքական շրջանակների մասնագիտական աջակցությամբ քայլեր իրականացնելու,
• թուրք-ադրբեջանական օրակարգը սպասարկող ՀՀ օրվա իշխանության քաղաքականությունը չընդունելու,
• սահմանագծման ու սահմանազատման անվան տակ Ադրբեջանի օգտին Հայաստանի միակողմանի զիջումներին դեմ լինելու,
• Հայաստանից ռուսական ռազմաբազան դուրս բերելուն դեմ լինելու,
• Դոնբասի հայ համայնքի հրավերով «Մայր Հայաստանի» հումանիտար այց կատարելու,
• Հայաստանն աշխարհաքաղաքական բախումների թատերաբեմ և հայ ժողովրդին մանրադրամ դարձնելուն դեմ լինելու համար։
«Մայր Հայաստան» կուսակցության վարչության անդամ Դերենիկ Մալխասյան

«Ի վնաս Հայաստանի աշխարհաքաղաքական փոփոխություններ են տեղի ունենում»․ Ստեփան Դանիելյան
Ամբողջական հոդվածը կարող եք կարդալ այս հասցեով՝ https://www.aravot.am/2026/09/01/1577241/

Ընդդիմությունը «Երևան-Կենտրոն» քրեակատարողական հիմնարկում այս պահին շատ ավելի ուժեղ կազմով է ներկայացված, քան՝ խորհրդարանում։
Ռոբերտ Քոչարյան, Անդրանիկ Թևանյան, Գագիկ Ծառուկյան․ մեկը հրաժարվել է մանդատից, մյուս երկուսից պատգամավորական մանդատները գողացվել են։
«Մայր Հայաստան» վարչության անդամ Դերենիկ Մալխասյանի ֆեյսբուքյան էջից