Category: Suren Surenyants

Աշխատանքային շաբաթը սկսվեց Civilnet-ին տված հարցազրույցով:

Փաշինյանը անոնսավորում է փոքրացող Հայաստանը
«Հայաստանը կարիք ունի նոր Սահմանադրության, ոչ թե Սահմանադրական փոփոխությունների»,- ասում է Նիկոլ Փաշինյանը:
Թերևս, նրա խոսքի խորքային իմաստը շատերը չհասկանան:
Նոր Սահմանադրությունը ենթադրում է նոր Հանրապետություն: Եթե դա տեղի ունենար պետականության հիմնադրույթների շուրջ քաղաքական, հանրային քննարկումների արդյունքում, թերևս՝ կարելի էր խոսել պետականության զարգացման ինչ-որ հանգրվանի մասին:
Բայց նոր Սահմանադրություն Նիկոլին պետք է Ալիևի վավերացրած «կադաստրի վկայականին» «համաժողովրդական փաթեթավորում» տալու համար:
Նոր Սահմանադրությունը Փաշինյանին պետք է՝ Հայաստանի Անկախության հռչակագիրը «խմբագրելու», նոր «կադաստրի վկայականով» «լեգիտիմ» սահմաններ հաստատելու համար:
Փաշինյանը անոնսավորում է փոքրացող Հայաստանը, որի համար «պատմական հայրենիք» է դառնալու 29800-ը:
Հ.գ- Որպեսզի ասածս մերկապարանոց չհնչի, ևս մեկ հատված Փաշինյանի այսօրվա խոսքից. «Հարց է ծագում, իսկ ո՞րն է Հայաստանի Հանրապետության տարածքը: Իրականում ես նորից ուզում եմ ընդգծել, որ մենք այս հարցին ոչ թե պետք է պատասխան գտնենք, այլ պետք է ուղղակի դարակներից հանենք և սեղանին դնենք գոյություն ունեցող պատասխանը»:
Դարձյալ Երրորդ հանրապետության, նրա տարածքային ամբողջականությունը ապալեգիտիմացնելու փորձ:

Ընդդիմադիր գեներալին կարելի է պատժել, նրա ձերբակալության նվաստացուցիչ կադրերը իշխանության մեդիայով տարածել, բայց ՔՊ-ական քաղաքապետը, որը կտրող գործիքով հարձակվել է քաղաքացու վրա՝ անպատիժ է:Media Post Factum-ի անդրադարձը:

Փաշինյանի «պատկերացումը» խաղաղության մասին
«Ես կարող եմ ուրիշ առաջարկ անել՝ եկեք սպառազինությունների վերահսկման վերաբերյալ պայմանագիր կնքենք, որ Հայաստանն ու Ադրբեջանը սպառազինությունների հետ կապված կոնկրետ պայմանավորվածություններ ձեռք բերեն և մեկը մյուսի պայմանավորվածությունների կատարումը վերահսկելու հնարավորություն ունենա»։
Նիկոլ Փաշինյան
● Սա էլ անօգնական հավաստիացում է Ալիևին առ այն, որ Հայաստանը սպառազինվելու կամ ուժային դիսբալանսը փոխելու ցանկություն չունի: Սա է Փաշինյանի պատկերացումը խաղաղության մասին: Չզարմանաք, որ այս կետին Ալիևի «հայելային» պատասխանը դառնա պահանջը, որպեսզի պայմանագրով արձանագրվեն ՀՀ ԶՈւ առավելագույն թվաքանակը կամ սպառազինության թույլատրելի տեսակները:

ԱՄՆ-ը և Մեծ Բրիտանիան գիշերը հարվածներ են հասցրել Եմենին: Այս գործողությունը կարող է սադրել Իրանին՝ դառնալով մերձավորարևելյան պատերազմի ընդլայնման առիթ:

«Կենտրոն» TV-ի ռեպորտաժում մեկնաբանել եմ Ալիևի երեկվա հայտարարությունները:

Մեկ օրվա մեջ ԶՈւ երկրորդ զինծառայողն է սպանվում, դառնում ոչ կանոնադրական հարաբերությունների զոհը ու ՊՆ նախարարը և Գլխավոր շտաբի պետը դեռ պաշտոնավարում են: Փաշինյանի համար զինվորը, մարդը մի կախիչի արժեք չունեն:

Երկկողմ համաձայնությունները խոսակցություն են ոչ թե խաղաղության, այլ կապիտուլյացիայի ճանապարհային քարտեզի մասին. Սուրենյանց
Ալիևը հետևողականորեն քայլում է բոլոր այն կարմիր գծերի վրայով, որոնք Փաշինյանի իշխանության կողմից հռչակվել էին։ Այս մասին «Աբովյան Time»–ի եթերում ասաց քաղաքագետ Սուրեն Սուրենյանցը։

«Բաքուն կարողացավ հասնել նրան, որ միջազգային միջնորդների և երաշխավորների ինստիտուտը վերանում է»,–ասաց նա։

@ArmeniaSputnik