Category: Suren Surenyants

Փաշինյանը «որդեգրեց» Տեր Արամին՝ որպես «հոգևոր կցորդ»
Նիկոլ Փաշինյանի վերջին հայտարարությունը չի սահմանափակվում ներքաղաքական բանավեճով։
Այն արտացոլում է շատ ավելի վտանգավոր միտում․ հոգևոր իշխանությունը զավթելու փորձ։
Վարչապետը, իր ձեռքում կենտրոնացնելով պետական լծակները, այժմ փորձում է հաստատել վերահսկողություն նաև հոգևոր ոլորտում։
Տեր Արամի «առանձնահատուկ դերը» ակնհայտ է․ նա ներկայացվում է որպես եկեղեցու ներսում իշխանության խոսափող, բայց իրականում կոչված է ծառայել վարչապետի քաղաքական ծրագրին։
Սա արդեն սովորական քաղաքական գործընթաց չէ, այլ պետական հաստատությունների արժեզրկում և դրանց փոխարինում՝ աղանդավորական բնույթի կառույցով, որտեղ առաջնորդը Փաշինյանն է, իսկ «հոգևոր մարգարեն»՝ Տեր Արամը։
Այս քայլով վտանգվում է ոչ միայն եկեղեցու անկախությունը, այլև Սահմանադրությամբ ամրագրված իշխանությունների տարանջատման սկզբունքները։
✝️➡️🏛️
#ՀոգևորԿցորդ
#ՏերԱրամՓաշինյան
#ՔաղաքականԱվետարան
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🇦🇲🇷🇺🇮🇷🇺🇸 Զանգեզուրի միջանցք, թե՞ տրանսպորտային հանգույց
Առաջին նախագահ Լևոն Տեր-Պետրոսյանը «Իլուր»-ի հետ զրույցում հստակ շեշտադրել է․
🔹 Նա հրաժարվել է «Զանգեզուրի միջանցք» ձևակերպումից, որը լուրջ մտավախություններ է առաջացնում հասարակության մեջ։ Փոխարենը առաջարկել է նոր տերմին՝ «Զանգեզուրի տրանսպորտային հանգույց»։
📌 Այս նոր ձևակերպումը քաղաքական մեծ նշանակություն ունի․ այն նվազեցնում է միջանցքի գաղափարի վտանգավորությունը, հեռացնում է «սուվերենության կորուստ» ընկալումները և ցույց տալիս, որ խոսքը Հայաստանի ինքնիշխան վերահսկողության ներքո գործող հաղորդակցությունների մասին է։
🔹 Վերահսկողությունը պետք է լինի բացառապես Հայաստանի ձեռքում՝ սուվերեն իրավունքի ուժով։
🔹 Հայաստանը, միջազգային իրավունքի շրջանակում, կարող է երաշխավորել շահագրգիռ երկրների անխափան գործունեությունը։
🔹 Խնդրի կայուն լուծումը հնարավոր է միայն այն դեպքում, եթե գործի դրվի մեխանիզմ, որը կբավարարի միաժամանակ Ռուսաստանի 🇷🇺, ԱՄՆ-ի 🇺🇸 և Իրանի 🇮🇷 շահերը։
⚖️ Տեր-Պետրոսյանը առաջարկում է խաղաղության նոր բանաձև․ ոչ թե Ադրբեջանի պարտադրանք, այլ մեծ տերությունների աշխարհաքաղաքական բալանս, որտեղ Հայաստանը հանդես է գալիս որպես սուվերեն դերակատար։
👉 Եթե Փաշինյանի իշխանությունը որդեգրի ոչ թե այս բալանսավորված մոտեցումը, այլ առաջնորդվի «Թրամփի ուղիով», ապա աշխարհաքաղաքական ական կդնի խաղաղության գործընթացի հիմքում։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🇦🇲 Զիջո՞ւմ Ադրբեջանին, թե՞ հաճոյախոսություն ընտրություններից առաջ
Պաշտպանության նախարարությունը հանրային քննարկման է ներկայացրել «Զինվորական ծառայության և զինծառայողի կարգավիճակի մասին» օրենքում փոփոխությունների նախագիծ, ըստ որի պարտադիր ծառայության ժամկետը 2026թ․ ամառային զորակոչից սկսած կրճատվելու է 24-ից մինչև 18 ամիս։
Նախարարությունը դա հիմնավորում է պայմանագրային զինծառայողների թվի աճով։ Բայց իրականում խնդիրը շատ ավելի խորքային է․
🔹 Հայաստանի սահմանները շարունակում են մնալ մշտական սպառնալիքի տակ, և բանակի մարտունակությունը չի կարելի չափել միայն զինծառայության ժամկետով:
🔹 Ժողովրդագրական ճգնաժամն իրական է, բայց ծառայության կրճատումը պետք է ուղեկցվի պահեստազորի և պայմանագրայինների իրական ուժեղացմամբ։
🔹 Ադրբեջանը տարիներ շարունակ պահանջում է Հայաստանի զինված ուժերի սահմանափակում և կրճատում․ և եթե Երևանը գնում է այս քայլին առանց ռազմավարական հաշվարկի, ապա այն ընկալվելու է ոչ թե որպես բարեփոխում, այլ՝ Բաքվի պահանջի կատարում։
🔹 Կա նաև ներքին քաղաքական հաշվարկ․ ծառայության ժամկետի կրճատումը արվում է ոչ թե անվտանգության ամրապնդման, այլ 2026-ի խորհրդարանական ընտրություններից առաջ հասարակությանը «հաճոյանալու» նպատակով։
Սա իշխանության հերթական մանևրն է, որտեղ անվտանգությունն արդարացվում է կարճաժամկետ քաղաքական շահով։
Աշխարհի փորձը ցույց է տալիս․ ծառայության ժամկետը կարելի է կրճատել միայն այն դեպքում, երբ առկա է ուժեղ պահեստազոր, տեխնոլոգիական արդիականացում և հստակ ռազմավարություն։
Հակառակ դեպքում՝ ծառայության կրճատումը դառնում է ոչ թե բանակի ուժեղացման, այլ պետության թուլացման գործիք։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🇦🇲⚽ Հաղթանակ, որը վերադարձնում է հավատը
Հայաստանի հավաքականը 2-1 հաշվով համոզիչ հաղթանակ տարավ Իռլանդիայի նկատմամբ՝ ընդամենը մի քանի օր անց վերականգնելով իր դիրքերը Պորտուգալիայից կրած ծանր պարտությունից հետո։
Սա հոգեբանական շրջադարձ է։
Թիմը ապացուցեց, որ նույնիսկ ամենածանր հարվածից հետո կարող է ոտքի կանգնել, ուժ հավաքել և դաշտում արժանապատիվ պատասխան տալ։
👏 Շնորհավորանքներ մեր ֆուտբոլիստներին՝ պայքարի կամքի և հաղթելու վճռականության համար։
Միևնույն ժամանակ պետք է գիտակցել․ որքան էլ այս հաղթանակը ոգևորիչ լինի, այն չպետք է դառնա չափազանց մեծ կամ չարդարացված սպասումների աղբյուր։
Ֆուտբոլում կայուն հաջողությունները ձևավորվում են երկարատև աշխատանքի և հետևողականության շնորհիվ, իսկ այս արդյունքը պարզապես ճանապարհի կարևոր, բայց դեռևս նախնական քայլն է։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Այսօր Հայաստանի հավաքականը փայլում է` 2:0

🇦🇲⚽🇮🇪 Այսօր՝ Հայաստան – Իռլանդիա
Հայաստանի ազգային հավաքականը այսօր ուժերը չափելու է Իռլանդիայի ընտրանու հետ՝ 2026 թվականի աշխարհի առաջնության Եվրոպական գոտու F խմբի ընտրական փուլի շրջանակներում։
Մինչ այս Հայաստանը և Իռլանդիան հանդիպել են 4 անգամ․
Իռլանդիան հաղթել է 3 խաղում
Հայաստանը՝ 1 խաղում
Ոչ-ոքի չի գրանցվել
⚽ Գոլերի ընդհանուր հաշվարկը՝ Իռլանդիա – 6, Հայաստան – 4։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🇦🇲🇦🇿 Ալիևի պնդումները և Երևանի վտանգավոր լռությունը
Ալիևը կրկին վերադարձել է իր հին բառապաշարին։
Այսօր, Ասիայում փոխգործակցության և վստահության կառուցման միջոցների համաժողովում, նա հայտարարել է․
👉 «Ադրբեջանը դառնում է Եվրասիայի կարևորագույն տրանսպորտային-լոգիստիկ հանգույցներից մեկը։ Չեմ կասկածում, որ Զանգեզուրի միջանցքը՝ որպես Միջին միջանցքի ուղղություններից մեկը, մոտ ապագայում մայրցամաքներն իրար կապող կարևոր տրանսպորտային արտերիա կդառնա»։
Սա շարունակությունն է այն ուղերձի, որ Ալիևը հնչեցրեց ՇՀԿ գագաթնաժողովում՝ երբ հայտարարեց, որ «Զանգեզուրի միջանցքը շուտով կդառնա Միջին միջանցքի և Հյուսիս–Հարավ միջանցքի կարևոր հատված»։
Խնդիրը միայն բառերի ընտրությունը չէ։ Ալիևը հետևողականորեն փորձում է պահպանել «միջանցքային տրամաբանությունը», այսինքն՝ ներկայացնել, թե Սյունիքի ճանապարհը բացվելու է ոչ թե Հայաստանի ինքնիշխան վերահսկողության ներքո, այլ՝ հատուկ կարգավիճակով։
Սա նրա քաղաքական գիծն է․
✔️Ներքին լսարանին նա ցույց է տալիս, որ չի զիջում «միջանցք» պահանջից։
Միջազգային լսարանին՝ որ առանց Ադրբեջանի թեզի հնարավոր չէ ապահովել Միջին միջանցքի ամբողջականությունը։
🇦🇲 Հայաստանի համար սկզբունքային է մեկ բան․
Ճանապարհները կարող են լինել, բայց միջանցք չի լինելու։
Ցանկացած հաղորդակցություն կարող է գործել միայն Հայաստանի ինքնիշխանության ներքո։
❓Բայց արդյո՞ք Փաշինյանի կառավարությունը կհետևի այս սկզբունքին, թե՞ հերթական անգամ կդիմի նվաստացուցիչ զիջումների՝ հօգուտ Ադրբեջանի։
‼️ Մինչ այժմ Նիկոլ Փաշինյանը կամ Արարատ Միրզոյանը հստակ չեն հերքել Դոնալդ Թրամփի հայտարարությունը Սյունիքի ճանապարհը 99 տարով վարձակալելու մասին։
Նրանք նաև չեն հայտարարել, որ Հայաստանը ունենալու է մաքսային վերահսկողություն այդ ճանապարհի նկատմամբ։
Սա միայն ուժեղացնում է հանրային կասկածները, որ պաշտոնական Երևանը Սյունիքի հարցում արդեն իսկ արել է կամ պատրաստվում է անել սկզբունքային զիջում։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🇦🇲🤝🌍 Խաղաղությունը չի կարող լինել կապիտուլյացիայի արդյունք
Ռուսաստանի ԱԳ նախարար Սերգեյ Լավրովը ՄԳԻՄՕ-ում ունեցած ելույթում թերահավատորեն է արձագանքել Վաշինգտոնում նախաստորագրված հայ–ադրբեջանական փաստաթղթին՝ ակնարկելով, որ իրական խաղաղություն Հարավային Կովկասում հնարավոր է միայն Մոսկվայի շահերի հաշվի առնելու դեպքում։
Միևնույն ժամանակ, Ադրբեջանի նախագահի հատուկ ներկայացուցիչ Էլչին Ամիրբեկովը բաց տեքստով հայտարարել է․ մինչև Հայաստանի Սահմանադրությունը չհամապատասխանի Բաքվի օրակարգին, խաղաղության պայմանագիրը չի կարող ստորագրվել։
Սա նշանակում է՝ հանրաքվեն դառնում է պայթյունավտանգ «ական» գործընթացի ճանապարհին․
👉 Եթե հասարակությունը կողմ քվեարկի, Հայաստանը փաստացի ընդունում է ադրբեջանական վասալիտետը։
👉 Եթե դեմ քվեարկի, Բաքուն ստանում է նոր պատերազմի պատրվակ։
Սա կործանարար փակուղի է։
Բայց Հայաստանի միակ իրական ընտրությունն այն է, որ կարողանա Սահմանադրության հարցը դուրս բերել խաղաղության կարգավորման գործընթացից։
Դրա համար անհրաժեշտ են երկու առանցքային պայման․
🔹 Հայաստանի հասարակության բևեռացման հաղթահարումը և 2026-ի ընտրություններով որակապես նոր ներքաղաքական ստատուս-քվոյի ձևավորումը։
🔹 Հմուտ և բազմաշերտ դիվանագիտության գործադրումը, որը թույլ կտա միջազգային դերակատարներին համոզել՝ խաղաղությունը չի կարող պայմանավորվել մեկ երկրի ներքին իրավակարգով։
Միայն այդպես Հայաստանը կկարողանա խուսափել պարտադրված երկակի ծուղակից։
Խաղաղությունը չի կարող լինել կապիտուլյացիայի արդյունք։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🛑 Խորհրդարանական արժանապատվության ճգնաժամ
Ազգային ժողովում Արթուր Հովհաննիսյանի պահվածքը ոչ միայն անթույլատրելի է, այլև բացարձակապես անհամատեղելի է պատգամավորի կարգավիճակի հետ։
Սեռական բնույթի վիրավորանք հնչեցնելով ընդդիմադիր պատգամավոր Թագուհի Թովմասյանի հասցեին՝ նա հատել է բոլոր կարմիր գծերը։
Սա այլ կերպ, քան քաղաքական ստորություն, չի կարելի բնորոշել։
Սա ՔՊ-ական պատգամավորի անպատժելիության առաջին դեպքը չէ։
Մի քանի տարի առաջ ՄԻՊ ընտրությունների ժամանակ Հովհաննիսյանը հրապարակավ սպառնացել էր «կտրել» թեկնածու Էդգար Ղազարյանի լեզուն ու ականջը։
Այս փաստը ցույց է տալիս, որ գործ ունենք ոչ թե պատահական սայթաքման, այլ վտանգավոր վարքագծային մոդելի հետ։
Հովհաննիսյանի այս ամբարտավան պահվածքը սնվում է անպատժելիության մթնոլորտից․
● երբ Ալեն Սիմոնյանը թքեց քաղաքացու վրա ու մնաց անպատիժ,
● երբ Նիկոլ Փաշինյանը ընդդիմադիր պատգամավորներին «համբալ» անվանեց, և դարձյալ հետևանքներ չեղան։
Այսօր այդ նույն մթնոլորտը ծնել է հերթական խայտառակ դրսևորումը։
Աշխարհում նման պահվածքը չի մնում առանց հետևանքի․
● Ֆրանսիայում նախարար Դամյեն Աբադը հեռացավ պաշտոնից միայն կանանց իրավունքների կազմակերպությունների մեղադրանքների ֆոնին։
● Նորվեգիայում պատգամավոր Ինգվիլդ Վարաֆյորդը վայր դրեց մանդատը՝ սոցիալական ցանցում անընդունելի գրառում կատարելու համար։
Այս օրինակների համեմատությամբ Արթուր Հովհաննիսյանի պահվածքը անհամեմատ ծանր է՝ սեռով պայմանավորված խտրականություն, զրպարտություն և կնոջ արժանապատվության նկատմամբ բացահայտ ոտնձգություն։
Այս իրավիճակում ընդդիմադիր խմբակցությունները պետք է հանդես գան համատեղ հայտարարությամբ և բոյկոտեն Ազգային ժողովի նիստերը, մինչև վարչապետ Նիկոլ Փաշինյանը չհնչեցնի իր պաշտոնական քաղաքական գնահատականը և Հովհաննիսյանը վայր չդնի մանդատը։
Ես իմ ամբողջական զորակցությունն եմ հայտնում Թագուհի Թովմասյանին։
Նրա հանդեպ հնչած վիրավորանքները վիրավորում են ոչ միայն մեկ պատգամավորի, այլև յուրաքանչյուր հայ կնոջ արժանապատվությունը։
🛑 Լռությունը այս հարցում կնշանակի համակերպում խայտառակության հետ։ Իսկ համակերպումը՝ քաղաքական համակարգի վերջնական արժեզրկում։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Հարցազրույց Hayq News-ին
https://youtu.be/zpDtv_sGP48?si=arj5TagVSTTMlCzJ