Category: Պաշտպանություն

Ի պատասխան «Երևանի զորամասերից մեկի կանանց գումարտակում տեղի ունեցած դեպքի» վերաբերյալ ԶԼՄ հարցումների՝ հայտնում ենք, որ ս/թ սեպտեմբերի 23-ին N զորամասի պայմանագրային զինծառայողը ՀՀ ՊՆ ռազմական ոստիկանությունում առերևույթ հանցանքի մասին հաղորդում է ներկայացրել, որը ուղարկվել է նախաքննական մարմին` քրեական վարույթ նախաձեռնելու հարցը լուծելու նպատակով:
ՊՆ

Բաքվի դատարանում այսօր քննության առարկա էր Ապրիլյան պատերազմի և Հուլիսյան մարտերի օրերին ադրբեջանցի գեներալ Փոլադ Հաշիմովի ոչնչացման թեման։

Ալիևը «Գյանջայի դեպքերով» Հայաստանի և ՀՀ զինված ուժերի դեմ պայքարը չի դադարեցնելու. Փաշինյանը սեփական աթոռը պահելու աջակցություն է խնդրում։
■ Իսկ Ալիևն իրենց շեհիդների հիշատակը հարգելու համար այցելել էր 44-օրյայից հետո կառուցված Գյանջայի հուշահամալիր, որի նպատակն է՝ հիշեցնել «Գյանջայի դեպքերի» և «ՀՀ զինված ուժերի հրթիռային հարվածների մասին Հայաստանի տարածքից»:
Ավելի ուշ ադրբեջանական լրատվամիջոցները մանրամասներ էին հայտնել, որ Ադրբեջանի նախագահը Գյանջայի հուշահամալիրում հանդիպել է փոքրիկ Նիլա Ալիևային և նրա պապիկին, ում ծնողներն իբր «սպանվել են Հայաստանի տարածքից հրթիռային հարվածից»:
Ավելի ուշ ադրբեջանական «Ազերթաջը» նույնիսկ հարցազրույց է արել աղջկա հետ:
Ադրբեջանական քարոզչամեքենան այս համատեքստում հերթական անգամ պնդել է, որ «ՀՀ զինված ուժերը 2020 թվականի հոկտեմբերի 4-ին, 5-ին, 8-ին, 11-ին և 17-ին հարվածներ են հասցրել առաջնագծից 80 կմ հեռավորության վրա գտնվող Գյանջայի ուղղությամբ՝ «Տոչկա-Ու», «Սմերչ», «Սկադ» հրթիռային համալիրներից, որից 26 մարդ՝ մահացել, 146-ը վիրավորվել է»:
Ըստ այդմ, ըստ ալիևյան ռեժիմի, պատերազմից հետո կառուցված Գյանջայի հուշահամալիրը ոչ միայն հուշարձան է, այլ նաև միջազգային հանրությանն ուղղված կոչ՝ «Հայաստանի հրթիռային հարվածները խաղաղ բնակչության ուղղությամբ Ժնևյան կոնվենցիայի և մարդկային հիմնարար արժեքների խախտում են»:
Հիշեցնենք, որ այս հարցը Բաքվի «դատավարության» օրակարգում է, և Արցախի ռազմաքաղաքական նախկին ղեկավարներից և դատարան գործուղված «տուժողներից» ցուցմունքներ են կորզվել և կորզվում՝ ընդդեմ Հայաստանի Հանրապետության և ՀՀ զինված ուժերի:
Նշենք, որ ավելի վաղ Ալիևը պահանջել էր հետաքննել «Գյանջայի դեպքերը», պատասխանատվության ենթարկել մեղավորներին, և անգամ ակնարկ էր եղել փոխհատուցման մասին: Իսկ Բաքվի «դատավարության» ժամանակ Բաքուն այս դեպքերի համար մեղավոր է դեռևս համարում ՀՀ զինված ուժերին, և անգամ անուններ են «կորզվել» և հնչել:
Արդյո՞ք Նիկոլ Փաշինյանն այս հարցում անհրաժեշտության դեպքում ևս «կհամագործակցի» Ալիևի հետ՝ իր իշխանության շարունակականության ապահովման դիմաց, քանի որ Ալիևի համար «Գյանջայի դեպքերի», «Խոջալուի ցեղասպանության» (44-օրյայից հետո նախաձեռնվել է նաև «Խոջալուի ցեղասպանության» հուշահամալիրի կառուցում, աշխատանքները դեռ ընթացքի մեջ են) թեմաները փակված չեն:

ՊՆ-ի դիմաց կատարվողը խայտառակություն է, և երևի դիրիժոր կլինի։ Հիշեցի, թե ոնց էր Օնիկ Գասպարյանի ժամանակ մեկը ամեն օր գալիս ՊՆ դուռը ջարդում, հետո դարձավ Նիկոլ Փաշինյանի օգնականը, երբ եղբոր մարմինը գտան, և հետո ինքն էր արդեն “քշում” Կառավարության դիմացը անհետների ծնողներին, որ հավաքվում էին։ Ի դեպ, էն ժամանակ էլ ինչ-որ “մատեր կային խառնված”։ Լինում էր, որ անգամ ֆեյք ծնողներ էին գալիս։ Իսկ ընդհանուր առմամբ, սա է սրանց իշխանության դեմքը։ Իսկ մարդիկ գլխավորներին միշտ մոռանում են…

Անդրանիկ Քոչարյանի ասած ժամկետում Քննիչ հանձնաժողովի զեկույցը չի ներկայացվի, այսինքն, սեպտեմբերի 30-ին։ Սա իմ այս պահի տեղեկությամբ։

-Մինչև վերջին օրը Շուշիում եղել են մեր ուժերը, բայց սա չի նշանակում, որ նրանք կարող էին ազդեցիկ լինել քաղաքի նկատմամբ ամբողջական վերահսկողությունը վերականգնելու համար:
Պաշտպանության նախարար Դավիթ Տոնոյան, 2020, նոյեմբեր 10
-Առավոտյան Արցախի նախագահի գրառումը կարդացի, որտեղ ասվում է, որ այդ աշխատանքների արդյունքում Շուշիում 100-ից ավելի  մեր զինվորների մարմիններ են հայտնաբերվել: Եթե Շուշին հանձնվել է, այդ զինվորներն ո՞ւմ հրամանով են կռվել կամ ինչի՞ համար են կռվել:
Նիկոլ Փաշինյան, 2020, նոյեմբերի 16
-Ինձ զեկուցվել է, որ Շուշիում մենք զինվոր չունենք:
Նիկոլ Փաշինյան, 2023, հունիս 27

Տեսնես մտա՞վ, թե՞ պատերազմից հետո լրիվ մոռացան…
««Հովազ 1» դիրքի ավագի սխրանքն ու գրագիտությունը պիտի մտնեն Հայոց պատմության դասագրքեր։ Մանրամասները՝ պատերազմից հետո»:
Արծրուն Հովհաննիսյան, 2020 սեպտեմբերի 29

Ռուսաստանը ստեղծել է ՀՕՊ կրակային մոբիլ խմբեր, որ նաև այս ձևով պայքարեն ուկրաինական անօդաչուների դեմ։
Նրանց սպառազինությունը բաղկացած է «ГАЗель» բորտային ավտոմեքենաներից, որոնք հագեցած են 7.62 մմ տրամաչափի Կալաշնիկովի տանկային երկվորյակ գնդացիրներով (ԿՏԳ)։
Բացի այս,յուրաքանչյուր հաշվարկի համար նախատեսված է հարթափող հրացան,ժամանակակից հատուկ սարքավորում` ջերմատեսիլային և կոլիմատորային նշանոցներ, անօդաչու թռչող սարքերի դետեկտորներ («Булат-4»), լապտեր-լուսարձակներ և այլն։

Անահիտ Ավանեսյանը, որ վերջին շրջանում ակտիվ իր քաղաքական ղեկավարի թեզերն է տարածում և փորձում հաճոյանալ, վատ չզգա՞ ց, որ երեկ 44-օրյայում Շուշիում զոհված իր հրամանատար եղբոր հիշատակը չհարգվեց, որ մոռացության են տալիս նրա և մյուսների արածները, իսկ իր եղբայրը լավ հայ էր։ Զոհվել է նոյեմբերի 7֊ին Շուշիում և բավականին ուշ գտան։